مواقف طريفة للشباب مع صلاة الفجر

1. (( قصه شاب مع ثوبه .. ))


2. يقول....


3. (( قصه يرويها احد الشباب الملتزمين ))


4. وتعرفون الاطفال الصغار الواحد منهم مصحيه ابوه بالقوه..

السلام عليكم ورحمة الله وبركاته
شوفوا الشباب وش يسوون وقت الصلاه الفجر
(( قصه وهو في سيارته .. ))
يقول احدهم
مره كنت انا قايم من النوم تعبان مره
توضيت ولبست ثوبي وشماغي وطلعت وشغلت السياره عاد تعرفون لازم نخليها تحما
قلت في طول ما تحما السياره اخذ غفوه داخل السياره
خذت غفوه واقوم قلت خلاص الحين حمت اكييد واشوف النور طللع والناس صلت وانا توني اقوم لا والقهر الوالد مر علي وشافني في السياره ولا صحاني
(( قصه شاب ومعاناته مع النوم ))
مرة في الصلاة كنت نعسان ،وفي التشهد الاخير طول الامام،وطول وطول وطول فتأكدت انه نايم بعد فتره حسيت الموضوع فيه ( إن )!!
رفعت شماغي من جهة اليمين فما وجدت احد رفعته من اليسار فما وجدت الا كم شخص من بعيد فاكتشفت اني انا اللي كنت نايم في التشهد........

(( قصه شاب مع ثوبه .. ))

يقول....

مره وانا إمام مسجد كنت كالعاده اقوم لصلاة الفجر مسرع، لاني طايح بمؤذن ما يعرف الدقيقه،المهم اني في هالمره قمت توضيت ولبست ثوبي واخذت شماغي وهي العاده ما اسكر ازارير الثوب الا وانا داخل او وهو يقيم لان العالم كلها نايم(مااحد يشوف)فجأه وانا متقدم والمؤذن يقيم.....؟؟؟؟ احاول اني اسكر ازارير ثوبي ما قدرت ...؟؟
حاولت ولا نفع ..؟؟؟ اكتشفت اخيرا اني لابس الثوب مقلوب ..؟؟؟
وتعال دورني ..قعدت اغطي صدري بشماغي بعد الصلاه ولا احد انتبه لي....الحمدلله

(( قصه يرويها احد الشباب الملتزمين ))

هذي قصه لواحد من الشباب يرويها بنفسه يقول كنت في بدايه التزامي والحمدلله قد بدات احفظ القران الكريم ..وقد بدات احفظ من قصار السور مبتدءاً بسورة ق
المهم والحمدلله انا من المواظبين على صلاة الفجروفي روضة المسجد خلف الامام مباشره.. وفي تلك الايام قدّر الله ان الامام تأخر عن صلاة الفجر ...والتفت المؤذن الي وقال تقدم ..تقدمت وكلي ثقه ولكن بيني وبينكم هذا في الظاهر اما داخليا فكان في نفسي رهبة شديده ،،كبرت وبعد قرآة الفاتحه قلت في نفسي هذي فرصه لقآة سوره ق تعوذت بالله وبسملت وقرات مبتدءا اليه ق..... وارتجيت وضاع الحفظ..
وسكت ..قال المؤذن والقران المجيد قلت والقران الجيد وقفلت ،قال بل عجبوا قلت بل عجبوا ،قال ان جاءهم ،قلت ان جاءهم واستمر يلقنني ايتين او ثلاث
وانا اردد خلفه وضاعت طاستي ..وكبرت وركعت وانا خلاص منتهي وش هذا الموقف ..
وتداركت نفسي اثناء السجود والجلسه ..وإذا بسورة ق تنساب في مخي ايه ايه
رفعت للركعه الثانيه وقرات الفاتحه وقلت في نفسي لازم اوري الجماعه اني حافظ السوره ولست اي كلام .. ويشاء الله ان ابدأق .. واول ما نطقتها قفلت وضاع الحفظ ..
قال المؤذن خلفي بصوت خنق والقران المجيد قلت والقران المجيد وقفلت .. قال بل عجبوا ..... بل عجبوا وهكذا مثل الركعه الاولى ... وانا انتفض من الخجل والفشيله ........المهم ركعت .......والمشكله المؤذن حمقي .. وبدون مقدمات وامام الجماعه ...قال ما تقولي هالحين نطلعك من ق وترجع لها ليش ........
ولم ارد على شي وبقيت في المحراب حتى خرج كل من في المسجد
(( قصه حصلت امام احد الشباب ))
يقول فيها
هذي حصات امامي
دخلت المسجد صلاة الفجر والامام يقرأ

وتعرفون الاطفال الصغار الواحد منهم مصحيه ابوه بالقوه..

وانا خارج المسجد سمعت الامام تعتع في الايه .....ولم يكن خلفه من يستطيع من يرد علية اخذ الامام يكرر الايه ...املا ان يذكر ما يليها او على الاقل يذكره احد المأمومين
ولكن دون جدوى ....استمر يكرر و ريكرر...... الا يذكرها ...وماله نيه يركع وهو ما كمل اليه ودخلت المسجد ....والامام على حاله يكرر اليه مرات ومرات وعند اقترابي من الصف كان طرف الصف طفل نعسان ومستعجل يبي يخلص الصلاه يرقد قبل المدرسه
والامام مازال يكررويكرر الايه
فالتفت الطفل وقال بعفويه وبرائة الطفوله وقال ’’’’ياخي اركع وخلصنا ’’’’ بصوت مسموع
فما كان من المام الا ان ركع على طول
وانا مدري وش سويت من الضحك
(( سالفه ظريفه جداً ))
مرة كنا في صلاة الفجر وتعرفون نص المصلين معظمهم يسهر ويقوموا صلاة الفجر وباقي ما شبعوا نوم
المهم الامام كان يقرأ سورن من ضمن اياتها (((الضالين))المهم قراها الامام ومدها كانها الضالين اللي في سورة الفاتحه
وبعدها ما تشوفون إلا آآآآآآمين من النايمين على بالهم ان الامام يقرا سورة الفاتحه...
:d7:
منقول