مين جربت سن رايز او دايت ووردضروري ردو علي

انا جربت الي بالمعيبد حلو نزلت اربعه كيلو بشهر بس المفروض انه ماتاكلين شي غير اكلهم ابدا ولازم رياضه وترى تملين من اكلهم يعني اشتركي شهر ووقفي شوي وارجعي لهم واي سؤال انا حاضره

ياقلبي طيب 4كيلو مره شوي بشهر؟؟؟
انتي خربطتي؟؟ولا هم كذا نظامهم؟؟؟
واكلهم كيف حلوو مو حلو؟؟؟
ويوصلونه للبيت ولا؟؟

قمر الفراشات
اهلين حبيبتي شوفي هو نظامهم يعتمد على السعرات الحراريه يعني نوعيه الاكل والكميه وهدفهم انك تنزلين من وزنك شوي شوي طيعا هم قالولي انه معدل نزول الوزن الطبيعي عندهم من 5 ل 7 كيلو بالشهر وطبعا كل مازاد وزنك كل مانزلتي اكثر انا وزني كان 70 يعني المعدل الطبيعي اني انزل 5 كيلو وصدقيني كذا زين لك واصحلك النزول السريع مو حلو وبعدين انتي لو تشوفين اكلمه بتضحكين يتقولين ماراح انحف لانه من جد كثير وتشبعين بعد
بس انتي روحي وخليها تشوف وزنك وطولك وتقيس نسبه الشحوم بجسمك يمكن تنحفين اكثر مني بالنسبه لموضوع اكلهم هو اكيد مو مثل اكل المطاعم الثانيه لكن كاكل ريجيم يعتبر واو يعني فيه كل شي الايطالي واللبناني والفاست فود وفيه حلى بعد لكن كميه بسيطه وتحسينه خفيف يعني مافيه زيت بس مو وع كانك تاكلين شي مسلوق حق مرضى فهمتي علي وبالنسبه للتوصيل انتي براحتك اذا تبين توصيل بيكون فيه زياده فلوس على حسب بعد بيتك عن مكانهم وعلى فكره حق الراشد مايمدحونه الي اسمه الدايت وورد وفيه واحد ثاني فتح اسمه دايت سنتر الي كانو يجيبون منه لستار اكاديمي الي الكرتون عليه صوره تفاحه هذا مدحوه مره بس ماجربته
تلقينه ورا مجمع التركي بكورنيش الخبر اتنمى اكون افدتك اي استفسار انا جاهزه

ياحياتي مشكوره مره
طيب بكم بالشهر سعرهم؟؟؟؟؟؟؟؟؟؟؟؟؟؟
انا طولي 165ووزني تقريبا مابين 65 او 70 بس انا مشكلتي الترهل
ودي انحف لل50
طيب بسئلك انتي لمى نحفتي كم كيلوو تغير شكلك؟؟؟؟وجهك؟؟؟
يعني لو بدوام عندهم ومثلا للعيد شهرين يعني وقولي نزلت 9 كيلو
لاني بسوي رياضه وبشد ع نفسي
تتوقعين يبين على جسمي وشكلي اني ناحفه؟؟؟
ووناسه انا اتمنى دايت سنتر من زمان توني دريت انه فتح
انتي متاكده انه نفسه الي بستار؟؟؟؟؟ وتعرفين احد جربه ونحف منه مره؟؟؟؟؟؟
ولمى تركتي المعيبد رجع وزنك؟؟
ادري حبيبتي غثيتك سامحيني بس والله مافي احد عبرني غيرك وربي يوفقك وتوصلين للوزن الي تبينه

اهلين حبيبتي ولا غثيتيني ولاشي بالعكس حلو الواحد يستفيد من تجارب غيره
الشهر 2000 ريال ممكن تشتركين لمده اسبوعين ب1000 تجربين اذا عجبك اكلهم ولا لا
انتي تقريبا وزنك وطولك قريب لي شوفي انا من النوعيه الي اذا نحف كيلوين يفرق فيني ويون نحفت عندهم كلن لاحظ الفرق مع انه مو كثير يعني هو يعتمد على جسمك وجهي نحف بس عادي مو مره
واكيد اذا انشالله بتنحفين لو خمسه كيلو بيفرق لاتستهينين حتى لو كيلو واحد
وبالنسبه لدايت سنتر انا متاكده انه الي بستار اكاديمي والله مااعرف احد اشترك فيه بس اتوقع انه مره كويس
نجي للسؤال الي بتفلسف عليك فيه وكنت والله بقولك قبل ماتساليني طبعا يوم تركته رجع وزني لاني رجعت اكل مثل قبل ماحافظت رجعت للشوكولاته والخبز والاشياء هذي وهم بيقولون لك اذا خلصتي لاترمين العلب الي نرسل فيها الاكل لك تتوقعين ليه ؟يقولون عشان انتي بعدين تعرفين كيف تنظمين اكلك يعني الصحن الي يرسلون لك فيه رز تعرفين كم كميه الرز الي انتي تاكلينها بعدين اذا خليتيهم فهمتي علي ؟ وغر كذا خلال ريجيمهم اذا خربطتي لو مره وحده بالاسبوع ماراح تنحفين لانه بياثر على عدد السعرات الي هم حاسبينها لك
الزبده انا انصحك تشتركين فيه لكناذا ماعندك اراده تحافظين ماراح ينفعك لا دايت سنتر ولا غيره لاتزعلين مني
بس هو حلو يحمسك بالبدايه وانتي بعدين تكملين لحد ماتوصلين للي تبين يعني هو مو سحر واي سؤال لاتستحين انا والله حاضره عادي اسالي الي تبين وسلامتك