نحفت 10 كيلو وصارت بشرتي جنان

1. معكم الدبدوبة الحبوبة غ.....


2. وانا إنسانة احب الحركة وحيوية كثير ولله الحمد.


3. طبعاً احياناً كنت اشرب بيبسي بس دايت.

هلو قيرلز

معكم الدبدوبة الحبوبة غ.....

خ
ما عاد بقي إلا اقول اسمي بالكامل المهم اني انا طويلة العمر ( والقارئات) نحفت عشرة كيلو في شهر وبان خصري اللي كان متلحف ببطانية الشحوم وبشرتي صارت جنان اكثر حتى اظافري والنفسية صارت متألقة وعلى الآخر. حتى الاحظ لما البنات يكلموني وهم يناظروني وعيونهم ولا تسألوني عن المديح.
اللي سويته بصراحة ما يعتبر رجيم بل تنظيم وجبات ورفاهية اكثر. كيف؟
يسمونه نظام الثلاث ساعات. صديقتي نزلها 5 ك في اسبوعين تقريباً.
تاكلين اللي تبين بس خفي يدك شوي ونظمي وقتك.
انا على سمنتي كان عندي فقر دم وكنت ادوخ بالكلية وما اقدر اذاكر وانام ولا كأني نمت.
وهذا اللي حفزني اني انظم اكلي. صعبة دبة منفوخة ولا مني رجا

وانا إنسانة احب الحركة وحيوية كثير ولله الحمد.

السالفة شفت برنامج يتكلم عن ذا النظام. بين كل وجبة ووجبة 3 ساعات 3 رئيسية معروفة والباقي سناك. طبعاً انتي تنظمين وقتك بس اهم شي يكون الفطور بدري شوي يعني 5/6/7/8
افطر الساعة 6 (موقتة الجوال عالوجبات) عادي اللي يجي خبز جبنة بيض تميس فطيرة لوزين تفاح فول عدس اشرب عصيرأو حليب آكل سلطة. (ولو بس طماطم ) بس الشاي حطيت عليه × بسبب فقر الدم و صرت آكل كبدة كل خميس (سندويشة بس و امسكي خشمك إذا ما اعجبتك وبتتعودين عليها مثلي ) طبعاً مطبوخة. رجعت لي الدم وصارت بشرتي افتح وحمرا بجد. واحدة من زميلاتي سألتني ويش ماركة احمر الخدود اللي استعمله؟ (أنا ما استخدم اي مكياج ما عدا الروج واحيانا كحل سادة بس) تفاجأت وقلت لها وأنا صادقة ماركة كبدة .
الساعة 10 سناك خفيف: عصير (غالباً كنت اشرب راني حبيبات خوخ أو أناناس) أو لبن أو زبادي أو سلطة أو فاكهة أو فشار بوب كورن بمسحة زيت وإذا كان بدون زيت اشبعي منه ماراح يأثر وثابت علمياً.
وهنا احب اذكركم بأهمية الماء اللي ما تعرفه نسميه مويا. اشربي منه لاحسيتي بالجوع وعادي بأي وقت مالا يقل عن 8 اكواب يومياً.
الساعة 2 الغداء كبسة إدام دجاج سمك اللي تبين بس مع سلطة لازم أو إي نوع خضرة أو فاكهة.

طبعاً احياناً كنت اشرب بيبسي بس دايت.

الساعة 6 المغرب:سناك بس هاذي فيها دلع شوي ممكن قطعتين شكولاته (كنت آكل حبتين اولكر سبرايز) مع فشار اومما سبق ذكره واحياناً قليلة دانيت شكولا أو كريم كراميل واحيانا ايسكريم بس مرتين في الأسبوع واحياناً ثلاثة (مصختها صح)
الساعة 10 : العشاء واحياناً انام وانكسل عليه من زود التعب والنوم . الموجود سلطات بابا غنوج تبولة فتوش مع المتيسر غالباً مكرونة مع بازلاء وجزر وقطع دجاج مكعبات مع صوص زبادي بمايونيز وصويا وكم قطرة شطة سومطرة وثوم بسيط احيانا عادي اكافئ نفسي ببيتزا(قطعتين بس) همبرجر مع فطيرة سبانخ او كودو مع سلطة صحية او فيليه دجاجا او سمك.
بس لا تكثرين اكل وماراح ينتهي الاسبوع الأول إلاوراح تحسين بالشبع وما راح تجوعين إلا وقت الوجبة بس ومعدتك بتصغر وبتشبع على طول.
دلع صح؟ بالنسبة للرياضة تقريبا ما يحتاج بس إذا تبين أرقصي وانبسطي وهزي ما يحتاج مسجل عندك الجوال و مشغل الام بي ثري أو 5 دقايق درج تكفي. أنا كنت اسوي تمارين علشان صدري يخف وكان التمرين يشمل البطن رهيب مرة بس صدري كان حالة ميؤوس منها اما البطن صح تغير. اللي تبي ذا التمرين تقولي.
وسلامتكم