هندسة طبيه ولا اتصالات

هلا حبيباتي
اول مرة اكتب موضوع فهالقسم
بس في شغلة محيراني من فترة طويلة وترددت اكتب موضوع عنها
انا ادرس اول سنة جامعه وهذا اول فصل لي
وبجامعتي مو من البداية تحددي تحصصك
يعطوك فرصة لحد ماتتعرفي عالتخصصات وبعدين تقرري عشان ماتغيريه كل مرة
المهم
انا من يووم يومي احب الاحياء والكيميا بالمدرسة
وبجامعتي كلها هندسات
والهندسة الوحيدة اللي لها دخل بميولي هيا الهندسة الطبيه الحيوية
مم انا من يومي وانا احب ابرمج الكمبيوتر في البيت وانا اللي اهتم بتصليحو
وبالجامعه اغلبها هندسات لها علاقة بالتكنولوجيا والكمبيوتر
وانا صح اني احب البرمجة لكن ماحبها كدراسة مجرد هوايه
وبالمدرسة ماكان في مواد برمجة عشان احدد اذا حبيتها ولا لا
المهم هالسنة اخدنا مادة لغة برمجة وكنت بالبداية مو طايقاها بس مع الوقت حبيتها واطمنت لها
وصرت استمتع بها
المشكلة هي كالاتي
اانا كخيار اولي ابي هندسة طبيه لاني احبها<<على ايام المدرسة وكدا
بس الوالدة الله يحفظها تباني ادرس هندسة اتصالات
اانا مااحب ادرس شي ماحبه
ولكن انا ماعرف هل انا ححب الاتصالات ولالا او حتى هل انا ححب الطبية ولالا
والمفروض نحدد خيارات 3 اوليه
انا فبالي الترتيب التالي
1- هندسة طبيه
2- هندسة اتصالات
3-هندسة الكترونية<<<عشان الماستر يكون فمجال برمجة اجهزة الطب وكدا
اول وحده انا اكيدة منها
لكن التانية والتالته هما اللي محيريني شوي
ايش اول 2 او 3؟؟
ادري قرقت وايد بس انا انسانه ماعرف اختار
وامي من صوب تقنعني باتصالات وانا من صوب افكر بالطبيه واختي من صوب تنفرني من اتصالات
ساعات قلبي يميل لاتصالات لان شغلها مضمون
ولان الطبيه مجالها ضيق شوي بوطننا العربي
بس ارد واقول الزمن بيتغير والطلب بيزيد على الطبيه وحنكون عملة نادرة
صليت استخارة قبل شوي وقلت الجا لكم وماخاب من استشار
ياليت تتقبلوني وترشدوني وان شاء الله خياري يكون صحح
في امان الله