والله إن ما كلتوا أصابعكم وراها تجن

في البداية أحب أسلم على فراشاتي الحلوات لأني ولهانة عليهم ولي زمان ما سيرت عليهم لظروفي الخاصة...
وهالمرة جايبتلكم أكلة .. هذا وجهي إن ما كلتوا أصابعكم وراها ....
نبدا في المقادير :
توست ( بريد)
جبن أبيض
نعناع
طحين + ماي
بقسماط + بيض
ملح+ فلفل أسود
والطريقة : أولا أخذ شرائح التوست وأقطع أطرافها ثم أفردها بالفرادة
وبعدين أجيب القطاعة وأبدا أقطع التوست على حسب شكل القطاعة اللي عندي
ومن بعدها أخلط شوية طحين مع شوية ماي وأحط هالخليط على أطراف التوست اللي قطعته
وبعدين أفتت الجبن الأبيض بالشوكة وأحط عليها النعناع وأخلطه معها
وأحط الحشوة اللي هي الجبن والنعناع في وسط التوست اللي حطينا على أطرافه الطحين مع الماي
وأجيب قطعة توست ثانية وأغطيها على الأولى
وأرش على البيضة اللي عندي عندي رشة ملح وفلفل أسود
وآخذ قطعة التوست وأغمسها بالبيض وبعدين بالبقسماط وأقليها إلى مايصير لونها ذهبي وأشيلها من على النار
وآخر شي ياكلونها فراشاتي الحلوين ولا ينسون إنهم يدعونلي بالتوفيق في حياتي ....وشكرا..
وألف صحة وهنا....