وانتي في الثلاثين هل تقبلين ابن الخمسين

1. فديتكم جاوبو لو انتم مكانها وش تسوون ؟؟؟

يابنات كلمتني صاحبتي وهي عانس زيي في الثلاثين ودايم تشكي لي واشكي لها من مرارة العنوسه ولاكن يمكن نتفرق ويمكن لا ان رفضت بكيفها واذا وافقت الله يوفقها
8
8
تراها مقدمه
صاحبتي هذي تفاجئت فيها متصله علي تقول جت وحده وها الوحده اللي اعرفه انا انها تكرهها مووت
وجايبه عريس جد مهوب ابو بس في الخمسين من عمره وساكن لحاله لو انه في الخمسين كان لقينا احد من عياله باقي معه مهو ساكن لحاله وهم متزوجين والشغل تقول رجل اعمال وش الاعمال ؟
اذا تقاعد وفتح بقاله ولا مكتب عقار مهوب رجال اعمال وليش ماقالو وين كان يشتغل واذا رجل اعمال من يومه وماعمره اشتغل في الدوله اكيد بيصير رجل اعمال كبير وش شركته وش مؤسسته؟مهوب فراغ وبس
وكل هذا بينعرف بعدين بس السؤال اللي محيرني في حالة انه صدق يطلع عمره 51سنه هل يناسبها وهي في الثلاثين ؟؟
ياليت تجاوبون لاني قلت بفكر ورد لك انا كنت اتمناها دامها كبرت تتزوج واحد في الثاثين او الاربعين مهو في الخمسين واحساسي على المعلومات اللي قالتها انه اكبر حرام حرمان واخرتها شايب وجد
انا بحلت بعمري اخاف تصير اخرتي مثلها ودي بالعنوسه ولا الشيبان

فديتكم جاوبو لو انتم مكانها وش تسوون ؟؟؟

هل تقبلونه ولا تقولون بيعوضني الله بغيره في الاربعين اكبر مني او كبري مهوب شايب مااره
وهل لو رفضت بيكون عندها فرصه او خلاص لان قريبتها هذي تكرهها ودايم تخاف لاتتزوج شخص مميز وعينها حااره عليها وها المره جايبه عريس صراحه قويه احس فيه العبر وخويتي هذي نفسيتها زفت ووضعها مع اهلها مووش ولابد خلاص احسها تعبانه من اهمالهم لها ولا صرف ولا شي ولا فيه احد بيسئل عنه لان اخوانها بيقولون تبينه خذيه ماتبينه خلاص بدون سؤال وابوها متوفي وهي البنت الوحيده وامها مالها كلامه لابزين ولا شين
انتظر ارائكم
وابي الجواب بذمه وضمير اعتبري نفسك مكانها
ودعواتكم لي ولها
ايه تذكرت تراه ارمل بس من متى ماندري
وهذي لكم