وخروا يابنات أحلى مخ مخ جات اطباق منوعه بالصور من مطخي

( نبدء بسم الله بأول أطباقي ...
1/ سيزر سالاد ..
ماخليت طريقه ماجربتها .. كلها في سبيل اني أوصل للطعم الي ابيه ..
ووصلت .. اخيراً ..
( المقادير.. )
خس ..
توست مقطع ومقلي ..
صوص السيزر ..
مايونيز ..
متبل الرانش ..
عصير ليمونه ..
فص ثووم صغير .. مفروم ..
* وهذي صورة مقادير الصوص ..
نخلطهم سوا ..ماعندي مقادير معينه اخبص بمزاجي واحطه على الخس ..
ونرش فوقهم التوست المقلي ..
بالأمكان زيادة ( ذره .. او دجاج مشوي ..) بس شوايتي خربت للأفس..
..

* ثاني طبق ..
2/ ساتي الدجاج ..
اول مره اعمله . والحمد لله انه نجح ..
( المقادير .. )
صدور دجاج مخلية من العظم مقطعة مكعبات
ملعقة كبيرة ثوم مدقوق
ملعقة شاي ملح كمون وفلفل وكزبره ناشفه
شوية خل
ربع كوب صلصة الصويا
5ملاعق كبيرة زيت
( الطريقه :/ )
1/ نضع الدجاج مع المقادير السابقة ويترك ساعة ثم يوضع في اسياخ للشوي
ثم يشوى حسب رغبتك على الفحم او في الزيت او في الفرن
و( انصح بالزيت ).. لاني جربت الشوي والفرن .. يطلع الدجاج قاسي ..
( لتحضير الصلصة ..!! )
ملعقتين كبيره زبدة الفول السوداني
ملعقة هرد(كركم)
شوية ملح ..
عصير ليمونة
زيت
ربع كوب صلصة صويا
كاس كبير ماء
ملعقة صغيره سكر
1/ نحمر الثوم في قليل زيت ثم نضيف باقي مقادير الصوص ثم نتركها على النار حتى تثقل
2/ نحضر الساتيه ونسكب عليه مقادير الصلصة السابقة ونضعه في صينيه ..
* و عشان يصير طعمه مثل المشوي .. جيبي قطعة فحم .. وخليها لين تجمر ..
وجيبي غطا حديد او اي صحن حديد وصبي شووية زيت فيه مقدار نص فنجال قهوه ..
وتكونين مجهزه القصدير .. والصحن الحديدي بوسط صيينة الساتي .. على طوول حطي الجمره بالصحن ..
واحكمي الصينيه بالقصيدر وفوقها بغطا .. اتركيها شوي وشيليها . وذووقي طعم المشوي
يقدم مع :/
الرز الأبيض .. او السلطه الخضراء .. أو اي شي ...

* طبقي الثالث ..
3/ دجاج صيني ..
نفس الشي أول مره اعمله .. وطلع لذيذ ..
( المقادير :/ )
مقدار من صدور الدجاج مقطعه مكعبات صغيرة
ونتبلها ب ( ملح وبهارات مختلفة كزبرة , كركم , فلفل أسود , كمون ,,,,, )
نتركها شوي على بال ما نجهز الزيت للقلي
نغمس قطع الدجاج بالبيض ثم في الدقيق
ثم نضعها في الزيت الحار
ونتركها لحد ما يتغير لونها
نطلعها على ورق ماص للزيت لحد ما نخلص من الكمية كلها
( ألحين جاء دور الصوص ) ..
نجهز ما يلي :
بصلة مفرومة
ثوم مفروم
بصل أخضر مقطع صغير
جزر مبشور أو مقطع قطع طولية رفيعة
فلفل بارد مقطع قطع طولية رفيعة
كرنب إذا حبيتي
نضعها كلها في شوية زيت زيتون ونشوحها لحد ما يتغير لونها ..
نجهز ألحين ملعقتين كبيره نشا أبيض ونذوبه في 2 كاس موية
نضيف له ( ملعقة كاتشب ,, ملعقة صويا صوص , ملعقة خل أبيض أو اسود حسب الموجود )
نخلطهم زين مع بعض ونصبهم على خليط البصل اللي على النار
ونحركهم زين لحد ما يثقل الخليط
ولا ننسى نضيف مكعب ماجي ..
إذا حسيتي الخليط ثقيل ممكن تضيفي مويه ..
والآن اضيفي قطع الدجاج وحركيها بشويش لحد ما تتجانس المكونات مع بعض
خليها تقريباً عشر دقايق على نار هادئة
نسيت أقول :/
اللي يحب الأكل سبايسي يحط فلفل حار .. انا حطيته بس بدوون تقطيع
..

الحلا .. ياحلا ..
4/ حلا الغابه السوداء ..
( مقادير الحلا .. )
،/ ط1 ..
: كيك بيتي روكر بالشوكولاته ..
: ( ظرف دريم ويب + بيالة حليب سائل بارد )
،/ ط2 ..
4 حبات جالكسي ..
4/1 أصبع زبده ..
علبة قشطه ..
{ للتجميل .. !!
3 شوكلاته فليك ..
( الطريقه .. )
- نعمل الكيك مثل ماهو موضح بالكرتوونه..
- نفتت الكيك ويوضع بصينيه دون ضغط عليه ..
- تخلط مقايدر { ب } بخلاط الكيك حتى تتكاثف وتغلظ ثم تضاف للكيك ويخلط سوياً وترص بدون
ضغط .. فقط تواسى ... وندخلها الثلاجه .. على بال مانعمل الطبقه الثانيه ..
- نذوب الشوكولاته والزبده بحمام مائي ثم ترفع عن النار وتضاف لها القشطه ويخلط جيداً ثم تصب على الطبقه ( 1 )..
- نجملها بالفليك ..
كذا اكون انتهيت ... من طبخاتي ..
{ ماشاءالله تبارك الرحمن ..!! }
اعطوني رايكم بكل صراحه ...{ }
{ مخفوقه بالزبده ...!!
( الصور موثقه بمعرفي في أحد المنتديات المشاركه فيها ... )

ماشاء الله تبارك الرحمن ..
يشرفني أكون اول من يرد على موضوع ومميز ..
تسلم يمينك يالغلآ على الوصفات الحلوه والخطيره

ماشاء الله تبارك الله
الله يعطيك العافيه وصفاتك خطيرة ولذيذة

مشاءالله روعه الله يعظيك العافيه
اطباق مميزه

تسلمين ياالغلا ويعطيكي الف عافيه
تحياتي لك وننتظر جديدك

مشاء الله
اطباق رائعه ومنسقه وجميله
تسلم ايدج حبيبتى
ولايحرمنا من طبخاتج الرائعه
ننتظر المزيد من ابداعاتج
اختج
جورية الكويت