وزني زاد مره شنو الحل

السلام عليكم ورحمة الله وبركاته
صبايا حبوبات فديتكم انا تزوجت وكان وزني 56 ماشاءالله كان يجنن ومره حلو والحين لي سنه ونص متزوجه الحمدلله وصار وزني 75 <<ياربي عقدني زيادة الوزن
انا بدأت امشي عالسير من امس واحاول اخفف من اكلي ومن الحلويات
طولي 165
ابي يصير وزني 60 والله تعبت من شكل جسمي والحمدلله على النعمه والصحه بس عمري 21 مو حابه شكلي يبين اكبر من سني
ماابي رجيم لاني ماامشي عالرجيم وراح امشي كل يوم 40 دقيقه عالسير الله يعين
يالله صبايا نبي حماس وتشجيع
شنو رايكم نسوي موضوع اذا كان مو موجود لكل اللي يبغون ينزلون وزنهم كل يوم ندخل ونكتب شكثر مشينا وسوينا رياضه علشان كل وحده تشجع الثانيه ونلتزم بالمشي
وبالتوفيق لي ولكم حبايبي