وسعو وسعو وسعو سويت برستد في قدر الظغط مره وحده

امس كان نفسي في برست علما بان المكان الا انا فيه حاليا
نامي واحلمي تلاقين مطاعم تسويلك بروست .... يعني حلو ابليس بالجنه
دورت طرق كثيره بس انا ابغاه يطلع زي كنتاكي اوالبيك عندنا
كل المواضيع الي قريتها طرق المطاعم في الضغط يسونها
بصراحه خفت حفت اظغط الزيت
بس جمدت قلبي وسويتها
طلعت روعه روعه روعه روعه شوي عليها
الطريقه
اخذت الدجاجه وقطعتها اربع قطع وحطيتها بحافظه بلاستك وحطيت الاتي حاولي تخرقين الدجاجه بالسكين
1ملعقه بهارات
1ملعقه ملح
4ملاعق زبادي
4فصوص ثوم
1ملعقه زنجبيل مطحون
2ملعقه خل
وخليتها ساعتين لو اكثر احسن بعد
بعدين شلتها وغمستها بالبيض
وحطيت في كيس بلاستك
1كوب كبير دقيق وملعقه ملح وملعقتين بهارات وفلفل اسود
وحطيت الدجاج في الكيس ونفخت شوي هواء ورجيته ورجيت ابوه
بعدين سخنت الزيت على نار عاليه بالظغط طبعا
بعدين حطيت القطع وظغطته واسمي ويارب تعديها على خير
يارب تكفينا انا وعيالي
وحبستهم في الغرفه خفت عليهم
وعلى اعصابي ربع ساعه
ايه نسيت على نار هاديه بعد ماتسكرين القدر هاديه جدا
وبعدين تشيلين الصمام وتتركينه الين يطلع الهواء الي فيه تماما
وبهدو وبحذر تفتحين وتلاقين
اجمل اجمل بروستد
وسويت معه بطاطس نفس طريقه المطاعم يعد
تقطعينه اطابع وتعلينه في مويه وملح بس يغلي تصفينه وتقلينه في الزيت وبدون مايحمر جدا عشان يطلع طري من جواء ومقرمش من برى
خلصنا
وسلامتكم طريقه مظمونه 100بالميه على مسؤليتي
الله الله في الردود السنعه