ولد العم اولى من الغريب للكاتبة المسافرة

°¨¨™¤¦ البارت الأول ¦¤™¨¨°
°.Oo" الجزء الثاني O.o°"
هيفاء بصوت عالي : ديماه .. ديماه .. ديمه وصمخ ..
ديمه بكل برود : نعم .. بغيتي شي ياست الحسن والجمال .. >> تقولها بكل أستهزاء ..
هيفاء بغروور : وهل هناك شكاً في ذلك ..؟!
ديمه : شك وإلا تطريز خ ..
هيفاء تطقها مع راسها بخفيف : أقول لا يكثر .. إلا ما شفتي ياسر ..؟!
ديمه : الا .. قبل ساعه تقريباً طلع .. بس لا يفوتك .. طلع ولا كأنه يسمعني وأنا أناديه ..!
هيفاء بأستغراب : غريبه .. هو بالعاده ما يطلع في الليل ..! .. بس وين ذلف هالعريس بنصاف الليالي ..؟
ديمه بملل .. وتنزل من الدرج : أقول بس لا تقعدين تهوجسين عليه .. إذا تبغينه دقي عليه ترى معه جوال يالقرويه ..
هيفاء تنزل وراها : والله مالقرويه إلا أنتي .. بس تعالي وإذا دقيت عليه وشو تبيني أقوله ..!
ديمه تناظرها : أجل وشوله تبغينه ..!
هيفاء سكتت ولا ناظرتها ورقت لفوق .. بس سمعت ديمه تقول ( الحمدلله والشكر يارب والله ماحد في هالبيت صاحي إلا أنا ) ضحكت هيفاء منها .. ديمووه هذي غريبه الأطواار بصراحه ..!
وهي طالعه فووق شافت باب غرفه
مفتوح .. أستغربت ..غريبه في هالوقت دائماً أمها وأبوها يكونون نايمين .. إلا شوي أبوها نازل .. أبتسمت ..
جاء ابوها .. أبو ياسر : هلا والله ببنتي ..
.. بغيتي شي ..
هيفاء: لا لا ياطويل العمر .. إلا وين العريس ..؟! >> قالتها بضحكه ..
أبو ياسر : والله مدري قلتله من أول أنه لآزم ينام بدري عشان بكره يرووح بدري الشركه ويخلص أوراق الشغل وبعدها يتفرغ ل ملكته .. وطلع وقبل شوي أدق عليه ماش الجوال مقفل ..
هيفاء : يبه لا تخاف عليه كلها كم دقيقه وبتشوفه قدامك ..
أبو ياسر : إن شاء الله ..
.
.
راحت للغرفه .. ودقت الباب قبل ما تدخل .. : يمه ممكن أدخل ..!
سمعت أمها تقول : أدخلي ..
شافت أمها قاعده تمشط شعرها .. أبتسمت .. دوم أمها حلوه .. والكل يقول كذا ..! والله ياحضي طلعت أشبه لأمي .. طبعاً أنا وياسر نشبه لأمي بكل شي .. من حيث الطبع والشكل .. أما ديوومه الخبله وسعود الأطخم نسخه من أبوي .. وبلا شك أبو ياسر حليو بس مو حلو مره ^_^ ..
أمم راح أحكي لكم عن عائلتي .. ( أكبرنا ياسر وعمره 28 سنه ومن يوم وعمره 19 سنه كان أبوي يعتمد عليه في كل شي .. وعشان كذا ياسر طلب من أبوي أنه يكمل باقي دراسته برآ وبكذا أبوي وافق .. وعاش ياسر في الغربة 10 سنوات .. لكن هذا ما يمنعه أنه يزور أهله في أقرب فرصة .. أحكي لكم عن صفات ياسر .. أما طبعه مزاجي مرره .. وفيه شوية غرور وما يرضى أحد يدوس له على طرف .. أمم شاب حنطاوي عيونه عيون الصقر فيه من شكل رجال البدو بحلاوتهم وشهامتهم .. عريض الأكتاف .. وجسمه جسم رياضي ,, ثاني العائله أخوي سعود وعمره 26 ولا يفكر في شي أسمه زواج .. يحب الفرفشه والمهايط .. سعود بطبعه يحب يسولف مع أي أحد و بطبعه مرجووج نوعاً ما وحبيب وحنون مثل ياسر .. أمم حنطاوي جسمه نحيف . لكن عليه قوة في بعض الأحيان يمكن يغلب ياسر فيها ,, ثالث العائله واللي هي أنا ,, عمري 18 سنه .. الكل يقول أني أشبه لياسر وأمي .. ويقولون أني حلوه .. وأني بيضا .. وأولهم حبيبة قلبي دعاء .. بطبعي خوافه ولا أحب أحتك في الناس واجد ,, رابع العائله واللي هي أختي الخبله وغريبة الأطوار ديمه .. عمرها 16 سنه .. هذي البنت ماهيب واثقه من نفسها .. بحكم أن بشرتها حنطاويه .. لكن هاللون معطيها ملح .. وتشك في أي أحد .. طبعها مغامره .. ولا تحب أنها تكون خوافه قدام أي أحد .. وفيها تصرفات غريبه .. يعني يووم خوافه ويوم تسوي فيها عنتر بن شداد وقدام الغريب ..! )
- هاه وشو تبين ..؟!
هيفاء : يمه .. الساعه كم بتجي الكوافيره بكره ..؟
أم ياسر : إن شاء الله على الساعه وحده الظهر ..يعني المفرووض تروحين أنتي وأختك تنخمدون عشان تصحوون بدري .. مو زي كل يوم تصحوون العصر ..؟!
هيفاء بإبتسامه حلوه : إن شاء الله ..
ذي قبل ذي ..إلا أقول يمه ..!
أم ياسر : هلا
هيفاء بخبث : إلا وين الدبله حقت ياسر ودعاء ..!
أم ياسر : مدري والله .. يوم سألت ياسر وينها قال أنه جابها .. وماقال وين وداها
هيفاء بإحباط : أها .. أجل خلاص يالله تصبحين على خير ..
- ألحين كل ها الأسئله وكله عشان تبين تشوفين الدبلة ..!
هيفاء : أيه .. وشو حارق رزك ..؟!
ديمه : ليش تعبتي نفسك ورحتي تسأليني ثمن تسألين أبوي ثمن تقولين لأمي .. وكل هذا عشان تشوفين الدبلة ..! ههه رووحي غرفته وبتلاقينها على الطاولة حقت اللابتووب يالمطفوقه ..
هيفاء عصبت : أنا مطفوقه يا أم السعف والليف .. والله لأوريك ..
أم ياسر : ههه الله يصلحكم من بنات ..
*
*
*
!.. الساعه 7 ونصف الصباح ..!
مع برودة الطقس .. وبعد ليلة ممطره في الرياض .. جعل لصباح اليوم جواً جميل ..
حست بيدين ناعمه وبارده تلمس وجهها .. أبتسمت .. أكيد هذي سويره حبيبة قلبي .. فتحت عيونها على أحلى وجه بريء في هالكون وشافت ساره أم ال 4 سنوات تبتسم يوم فتحت عيونها ..
ساره : دوودو حلاص نوم .. تدول ماما دومي يالله ..
رفع راسها من المخدة وأبتسمت .. لكن سريع ما أختفت الأبتسامه من وجهها يوم تذكرت أن الملكه اليوم .. سمعت صوت باب الغرفه ينقفل .. ناظرت في جهة الباب لقيت ساره طلعت .. تنهدت .. وقمت وأخذت منشفتها ودخلت الحمام
فتحت موية الدش على الدافي بحكم أن الجو بارد وجلست فيها وتمنيت أني ما أطلع وأقابل المصير التافه اللي تركووه لي أهلي .. أخذت أناظر في قطرات المويه اللي تنسدل بكل رقه ونعومه وسلاسه على جسمي .. تنهدت بصووت مسمووع .. وقالت في نفسها :
- عمري ما راح ألاقي في هالكون أرق و أحن وأدفئ منك ..
..
نزلت من الحمام بعد ما نشفت نفسها .. وأخذت تدور في الدولاب على شي حلو ويدفيها .. عشان الساعه 1 بتجيها الكوافيرة .. شافت بلوزه بدي لونها سماوي مع جاكيت جلد لونه بني .. ومعاه بنطلون جلد بني .. لبسته ونشفت شعرها وتركته مفتووح بكل رقه ..
حطت لها كحل .. ومرطب شفايف ..
وهي نازله من الدرج .. سمعت .. – يا هلا والله بعروسة أبوها ..!
أبتسمت .. آآآه يا يبه تحسبني أني أبغاه ..!
نزلت وشافت في الصاله أخوها وافي وأبوها وأمها يناظرونها .. و أخوها مشعل يلعب بليستيشن كالعاده .. وأختها ساره جالسه تناظر مشعل وأهو يلعب ..
قربت من أبوها وضمته وباست راسه .. وقربت من وافي .. شافت وافي مبتسم لها .. دمعت عيونها وضمت أخوها بقوه وقامت تصيح .. ماحد يفهمها من بعد فيصل إلا هو ..!
ضحك وافي يخفف عن أخته : ههه دودو .. وش فيك ..!؟
دعاء ساكته .. ماغير يسمعون شهقاتها .. أبتسم وافي هذيك الأبتسامة اللي ترد الرووح ..
- دودو ألحين كل هذي تأثيرات الملكه ..؟! .. وإلا لأنك أشتقتي لي ..!؟
رغم أحزانها ..ودموعها.. والأحمرار اللي في خشمها وحواجبها وعيونها اللي يزيدونها براءه أبتسمت .. ورفعت راسها ومسحت دموعها ..
- لا أبد .. بس أشتقت لأخوي .. يعني حرام أشتاق له ..!
وافي : أشتاقت لك العافيه ..
مشعل : دعو أشرايك أقوم وألبس الثوب الجديد والشماغ والعقال وأوريك أياه ..؟!
دعاء بإبتسامة : دام مشيعيل لابسه فما عليه كلام ..
مشعل بفخر : والله ماحد يحكي زين ويقول الصدق إلا دعو .. وراح لها وباسها مع خدها ..
- لا ترقين ثواني وأوريك أياه ..
هزت راسها ب طيب
وقامت تسوي لها كوفي .. إلا شوي مشعل نازل ولابس الثوب والعقال والبشت ..!
ضحكت غصبن عنها : ههه .. مشعل الله يهديك البشت في الزواج مو في الملكة ..!
ضحك وافي : أنا أدري عنه .. أنا أمس قايل له ماهووب لازم يلبس البشت بس أهو ما يبي ..!
مشعل : أقول دعو كنت أبيك تصيرين عون صرتي فرعون ..!
أبتسمت : رغم أنه مو لازم بشت .. بس لأنك لابسه طلع كذا
ضحك مشعل : ههه .. وقعد يناظر نفسه بكل إعجاب ..
وافي : أجل يالله يبه بغيت شي .. برووح ل الشركه ..
أبو وافي رفع راسه من الجريده اللي كان يتصفحها : لا بس قول ل السكرتير راشد يجي أبيه يجيب باقي الأوراق أكملها هنا ..
وافي : إن شاء الله أجل يالله في أمان الله ..
أبو وافي وأم وافي : في حفظ الرحمن ..
.
.
راح أحكيلكم عن عائله أبو وافي ( وافي عمره 25 سنه .. شاب حلو بمعنى الكلمه يعني نقول أنه أحلى من ياسر .. خطيبته واللي مملك عليها أهي هيفاء .. يشتغل في شركة أبوه وعمه .. دعاء عمرها 18 سنه .. بنت حبوبه بمعنى الكلمه .. حلوه وماخذه من جمال أبوها .. شعرها عسلي وناعم لكن مو سايح .. جسمها عشان أوضحه لكم مثل جسم نانسي ^_^ يعني كل شي فيها صغنوون وحلو .. عيونها وساع وسوداا ..مشعل عمره 12 سنه .. يشبه لأخوه وافي مره .. لكن وافي أحلى .. واللي محلي مشعل أهي غميزاته اللي تطلع لما يتكلم بشكل واضح .. حبوب بس مغرور .. نجي لأخر العنقود ساره .. عمرها 4 سنوات تشبه لأبوها .. يعني مثل دعاء )
. .
في الشركه ..
رفع سماعه التلفوون ..
- راشد تعال أبيك ضروري ..!
جاء راشد : نعم طال عمرك ..
وافي بهيبته : الأوراق اللي قالك عنها أبوي .. ودها في البيت ترى أبوي ينتظرك هناك ..!
السكرتير : إن شاء الله طال عمرك ..
وطلع ..
ياه أشتقت لها .. المشكلة أنها مو راضيه تحاكيني .. وكله عشان الفستان لابارك الله في أبليس .. خلني أدق عليها .. شويه ويجيه صوتها وكله نوم ..! أبتسم .. شكلي مصحيها بدري ..!
- نعم ..
ضحك : ههه هيوفه حبيبتي أخبارك ..؟!
هيفاء : ..................
وافي : هيوفه إلى الآن زعلانة ..!
هيفاء : أيه ..
أبتسم : ترى حتى أنا زعلان ..!
هيفاء طار النوم منها : ليه ..؟ لآ يكون زعلان مني ..!
وافي : أيه .. مو أنتي زعلانه مني .. أجل أنا زعلان منك ..
هيفاء : أصلاً منو قال أني زعلانه ..!
وافي : أيش ..؟! مو تو قلتي أنك زعلانه مني ..؟!
هيفاء بدلع : وتهقى أزعل من حبيبي ..
وافي بإبتسامة : قلت يمكن .. ترى تسوينها ..!
هيفاء بضحكه : أسويها على الكل إلا على حبيبي ..
وافي : الله لايحرمني منك .. المهم وش أخبارك ..؟!
هيفاء : الحمدلله .. وأنت حبيبي شو أخبارك ..؟!
وافي : بخير . . إلا أقول عاد شريتي لك فستان ل الملكة ..!
هيفاء بزعل: أيه . أصلاً كان نفسي بذاك الفستان بس أنت ما رضيت ..
وافي بجديه : حبيبتي تبينهم يشوفونك ويطقونك عين .. ترى أنا ما أرضى ..
هيفاء : خلاص مو مشكله شريت لي فستان ثاني ..
وافي بخبث : أيه بس لا تنسين أبي أشوفك اليوم فيه ..! ههه
هيفاء بحيا : نو نو نو بعد عرسي شوفني .. ترى خلاص ما بقى إلا شهرين ..!
وافي : لا تخفين شايفك شايفك ..
هيفاء : وافي حبيبي بعدين أكلمك برووح أمي تبغاني خلاص ..؟!
وافي : أجل يالله أنتبهي على نفسك .. وأقري المعوذات ..
هيفاء : إن شاء الله يالله تامر على شي .!
وافي : أبي سلامتك ..
هيفاء : الله يسلمك .. يالله مع السلامه ..
*
*
*
رأيكم في هالبارت ..؟
وتوقعاتكم للبارت الجاي ..؟

شكلها حلوة
كمليهاا خيتو بليز

°¨¨™¤¦ البارت الثاني ¦¤™¨¨°
°.Oo" الجزء الأول O.o°"
!.. الساعه 10 صباحاً ..!
وأهي جالسه في الصاله .. ومركزه على المجلة اللي قاعده تقراها .. قطع عليها تركيزها .. صوت تمتمه مي مفهومه .. ألتفتت تشوف منوا ..؟! .. شافته يجلس قريب منها .. أستغربت ..؟! شنوا فيه ..؟!
- ياسر ..! ياسر ..! ياسر ..؟!
لاه الرجال ماهووب معي أبد .. وقامت تأشر له بإيدها عند وجهه .. أوه أخيراً عطانا وجه ..!
قالها بغيض : نعم ..!
ديمه بهباله : أخيراً .. مابغينا ..؟!
ياسر بعصبيه : ديموه عن الهبال ..! وخري مناك تراها واصلتني هنا ..!!
..
ديمه خافت .. هي تعرف أخوها زين يوم كان صغير .. إذا عصب لا أحد يوقف في طريقه ..! فكيف يوم كبر ..!
ديمه تحاول تخفف هالعصبيه : لا لا أبد سلامتك .. بس قلت أسولف معك .. لأن أمس ما شفتك خير شر ..!
ياسر بملل : أقول .. قومي نادي أخوك .. وقولي له يالله ..
بسررعه ..
ديمه قامت تركض وتقول : والله ما كذبت يوم قلت أن ما حد في هالبيت صاحي إلا أنا ..!!
ضحك غصب عنه : ههه والله ياديووم طول عمرك ملح البيت ..
جلس يفكر ..!! أنا ما أبغاها .. صحيح أنها بنت حلوه ومؤدبه ولا عمري سمعت عنها شيء شين ..؟! .. لحظه .. لحظه ..!! شنوا ما عمري سمعت عنها شيء شين .. وأنا نص حياتي عايش برا ..!! وبعدين أشلون أحكم عليها أنها حلوه وأنا آخر مره شفتها يوم كان عمرها 8 سنوات ..!! صحيح أنها كانت حلوه .. بس أوه .. أقول حلوه وإلا ماهيب حلوه .. أهم شي أني ما أبيها .. حرام عليكم يا يبه أنت وعمي .. تضيعون مصير هالبنت بين يديني .. لأني ما راح أرحمها وراح أخليها تذوق المر .. والسبب أنها وافقت علي ..؟!
قطع عليه تفكيره صوت ...
- أحبك وأحلف أني ليك بربي .. ولا فكرت أحب أنسان غيرك ..
- مهما كنت عنك أخفي وأخبي .. أنا في واقع أحساسي أسيرك .. أوه العريس فيذا
..
ياسر : يا حيى الله أخو العريس ..!!
سعود بإبتسامته اللي ما تفارق وجهه : الله يحييك ويبقيك ..
ياسر بمزح : إلا أقول .. وراك مصبحنا على هالصوت الشجي ..!! ولا وبعد أغنيه من زمن جدي ..؟! ^_^ ..
سعود بغروور : حبيبي . أصلاً يحق لك تصبح على هالصوت .. بعدين لا تغلط على أغنيتي المفضله .. حتى لو كان لها 100 سنه .. ف بليز بليز أخ ياسر لا تغلط عليها ..!!
ياسر أكتفى بإبتسامه ..
سعود بإستهبال : بعدين تعال أنت وخشتك ..
..
سعود كمل : أبوي يقول الصبح أسحب أخوك مع كشته وجيبه معك للشركة .. ^_^ .. يالله قووم قدامي الآن ..!
ياسر ناظره بنص عين : ألحين منوا اللي قال له أسحبه بكشته أنت وإلا أنا ..!
سعود : الله يعدل مزاجك قول آمين.. لا تولع خلاص أنا أنا اللي أنسحب بكشتي .. يالله مشينا .. بس أنصحك قبل لا تنزل من البيت أشرب عصير تفاح ..
ترااه يرووق مزاجك المعكر من صباح ربي ههه ..
ياسر ناظر أخوه : ههه .. يالله مشينا ..
.
.
.
{ على الأطلال لا تبكي .. كفى تبكي على الأطلال ** تناسى الهم يا قلبي .. كفانا غربله وهموم .. }
!.. الساعه 12 ظهراً ..!
طلعت غرفتها .. بعد ما جلست مع أبوها وأخوانها .. وأهي طالعه .. لقت أمها نازله ..!
- دعاء تقول الكوافيره أنها بتجيك بعد شوي .. لأنها تبغى تخلصك بدري .. عشان يمديك تتصورين
مع ياسر ..!!
حست بمثل الكهرب اللي تصدمها .. ومو أي كهرب .. الكهرب اللي يشللك عن الحركه .. شنوا ..؟ أتصور معاه ..؟!! لا لا مستحيل ..! وألتفتت عشان تكلم أمها .. بس مالقت أمها ..
راحت تركض ل غرفتها .. قفلت الباب بكل قوتها .. وتسندت عليه .. وجلست في الأرض .. ماحد يحس بالنار اللي جواها .. ماحد يحس بالقهر والألم والظلم كثرها .. أهي وش ذنبها إذا مات زوجها ..! وش ذنبها إذا مات فيصل ..؟!!
جلست تبكي .. وتتذكر اليوم اللي كرهت الدنيا بكبرها ..!!
قبل سنه ..!!
دخل وافي البيت .. وكانت أهي وأبوها وأمها وأخوانها جالسين في الصاله .. وأهي كانت تنتظره يجي مع وافي .. كانت تنتظرته بكل شووق .. تخيلوا لها يومين ما شافته ..! وأهي اللي متعوده عليه أنها تشوفه كل يوم من بعد ملكتها ..!!
دخل وكان يصيح .. خافت .. جلست تناظر وراه إن كان جاء معه وإلا لا ..! آآه ماحد وراه .. لكن لحظه .. ليش وافي يصيح ..؟؟
قامت تركض ل عند أخوها .. ضمته بكل قوتها .. وكأنها تقول له لا تقول اللي في بالي ..!!
- وافي حبيبي ..
.. وشو فيك ..؟!
ضمها بقوه .. وسكت ولا تكلم ..!!
أبو وافي بخوف : وافي .. وشو فيك ..!؟
وافي : يبه .. فيصل .. عطاك عمره ....
تدرون وشو إحساس الإنسان لما يموت له واحد .. ومو أي واحد .. واحد تفديه بعمرك ..؟!!
حست بمثل المويه البارده اللي أنسكبت عليها .. لا لا شنوا مويه بارده ..! المويه البارده على الأقل تحسسها أنها منتعشه .. حست بمثل اللي أنتهى أجله ..! وكأن الحياة صار لونها أسود .. وأختفت ألوانها الحلوة فجأه ..! هذا وش قاعد يقول ..! وش قاعد يخرف ..!! لا الظاهر أنا سامعته غلط .. لكن سرعان ما رجعت للحقيقه .. يوم سمعت أمها تصيح ..
- إنا لله وإنا إليه راجعون .. الله يصبر أهلك عليك يافيصل .. رحت وتركت زوجتك وعرسك بعد أسبوع ..!!
أبغى أتكلم .. وأقول أنه راح يجي بعد شوي ..! أهو وعدني وقالي بعد شوي بيجي ..! لكن ما قدرت .. شي مسك لساني عن الكلام ..! شي كأنه خانقني ويقولي ياويلك أن تكلمتي ..! ما أذكر إلا أني قمت أصيح قدام أخواني كلهم .. وأصرخ في وجه وافي ..
- أنت كذاب .. كذاب .. فيصل مامات ساامع ..!!
شفته يقرب مني .. : دعاء هدي .. وتعوذي من أبليس .. أدعي له بالرحمه ..
مسكته بقوه ..: كذاب كذاب
واافي تكفين ودني له الله يخليك .. أنا متأكده أنه مامات .. أهو قبل شوي قال لي مسافة الطريق وبيجي ..!
بس خلاص ما أبي أتذكر شي ثاني ..!!
سالت دمعه حاره على خدها .. ليش رحت وتركتني..! .. ليش ما أخذتني معك ..! تعال شوف ألحين شنو صار حالي من بعدك .. تعال شوف دنيتي أشلون صار لونها من بعدك ..! تصدق يبغون يزوجوني ياسر ..!! ضربت الأرض بقوة بيدينها الثنتين .. قهر ..
مسحت دمعتها بسرعه لما سمعت صوت هيفاء ..
قامت من الأرض .. وراحت تشوف وجهها في المرايه ..
دخلت هيفاء بقوه : يا صباح الفل والياسمين والمسك والعنبر على أحلى بنت عم ..
دعاء بإبتسامه حزينه : أهلين ..
هيفاء شافت وجه دعاء .. واضح أنها كانت تصيح من حواجبها الحمر وخشمها .. بس سكتت وما علقت ..
- يالله دعاء الكوافيره بتدخل ..!
.
.
.
في الشركه ..
دخل المكتب حق أبوه ..
- يبه ..
أبو ياسر : أقرب وأنا أبوك ..
ياسر جلس : يبه خلصت شغلي .. تامرني على شي أو تبغاني أخلصلك كم شغله ..؟
أبو ياسر: لا خلاص أنا ألحين بروح بس بخلص هالأوراق .. بس أنت روح وتجهز ل ملكتك .. أخوك سعود و وافي جالسين هنا .. وراح يخلصون باقي الأوراق ..
ياسر : إن شاء الله يالله مع السلامه ..
أبو ياسر : في حفظ الرحمن ..
طلع من مكتب أبوه وأهو مقهور .. آآه يالقهر يحسبوني مبسووط لأني بعرس ..!!
هدى شوي يوم سمع جواله يدق .. >> المتصل حموود ..
أبتسم .. – هلا والله بأبو الشباب ..
محمد : هلا فيك .. وينك فيه ..؟!
ياسر : طالع من الشركه ..
محمد : ياحركات يالعريس وش عليك طالع بدري ..! ههه
ياسر : أقول أقلب وجهك .. إلا أنت وين ..؟!
محمد : أنا في المكتب ..
ياسر : أها .. شوف لا تنسى تراك معزووم يعني تعال ..!
محمد : لا تخاف أنا بجي بجي سواء عزمتني أو لا خ ..
ياسر : ههه يالله أجل .. مع السلامه ..
محمد : مع السلامه ..
.
.
دخل البيت ..ورى البيت فاضي .. أي صح كلهم في بيت عمي عشان ....... وسكت ..
ناظر الساعه .. { وحده إلا ربع } .. يعني يمديني أخذ لي غفوه ..!
دخل الغرفه .. فسخ الشماغ والعقال ورمى نفسه على السرير ..
- أنا وشو يخليني مهتم بالملكه ..! .. ما يهمني أحد .. أنا راح أتزوجها .. وراح أصير قدامهم الزووج الحنون على زوجته ههه .. لكن رااح أدفعهم الثمن غالي .. راح أوريهم منهوا ياسر اللي يزوجونه غصب ..
جاه صووت ضميره ..
- ياسر حرام عليك .. البنت وشو سوت لك ..؟
- والله البنت ذنبها أنها وافقت علي وأن أبوها داري أني ماني راضي على هالزواج التافه ..
- طيب لو قلنا أن أنت مغصوب .. أكيد البنت مغصوبه ..
- لا ماهي مغصوبه .. بس ...
مسك راسه بقوه .. يارب .. أنا شنو ذنبي في أنهم يسوون هالتفاهه ..!! أستغفر الله .. يارب سامحني إن سويت شي فيها .. ماهو ذنبي إذا سويت شي غلط فيها .. الذنب ذنب عمي وأبوي ..!
.
.
.
.
جالسه تناظر نفسها في المرايه بكل إعجاب .. من فستانها الأورنج والذهبي العاري تماماً من الأكتاف .. وضيق إلا نص الفخذ والباقي ماخذ راحته في الأنسدال .. وتصميمه من قداام قصير إلى تحت الركبه بشوي .. ومن ورى طويل .. قامت تتذكر أنه ما كان عاجبها الفستان .. لكن بإصرار أمها وهيفاء فأختاروا لها هالفستان ..!
قامت تناظر في التسريحه والمكياج .. أبتسمت لما شافت أن كل شي أوكيه .. أهي دائماً تحب كل شي ناعم وخفيف يعني ماتحب المكياج الصارخ ..
- مهما إن كنت مو راضيه على هالزواج لازم أكون حلوه .. ولازم أحقق رغبة أبوي في أن هالزواج ينجح ..
حتى لو تزوجت اللي ما أحبه ..!
- واو شنو هذا ياادوودوو
ألتفتت تناظر منوا ..؟ أبتسمت : ديوومه ..!!
ديمه : بسم الله ماشاء الله عيني عليك باارده يابنت عموو ..
دعاء : يسلمو .. واو شنو هالمكياج والتسريحه والفستاان .. الله الله وربي توب ..
ديمه بغروور .. قامت تدوور : أكيد ..
حلو ..؟!
دعاء بإعجاب : روعه ما شاء الله ..
ديمه : ثانكس ..
دودو..
دعاء : هلا ..!
ديمه : صراحه راح تخبلين بأخووي ..
دعاء صار وجهها أحمر وأستحت : ديمووه ياحماره أقول أسكتي ..
ديمه : ههه ياحليلك والله وطلعتي تستحين ..
دعاء عصبت وبنفس الوقت مستحيه : ديموه وبعدين ..!!
ديمه : ههه خلاص خلاص سكتنا ههه ..
.
.
في الصاله ..
نزلت هيفاء بعد ما شافت أن كل شي أوكيه ..
دخلت المطبخ عشان تشوف القهوه ..
- مو قلتلك أني راح أشوفك يعني راح أشوفك ..!
سكتت .. أهي تعرف هالصوت زين .. وأشلون ما تعرفه وأهو يسكن بقلبها ..!؟
ألتفتت .. وأبتسمت أبتسامه خجوله ..
- وافي ..!
وافي : يابعد عيون وافي ..
الله الله وش هالزين ..؟!
قرب لعندها .. ومسك يدينها البارده وباسها ..
- أخبارك ..؟!
هيفاء بحيا : الحمدلله .. أنت كيفك ..؟!
وافي : أنا بخير دامك بخير .. هاه مو قلتلك أني راح أشوفك ..؟!
هيفاء بدلع : وافي ..
وافي : لبيه ..
هيفاء : تراني أستحي ..
وافي : ههه أموت في اللي يستحوون .. إلا أقول وش هالفستان والله أنه أحلى من اللي كنتي تبينه ..
هيفاء : والله ..؟!
وافي بصدق : أكيد ..
يوه تأخرت على الرجاجيل .. كله منك .. عطيني زمزميات القهوه ..
هيفاء : ههه طيب طيب ..
وافي وأهو نازل : أسمعي ياحلو أياني وأياك ترووحين قبل ما أشوفك ..
خلاص ..؟
هيفاء بإبتسامه حلوه : إن شاء الله من عيوني .. أنا كم عندي من وافي ..
وافي بغروور : واحد واللي هو أنا ههه .. وأسمعي قولي ل دعاء تنزل ألحين ..
هيفاء : إن شاء الله ..
وافي : يالله باي ..
هيفاء : باي ..
أبتسمت .. ياه قد أيش تحب هالرجال ..!
.
.
.
عيونها تدمع وأهي واقفه عند الباب وجنبها أخوها .. يبغون يسمعون موافقتها ..
الشيخ : هاه يابنتي موافقه ..؟؟
دعاء : .........
وافي .. مسك يدها بقوه ..ألتفتت تناظره .. أبتسم وهز راسه بعلامه وافقي .. ناظرت أخوها بخوف .. ما تدري بعد هالكلمه اللي بتنطقها وشو بيصير ..!
الشيخ : البنت إلى الآن ما قالت موافقتها .. يابنتي موافقه وإلا لا ..؟!
دعاء : موافقه ..
أبتسم أخوها أكثر .. وضمها له وأهي ضمته بقوه .. ماتبغى تصيح خلاص .. أبتسمت لما شافت أبوها ..
أبوها بإبتسامته الجميله اللي إلا الآن ما محتها التعرجات ..
- ألف مبرووك يابنتي ..
دعاء .. خلاص ما تبغى تتكلم أكثر .. تحس أنها بتنفجر ..
- الله يبارك فيك يايبه ..
ضمها أبوها بقوه .
- عقبال ما أشوفك في الكوشه ..
ياه كانت تحلم أنها تكون على الكوشه .. لكن مع حبيبها فيصل ..!
.
.
.
أهي ما تدري أنها طعنت قلوب لما وافقت .. كان يحسبها ماراح توافق يوم كانت متردده في قرارها .. يوم سمع كلمة الموافقه كان وده ينزل ويمسكها مع شعرها .. كان عنده ولو أمل بسيط أنها ماراح توافق .. لكن محت أهي هالأمل ووافقت .. والله لأندمها على هالكلمه ..!!
- مبروك يالأخو .. ههه والله وصرت عريس ..
أبتسم ياسر .. وما حب يعكر مزاجه بهالتفاهات ..
- الله يبارك فيك .. عقبالك ..!
سعود : لا لا في أحلامك أني أتزوج ..
جلس يناظر في أبوه وعمه .. اللي كانوا فرحانين .. كان وده يقلب الملكه فوق تحت .. لكن بس عشان أبوه وعمه كل شي يهوون ..!
مشعل : ياسر ..!
ياسر بإبتسامه : هلا ..
مشعل بخوف : ممكن أقولك شي ..؟
ياسر أستغرب : تفضل قول ..
مشعل بارتباك الأطفال : ياسر أوعدني أنك ما تترك أختي دعو مثل ماتركها فيصل ..!
ياسر سكت .. وشو تبونه يقول ..! يووه صح نسيت أن دعاء كانت مملكه على فيصل .. الله يرحمه .. كان إنسان من يومه صغير حبوب .. الكل يحبه .. يعني تقريباً مثل طبع وافي .. لأنهم أصحاب من يوم كانوا صغار ..
أبتسم ياسر يوم شاف مشعل قد أيش يحب أخته .. مو هو واضح من عيونه ..! يعني لا تفهمونه غلط .. ^_^
- ولا يهمك .. أنا أحطها في عيوني
..
مشعل ضحك .. بعد ما راحت منه علامات الارتباك ..
- وافي ..
وافي ألتفت وأبتسم : سم ..
ياسر : سم الله عدوك .. بس إذا ما عليك أمر أبي أشوف زوجتي ..!
وافي : إن شاء الله .. بس دقايق وأقولك تفضل للمجلس الثاني ..صار ..؟
ياسر أبتسم : صار ..
أرتسمت على شفاهه أبتسامه شريره ..هذي أول الخطط الجهنميه يابنت عمي ..!
- ياسر .. يالله تفضل ..
ياسر قام : إن شاء الله ..

دخلت المجلس .. ماشفت غير هيوفه جالسه وتحوس في جوالها .. ضحكت .. شكلها كانت جالسه تنتظر حبيب القلب ..!!
ألتفتت عليه .. وأبتسمت .. وقامت وضمته بقوه .
هيفاء : ألف مبروك ياسر ..
ياسر : الله يبارك فيك .. يالله عقبال ما نشوفك في كوشتك .. مع الشين ..!
دفته هيفاء بخفيف .. وسوت نفسها معصبه ..
- والله ما الشين إلا أنت ..!
وبعدين تحمد ربك وتشكره أنك تشوف حلو العايله كل يوم ..!
ياسر بغرور : ألحين هذاك حلو العايله ..؟ أجل أنا وين رحت ..!!
.
.
.
.
- وافي الله يخليك ما أبي أنزل .. ماهوب لازم ..
وافي : دعاء ..! وبعدين ..؟
دعاء برجا : وافي واللي يعافيك ما أبي أنزل ..
وافي : دعاء ترى والله أزعل عليك ..
دعاء بعد ماعرفت أن أخوها لو إيش ما راح يوافق على طلبها : طيب ..
مسكت يد أخوها .. ونزلت من الغرفه .. قبل ما تدخل المجلس وقفت .. قرت على نفسها المعوذات وأهي ترتبك .. ودخلت .. وكأن الأكسجين أنقطع عنها ..!
كان قاعد ومنزل راسه في الأرض ويفكر ..
- وهذي زوجتك وجبناها لك ..!
أبتسم .. والله وطحتي بيديني اللي ما راح ترحمك يا دعاء
رفع راسه .. لكن سريعاً ما تلاشت الأبتسامه يوم شاف كيان بريء يقرب ل عنده .. يا الله هذي هي ما تغيرت ..! نفس الشكل لكن بس اللي تغير فيها أنها كبرت ..! حاول يرجع للواقع .. شافها تجلس جنبه .. وواضح أنها مرتبكه .. لازم أبدأ التمثيليه قدامهم الآن ..! مسك يدها .. وكأنه ماسك يد وحده ميته ..!! بارده ..!! بس اللي مخليه مصدق أنها حيه أن اليد ترتجف .. يووه شوفوا يدها ضاعت بين يديني ..!
رفع يدها .. وباسها ..
- مبرووك ..
دعاء مستحيه وبصوت يالله ينسمع : الله يبارك فيك ..
شاف وافي طالع .. وهيفاء وراه . شافها تبتسم إبتسامه خبيثه .. ألتفت لقى دعاء تأشر بعلامات تهديد لها ..
ياسر: ههه ليش تراني ما أكل ..!
ألتفتت لجهته بصدمه .. وتلاقت عيونهم مع بعض .. يا الله شافني وأنا أهدد هيفوه ..! نزلت راسها ..
أبتسم بسخريه .. هي هي ما تغيرت .. بزر ودلوعه ..!
إلا يدق جوال ياسر .. >> المتصل رقم غريب ..
أستغرب .. منوا اللي داق عليه ألحين ..
- نعم ..
...... : السلام عليكم .. هذا جوال ياسر بن راكان ..!
ياسر أستغرب .. صوت حرمه ..! : وعليكم السلام .. أي نعم أنا ياسر .. منوا معاي ..!
....... : أنا نوره أخت محمد .. أخوي داخله على الله ثمن عليك أبغاك تروح مستشفى ال ...... وتتطمن على أخوي ..!
ياسر قام من الكرسي .. أستغربت دعاء ..! هذا وش فيه ..!
ياسر : ليه وشو فيه محمد ..؟
نوره تبكي : ما أدري ما أدري .. بس أهم داقين علينا ويقولون أن محمد في المستشفى ..؟
ياسر بخوف : خلاص خلاص .. لا تشيلين هم .. أنا ألحين برووح وبتأكد من نفسي ..! يالله في أمان الله ..
قفل التلفون ..
ورآآح .. كانت تناظر أطيافه وأهي تتلاشى شيء ف شيء .. كانت تناظرها ب حقد .. بكره أكثر وأكثر .. يوم كانت صغيره كانت تكرهه بشكل مو طبيعي .. وتوقعت أنه راح يترك عاداته البايخه .. بس شكله ما تركها ولا راح يتركها ..!! إنسان حقير ويحب يحطم الناس .. ومغرور وشايف نفسه على شنو مدري ..؟ بالله فيه واحد يرووح ويترك ملكته كذا ..؟! خنقتها العبره .. وتغيرت ملامح وجهها .. وواضح أنها راح تصيح بأي وقت ..؟! يعني خلقه أهي ما تطيقه .. يرووح ويسوي هالحركه فيها ..!! .. حاولت تداري دموعها .. هالمره بس راح أسامحه لأن صاحبه في المستشفى ....
حست بالأكسجين خانقها .. ودها تطلع من البيت بكبره ..!
- دعاء ! وين ياسر ..!؟
ألتفتت تشوف أخوها ..!
ناظرته بنظره عتاب .. وكأنها تقول أنتوا السبب ..!
- راح ..
وافي أستغرب : وين راح ..؟
دعاء بصوت مخنوق : مدري .. ي .. يقول أن صديقه في الم ..ستشفى ..
ناظر فيها .. شكلها زعلانه .. الله يصلحك يا ياسر .. يعني ما حصلت تروح إلا ألحين ..! يعني أهي خلقه ما تبغا تتزوج .. بس يالله كل شي يهون في سبيل صديقه ..!
نزل من المجلس .. ودخل مجلس الرجال .. شاف أبوه وعمه جالسين يتكلمون .. وخواله وعيالهم ..وشاف سعود ينكت مع هالبزران اللي مجمعهم .. الظاهر ما يدرون باللي حاصل جوا ..!!
.
.
دخلت هيفاء المجلس عند دعاء بعد ماقال لها وافي ..
- دعاء ..!
ألتفتت دعاء .. : نعم ..
هيفاء بإحراج قربت لعندها .. ومسكت يدها .. : دعاء معليش سامحيه هالمره .. تدرين هذا خويه الرووح بالرووح وأكيد ماراح يتخلى عنه .. وبعدين إن شاء الله تعوضونها بليله ثانيه ..!!
ناظرتها .. وسكتت .. أهي ما تتمنى قربه .. وأرتاحت يوم راح .. بس اللي قهرها أنه مشى ولا عبرها ..!
أبتسمت : لا عادي ..
هيفاء : أنزين يالله نرووح الصاله كلهم ينتظروونك هناك .. خالتي وبناتهم ..
دعاء : طيب ..
.
.
نورس ( بنت خالة دعاء وأخت فيصل) .. راحت تركض لدعاء ..: ألف ألف ألف مبروك يا حبيبتي ..
دعاء تبتسم .. ياه كل ماشافت نورس تتذكره .. دمعت عيونها .. : الله يبارك فيك ..
هنادي ( أخت نورس ) : دعاء حبيبتي .. ضمتها بقوة وقامت تبكي .. أهي محتاجه ل هنادي كثير .. أنتوا ما تعرفون هنادي قد إيش تحبها ..؟! يكفي أنها توأم فيصل ..!
- لا لا شنو تبكين ..
أفرحي ياختي يكفي أنك بتصيرين حُرم السيد ياسر بن راكان ههه ..
أبتسمت بألم ..
هنادي : دعاء .. أخبارك ..؟! من زمان عنك ..!
دعاء بضحكه : الحمدلله تمام .. إلا وين ميعاد ..؟
هنادي : مع الشغاله .. المهم ما عليك منها ..
هاه شفتي فارس الأحلام ..؟!
دعاء مستغربه : ألحين اللي يسمعك يقول أنك بزر ومراهقه ولا كأنك حرمه عندها بنت وحامل في الشهر الخامس ..!
هنادي : ههه ..
أم فيصل : ألف مبروك يا دعاء ..
دعاء وقفت ل خالتها .. وسلمت عليها : الله يبارك فيك ..
.
.
في المستشفى ..
كان قاعد على أعصابه .. ينتظر الدكتور إلى ما ينزل ويطمنه على أعز أصحابه .. وأخوه اللي ما جابته أمه ..! نسى شي أسمه ملكه من يوم ما طلع من البيت .. كان همه بس أنه يتطمن على محمد .. أهي بكيفها تزعل تنطق .. عندها مية جدار تضرب راسها فيه إلين ما يتعدل مزاجها ..
شاف الدكتور نازل من غرفه العمليات .. راح له بخطوات سريعه ..
- دكتور ..
الدكتور : أيوه .. عاوز حاقه ..!!
ياسر : أيه نعم .. أبي أتطمن على محمد بن بندر .. اللي تو أنت نازل من عنده ..!
الدكتور : آآآآه .. محمد اللي قيه أبل شويه ..؟
ياسر : أيه .. أبي أعرف وشو فيه ..؟
الدكتور : لا هوا مافيش حاقه .. بس هوا عمل حادس أوي شويه .. سبب في كسر أنفه .. وكسر الأيد اليسرى .. وأزطرينا أننا نعمل له عمليه ..
يعني ما تخفش .. كلها أربعه وعشرين ساعه و حيفوء من البنج ..
أرتاح ياسر : مشكور دكتور .. ما قصرت ..
الدكتور : ولو نحن في خدمه المرضى ..
ورآآح .. ابتسم ياسر وكأن الحياة رجعت له مره ثانيه .. أنتوا ما تدروون ياسر وش يكن ل أعز أصدقاءه محمد .. تذكر أن أخت محمد داقه عليه .. فقرر أنه يتصل في أم محمد ويطمنها عليه .. راح ل السياره .. وشال الجوال .. شاف فيه 30 مكالمه ..!
5 سعود , 12 هيفاء , 7 الوالد , 6 وافي ..!
دق على بيت محمد ..
- ألو << صوت طفله ..
أبتسم .. هذي ريم أخت محمد ( عمرها 5 سنوات ) يعني أكبر من ساره بسنه ..
- ريم الحلوه ..!
ضحكت بخجل .. تعرفه أهو بذات يقول لها دائماً ريم الحلوه ..
- مين ياسر ..؟
ياسر : ههه أيه أنا ياسر .. كيفك ..؟
ريم : طيبه ..
ياسر : وين بابا ..؟
ريم : بابا نايم ..
أستغرب .. يمكن ما قالوا له عن محمد ..!
ياسر : طيب فين ماجد ..؟
ريم : أم لحظه ..
بعد أقل من دقيقه .. جاه صوت .. أم محمد ..
- هلا ياوليدي ..هاه طمني على محمد ولدي ..
ياسر يحاول يهديها : عمه .. لا تخافين .. محمد سوى حادث بسيط وإن شاء الله بعد يومين أو ثلاث راح يطلع ..
أم محمد : الله يطمن قلبك مثل ما طمنت قلبي .. وأعذرنا إذا كنا أزعجناك .. تعرف أبو محمد عنده القلب وما نبغى نقول له .. وماجد مسافر ولا يقدر يجي ..
ياسر : لا ياعمه .. ما فيها شي أنتوا مثل أهلي .. وإذا تبغون شي أنا حاضر .. ما يردكم إلا لسانكم .. يالله أجل بغيتي شي ..
أم محمد : لا سلامتك .. مشكور وما تقصر ..
ياسر : العفو .. يالله أجل في أمان الله ..
أم محمد : في حفظ الرحمن ..
سكر .. ناظر في ساعه الجوال . يوه الساعه 1 ..!
.
.
.
.
أنسدحت على السرير بعد ما أخذت لها دش دافي .. حست أنها منهمكة مره .. جلست تفكر في كل شي صار اليوم .. تلاحظون أن كل شي كان نحس عليها ..! أستغفر الله ..
فتحت الدرج اللي جنب راسها .. كانت تبغى تاخذ دفتر المذكرات حقها .. بس جذبها ألبوم لونه بنفسجي فخم .. وعليه شرايط زهريه .. وفي واجهة الألبوم صورته .. مبروز على الصوره قلب ناعم .. من زمان ما فتحته .. كانت تتجنبه ..!
شالت الألبوم .. و بعد تردد فتحت أول صفحه .. كانت صورتها معاه .. كان يناظرها بكل حب .. وكانت مستحيه منه حيل .. أبتسمت بألم .. فتحت الصفحه الثانيه .. كانت في ملكتها ..! كان ماسكها مع خصرها ويناظرها ويضحك .. وأهي تناظره بدلع .. رغم أنه رجل عادي .. ما فيه أي شي يجذب سوى الغميزات .. وكان حنطاوي .. بس اللي كان يجذبها له اللي هو حبها له .. الله يرحمك يا فيصل
قفلت الألبوم بقوه .. غطت وجهها بيدينها .. خلاص أهي ما تبغا تبكي .. أهو كان يكره الدمعه على خدها .. لكن خانتها الدمعه ونزلت .. قامت تشهق وتصيح بشكل يخوف .. وحست وكأنها الأكسجين راح من الغرفه ..!!
.
.
.
كنت مار بالصدفه عند غرفتها .. سمعت شهقاتها .. خوفتني حيل .. دخلت من دون ما أطق عليها الباب .. أهي ما عمرها صاحت بهالطريقه .. شفتها جالسه على سريرها .. وماسكه رقبتها .. وكأنها تقاوم شي .. وتشاهق بطريقه تخوف .. وجنبها ألبوم ..! ألبوم صورها أهي وفيصل .. مسكها و ضمها ل صدره .. وباس راسها .. وأهي وكأنها أستسلمت له ..
- فيصل .. فيصل يا وافي .. فيصل ماات ..
وافي بألم .. أهو يا الله نسى تجي وتذكره .. كان من أعز أصدقائه .. و أبن خالته .. وأخوه ..
- الله يرحمه ..
تبكي وكأنها لسى تسمع بخبر موته ..
- وافي .. تدري أني ما راح أسامح اللي كان السبب .. تدري ..؟
وافي : دعاء .. أذكري الله .. أكيد اللي كان السبب ما كان متعمد ..!
دعاء تأشر براسها بعلامه لا .. : وافي .. تدري فيصل وشو كان بالنسبه لي ..؟!
.. كان كل شي في حياتي .. كان كل شي فيصل .. تذكر يوم ملكتي عليه
تذكر ياوافي ..؟ .. ماتركني مثل هذا ..وكان .. و.. و.. كان يحبني ..
وألحين وينه .. وينه اللي كان يداريني وينه ..؟
وافي وهو يتذكر الحادث اللي صار في فيصل : دعاء أنتي لازم تؤمنين بقضاء الله وقدره .. فيصل ألحين ميت .. بس يبغى منك الدعاء له ..
دعاء : ما راح أسامح أمي على اللي سوته فيني .. لا هي و ولا أبوي و ولا عمي .. و.. و ولا ياسر ..
سكت .. أهو يدري أن أهله ظلموها أهي وولد عمها .. بس وشوا يسوي .. هذي عاداتهم وتقاليدهم .. حس أنها ما تتحرك ..!
- دعاء ..!!
.
.
.
.
وهو داخل بسيارته ل البيت .. شاف أنوار القصر أو ب المعنى العامي الفله الفخمه أنوارها شبه مغلقه .. أستغرب .. العاده أنوار البيت تكون مفتوحه .. ركن سيارته في المكان المخصص ل السيارات ودخل البيت .. عجيب .. حتى الصاله مقفله أنوارها .. وأهو طالع .. لمح ضوء أبجوره ضعيف داخل الصاله .. غريبه ..! منوا اللي قاعد إلى الآن ..؟
مشى ل جهة الأبجوره .. شافها جالسه وضامه رجلينها ل صدرها .. أبتسم .. غريبه .. العاده تكون ماسكه الجوال وتكلم حبيب القلب ..؟
جلس قبالها .. شاف في وجهها دموع ..!! وشو فيها ..!
- هيفاء .. فيك شي ..؟
ألتفتت عليه : نعم ..
ياسر : لا أبد بس وش فيك تصيحين ..!؟
هيفاء دفنت وجهها بين ركبتيها .. وجلست تبكي بصوت مكتوم ..
- هيفاء وش فيك ..؟
هيفاء : دعاء ....
ياسر بخوف .. وجهها ما يبشر بخير أبد ..: أي وشوا فيها دعاء ..!!
هيفاء بصراخ ..: دعاء في المستشفى ..
أنصدم .. شنوا في المستشفى وأنا كنت معها قبل كم ساعه ..
- ليه .. وشو فيها ..؟
هيفاء بخوف : ما أدري ما أدري .. بس يقول وافي أنها .. وسكتت ..
ياسر بقلة صبر .. : وشوا فيها ..؟
هيفاء ناظرته.. : إنهيار عصبي ..
.
.
.توقعاتكم ل البارت الجاي ..؟
.

ياليت تكملين الرواايه وربي تحمست بس حزينه

رهيبه الروايه
بس بليز وبليز تهز البنات
كمليها والله اني متحمسه

°¨¨™¤¦ البارت الثاني ¦¤™¨¨°
°.Oo" الجزء الثاني °.Oo"
جلست على الدرج .. ودموعها على خدها .. لا .. ماهي مصدقه اللي تسمعه ..!! نزلت تصرخ في وجه أخوها ..!!
- كله منك .. أصلاً أهي خلقه ما تبيك .. و .. ولا تواطنك .. ووافقت غصب عنها .. كله عشان أبوي وعمي .. وعشان أمها .. و أقولك معلومه .. تراها ما تدري أنك ما تبغاها .. لكن أكدت شكوكها يوم رحت وتركتها اليوم .. يعني يكفي أنها تعاني من بعد موت فيصل ..! فيصل اللي كان لها كل شي .. وفي الآخير .. فيصل مات .. وتركها تعاني .. كنا نتمنى تصونها مثل ما صانها فيصل .. كنا حاطين ولو أمل بسيط أنك ترضخ للأمر الواقع مثل ماهي رضخت له ..
صراحه .. أنت ما تستاهلها .. ما تستاهل وحده قلبها أبيض .. وحده تسوي المستحيل عشان ترضي اللي تحبهم ويحبونها .. حتى لو ضغطت على قلبها ..!
جلس يناظرها .. ألحين كل هذا صار وأنا ما أدري .. يعني أهي مغصوبه على هالزواج ..! يعني أهي ما تبيني ..!!
ناظر في هيفاء .. اللي كانت جالسه وعيونها كلها دموع ومفتوحه ع الآخر .. ومنصدمه من اللي قاعده تقوله ديمه .. شكل حتى هيفاء ما تدري عن كل اللي قالته ديمه .. أو يمكن ما توقعت أن ديمه تقول هالحكي ..!
رجع نظره ل أخته الصغيره اللي عمرها ما تجاوز 16 تقول هالكلام .. وأمه وأبوه ما قالوله مثل هالكلام .. خلاص والله أرحموني .. يكفي إني أنا بعد أعاني .. أنا بعد ما أبيها ..
عطاها نظره .. وتصنع البرود .. وطفا القهر اللي جواه .. : أنا ما رحت كذا ..!! .. أنا رحت عشان محمد صديقي في المستشفى ..
محمد اللي أعتبره أخوي وصديقي وكل شي .. في المستشفى مرمي .. رحت عشان أتطمن عليه .. تبيني أقعد وأقابل زوجتي وأتونس معها ..!! وأترك أخوي يعاني في المستشفى ..؟ لا والله وأنا ولد راكان .. ما هو أنا اللي يترك صديقه في المستشفى ويقعد مع زوجته ..! أنا عارف أني غلطان .. لكن وشوا أسوي .. تبيني أبدّيها على محمد ..؟!
ألتفت عشان يطلع الدرج ..: هيفاء .. ألبسي عبايتك .. بنرووح نشوفها .. وأنتي
إذا تبغين تجين ألبسي ألحين ..!
طلع الدرج .. شاف أمه وأبوه وسعود واقفين في الصاله العلويه .. ويناظرون ياسر ..
ياسر ناظر أبوه .. أكيد سمعوا كل اللي دار بيننا .. لأني أتوقع أني رفعت صوتي بقوه .. وبالأخص ديمه اللي كانت تصارخ ..
- يبه أنا آسف لأني طلعت وتركت الملكه .. لكن صدقني أني ما ني متندم على هالحركه .. لأني رحت عشان أشوف محمد .. مو عشان أتهرب من الملكه ..
سعود أبتسم : لا ما عليك لا تخاف أبوي مو زعلان ..
بس زعلان عشانك رحت و ولا قلتله أن محمد في المستشفى ..
راح ياسر وباس راس أبوه : يبه والله آسف .. حقك علي ..
أبو ياسر: الله يرضى عليك يا ولدي دنيا وآخره .. روح .. روح شوف مرتك في المستشفى .. أكيد تبغاك توقف جنبها ..
ياسر : إن شاء الله .. بس أنت ما بتروح ..؟
أبو ياسر : روح أنت وخواتك .. وأنا وسعود وأمك راح نلحقكم ..؟
أم ياسر : لا أنا بروح مع ياسر .. أبي أتطمن عليها .. تعرف دعاء قدرها مثل قدر بناتي ..
ياسر : خلاص يمه .. يالله ألبسي عبايتك ..
.
.
.
في المستشفى ..
الساعه 2
وشوا هالنحس .. اليوم أنا دخلت في هالمستشفى مرتين ..! وأهو طالع لجهة الاصنصير.. لمح الدكتور المصري المشرف على عملية محمد .. حب يتطمن عليه ..
- أطلعوا أنتم .. وأنا شوي وأحصلكم ..
هيفاء : إن شاء الله ..
طلعوا أم ياسر و هيفاء وديمه ل الأصنصير .. وأهو راح لجهة الدكتور ..
.
.
.
بعد ما نزلت من الأصنصير .. قعدت تدوّر الغرفه .. أووه أخيراً لقيتها .. خافت يوم شافت شكله .. وش في شكله كذا .. واضح أنه تعبان .. وصلت ل عند عمها .. وباست راسه .. شافته زعلان و قلقان في نفس الوقت .. دمعت عيونها .. أكيد هذي دعاء .. الكل ما يتمنالها إلا الخير ..
- عمي .. إن شاء الله كلها كم ساعه و .. وتصحا ..
أبو وافي : الله كريم .. الله كريم ..
وقفت تناظر البقيه .. شافت خالتها تصيح .. وجالسه أم ياسر وديمه يهدونها .. وألتفتت وشافته .. منزل راسه ل الأرض .. وواضح أنه تعبان .. قربت ل عنده .. وجلست جنبه .. واضح أنه مو منتبه لها .. حطت يدها عل كتفه ..
- وافي ..!!
رفع راسه .. وبانت عيونه الحمر .. اللي تحمل الحنان والطيبه ..
- هيفاء ..!
هيفاء هزت راسها : أيه .. وافي ليش تسوي بنفسك كذا ..؟
وافي بقهر : أنتي ما شفتي شكلها قبل ما تطيح .. كانت منهاره ..
هيفاء حست فيه .. هذا وافي الحنون واللي يخاف على أهله حتى من نسمة الهوا ..
مسكت يده .. لازم توقف جنب حبيبها وزوجها في هالمحنه : ماعليه .. كلها كم ساعه وتصحا ..
بس أدعيلها ..
سمعت خطواته .. هذي هي خطواته اللي تعرفها .. بهيبته .. وشموخه .. لكن واضح أنها منهاره مثل صاحبها .. رفعت نظرها له .. شافته جاي .. وجلس جنب عمها .. وباس راسه ..
- عمي .. أنا آسف .. لكن والله غصبن عني .. ما كنت أبي أروح بس جاني تلفون من أهل محمد .. وقالوا لي أنه في المستشفى ويبغون يتطمنون عليه ..
أبو وافي : ماعليه .. كل اللي صار بقضاء الله وقدره ..
جلس يناظر وافي .. كان يتكلم مع هيفاء .. واضح أنه تعبان .. تنهد بقوه .. ألحين ما فيه أحد مرتاح في هالدنيا .. حتى اللي عنده جاه ومال ما هو مرتاح .. مثلنا أحنا عندنا خير ما في الدنيا .. ومع هذا محنا مرتاحين ..!! يوه ألحين وشوا جاب طاري هالكلام ..؟!
قطع تفكيره يوم عمه قام .. شاف دكتوره جايه ل جهة عمه .. عمي وين بيروح ..!
- عمي .. وين بتروح ..؟
أبو وافي : بروح بشوف الدكتور.. يبغاني ..
ياسر : بروح معك ..
قام ياسر .. وأبو وافي .. ووافي لحقهم .. دخلوا غرفة الدكتور .. كان الدكتور قاعد على المكتب .. ويكلم تلفون .. ولما شاف أبو وافي داخل .. أشر عليهم أنهم يجلسون .. وسكر التلفون ..
- هاه بشر .. وش في بنتي ..!
تنهد الدكتور وحط يدينه على المكتب .. وشبكهم ببعض ..: البنت جاها إنهيار عصبي .. بس الحمد لله ما كان شديد .. لكن اللي أبي أسأل عنه .. وش سبب إنهيارها .. ممكن أعرفه ..؟!
ياسر أرتبك .. وقام يحك جبينه .. وأبو وافي ما كان يدري وشو السبب ف سكت
وافي : أيه .. فيه سبب خلاها تنهار .. بس آسف دكتور .. ما راح أقولك ..
الدكتور بإحراج : ما عليه .. مو لازم تقولي السبب .. بس أنا راح أكتبلها شوية أدويه .. وخلوها تشربها .. وبرضوا أبغاكم ما تضايقونها بشي .. لأن كثره المضايقه .. يمكن لا سمح الله تؤدي إلى إنهيار عصبي شديد .. والأنهيار الشديد يؤدي إلى غيبوبه .. وما حد يعلم متى تصحى منها .. هذا غير النفسيه اللي راح تحصلونها منها ..
أبو وافي بصوت مخنوق .. : الله كريم .. إلا أقول دكتور ممكن نشوفها ..
الدكتور : أيه ممكن .. بس يمكن تلقونها نايمه .. وإن شفتوها صاحيه لا تتكلمون معها كثير .. هذا راح يأثر في صحتها ..
أبو وافي : شكراً دكتور .. أتعبناك معنا ..
الدكتور بإبتسامه : العفو .. ي .... وسكت
أبو وافي ابتسم : أبو وافي ..
الدكتور بضحكه .. : العفو أبو وافي ..
.
.
وصلوا عند باب الغرفة .. حس بإرتباك .. أهو عارف أنه السبب في السالفه ..
- أم وافي .. تعالوا أدخلوا ..
قامت أم وافي .. وأم ياسر .. وهيفاء .. وديمه .. ودخلوا ..
وقف عند الباب.. ما أبي أدخل .. أحس أني إذا دخلت وشافتني بتقعد تصارخ وتطلعني برا .. ضحك في نفسه .. وين إنا فيه .. ولا فلم مصري ..!!
ناظر في الممر إلا شاف أبوه .. وسعود جايين ..
سعود : هاه .. وش صار ..
ياسر : إنهيار عصبي .. بس الحمد لله أنه مو شديد ..
أبو ياسر .. وسعود : الحمد لله ..
أبو ياسر : إلا وين هم ..؟
ياسر أشر براسه على الغرفه .. : هناك .. في الغرفه رقم 20
إلا شافهم نازلين .. أستغرب ..
- وش فيكم ..
أبو وافي .. : لا أبد بس نايمه أهي ألحين ..
أم وافي .. قومي خلينا نروح ل البيت .. وإن شاء الله بكره الصباح بنجي مبكر وبنلقاها صاحية ..
أم وافي وصوتها واضح أنه تعبان .. : لا ما بروح .. أبي أقعد معها إلين ما تصحا ..
أبو وافي : وافي بيقعد معها ..
هيفاء قاطعته ..: عمي .. ياسر أهو اللي بيقعد معها ..
فتح عيونه بقوه .. لا لا هذي البنت أنهبلت ..! شنوا أقعد عندها ..!! أونها تحبني وتبيني أقعد وأقابلها ..! لا وألف لا ..!
هيفاء ..: هاه ياسر .. مو أنت قلت لي إذا كنتوا تبون مرافق لها أنا راح أصير مرافقها ..!
..
وافي ..: ياسر .. بتقعد معها وإلا أنا بقعد ..
ياسر تدارك الموقف ..: لا لا خلاص قالت لكم هيفاء أني أنا أبي أكون معها .. هذي زوجتي .. وإذا ما وقفت معها مين راح يوقف معها ...؟؟
سعود ..: خلاص عمي إحنا ألحين بنروح .. تامر على شي ..؟
أبو وافي : أبي سلامتكم .. يالله يا أم وافي مشينا ..
وافي قام ومسك يد هيفاء .. : بغيتي شي يالغلا قبل ما أروح ..؟
هيفاء أبتسمت .. : أبي سلامتك .. أنتبه ل نفسك ..
أبتسم .. وأشر على عيونه وراح ورى أمه وأبوه ..
أبو ياسر : يالله يا مره مشينا ..
راحوا كلهم مع سعود .. وما بقى إلا هو .. لاحول الله يصلحك يا هيفاء .. حطيتيني في موقف لا يحسد عليه ..
حس بالبرد يدخل جسمه .. ناظر في لبسه .. كان لابس ثوب شتوي لونه بني غامق ومقلم .. فرك يدينه ببعض .. وتكتف لعل وعسى أصابع يدينه تدفا .. ولف الغتره البيضاء على راسه وتلثم .. حس بالملل .. يا الله صبرك .. ألحين لازم أدخل أخاف تصحا ونبتلش .. ودخل .. ألتفتت عينه على سرير أبيض .. وبجانب السرير أجهزه كثيره وجنبها أسلاك أكسجين ومغذيه ونبضات القلب وغيرها .. مشى ل جهة السرير .. وشافها نايمه .. جلس جنبها على السرير .. شاف ملامح وجهها اللي كانت واضحه .. شاف شعرها العسلي المبلل .. لمس شعرها .. شكلها كانت متسبحه قبل لا تطيح .. مسك يدها اللي كانت بارده .. ناظر يدها المزرقه .. خاف .. ضم يدينها الثنتين بقوه .. يمكن يقدر يدفيها ..
- دعاء ..
كان يبغاها لو بس تقول كلمه وحده .. أو حرف واحد .. ما يبغى يحس بالذنب أنه أهو السبب في طيحتها .. يبغى بس يفهم وشو سبب طيحتها .. أهو مو غبي عشان يصدق أنها طاحت عشانه راح وتركها ..
جلس يناظر إيدها اللي كانت فيها المغذيه .. كانت يدينها حلوه .. رغم زرقتها .. رفع راسه يناظر وجهها .. أبتسم بألم .. حتى هي ما تبيني ..! حتى هي عانت مثل ما أنا عانيت ..
حط يده على جبينها .. وجلس يلعب ب شعرها ..
- دعاء .. أنا آسف .. أنا عارف أني غلطت يوم تركتك .. بس هذا أكبر من إرادتي .. دعاء بس أبي أعرف إذا أنتي مسامحتني وإلا لا ..! أبي أعرف أنك منتي بشايله على قلبك مني .. أنا آسف ..
سكت .. خلاص أهو بعد مو قادر يتحمل اللي يصير .. كلهم محملينه الذنب وأهو ماله ذنب .. رفع راسه لفوق .. وقال بصوت واضح ..
- يارب لطفك ..
كانت تسمع صوته .. تسمعه بوضوح .. كانت تتمنى أنها ما تسمعه .. كانت تتمنى آخر صوت تسمعه أهو هالصوت .. تبغى تفتح عيونها بس ماهي قادره .. حست بأحد ماسك يدها .. يالله جسمها كله ثقيل ما تقدر تحركه ..!!
حس بحركتها.. ألتفت شاف جفنها يتحرك .. ويدها بعد تتحرك .. لكن ببطء شديد ..!!
فتحت عيونها .. كانت تشوف زي الضباب .. كشرت تحس الدنيا قدامها موشوشه .. رفعت يدها بعد عناء ومسحت عينها بأطراف أصابعها لعل وعسى يروح هالتشويش اللي في عيونها .. شافت جسم جنبها جالس على السرير .. جسم رجال ..! توقعت أنه وافي .. بحكم أن جسم وافي مثل جسم ياسر .. مسكت كتفه بضعف .. تحس حلقها ناشف .. تبغى مويه ..
- و..وو.اافي .. أأبي .. موي...ه ..
قام ياسر بسرعه .. وشال الجيك اللي كان في الطاوله وصب في الكأس مويه .. قرب ل عندها .. وخلاها تتسند على كتفه .. ومسك خصرها .. يحاول يرفع جسمها عشان تعرف تشرب مويه .. وفصخ الأكسجين من فمها ..
مسك الكأس .. لأنها ما قدرت تمسكه .. وشربت شوي منه وبعدته بيدينها .. شال الكاس .. ورجعه للسرير ..
غمضت عيونها .. راسها يعورها بشكل مو طبيعي .. تذكرت أنها كانت تسمع صوته .. لا لا شكلها تحلم .. أي صح شنوا اللي جابها هنا ..!!
فتحت عيونها .. الضباب اللي كان موجود أختفى .. ألتفتت شافته يناظرها .. خافت يمه هذا من وين جاء .. و وين وافي ..
- الحمد لله على السلامة ..
غمضت عيونها بقوه .. لا لا أكيد هذا حلم .. إلا هو ما أبي أشوفه .. مابي ..! أستحت لأنه كان جنبها مرره .. يعني كتفه كان لازق بكتفها ..
- الله يسلمك ..
وألتفتت وعطته ظهرها .. وقالت بغصه ..: وين أمي ..؟
ياسر بطولة بال ..: خالتي في البيت .. وبكره بتجي ..
فتحت عيونها بقوه .. : ليش ..؟! الساعه كم ألحين ..!!
ياسر عصب .. شايفتني خادم عندها تكلمني وأهي معطيتني ظهرها ..
قال بغيض واضح : ما راح أتكلم إلين ما تلفين وتحاكين الناس صح ..!
خافت .. طول عمرها تخاف منه .. وتكرهه .. وما تطيق تكلمه .. يمه صوته يروع .. كانت تبي تقوم من السرير بس شافت المغذيه في إيدها .. الله ياخذها من مغذيه .. جلست على السرير .. و ألتفتت عليه ..
- ممكن تدق على أمي تجي ..!
ياسر : لا .. ألحين تلاقينهم نايمين .. وبعدين ليش نقلقهم .. الصباح راح يجون ..
وقام من السرير .. وقال وأهو معطيها ظهره وماشي إلى الباب .. : أنا بروح أقول ل الدكتور أنك صحيتي ..
أي صح تبين تعرفين كم الساعه ..؟ الساعه يا ماما 4 الفجر .. وعلى فكره تراه أذن قومي توضي وصلي ..
ورااح .. ناظرته بحقد .. وع .. كان جسمي لازق بجسمه
لا لا أهو اللي تسندت على جسمه ..!
دخلت الدكتوره .. وبإبتسامه ..: ألف حمد لله على السلامه.. ماشاء الله دنتي صحتك زي البوم أهوه
..
دعاء وتحس أن نفسيتها أحسن بكثير من أمس .. : الله يسلمك ..
قربت ل عندها الدكتوره .. وقاست الضغط وبعدها شالت المغذيه اللي خلصت ..
دخل ياسر .. رفعت نظرها .. شافته يناظرها .. أستحت ..
فسخ غترته .. وإلا الآن وأهو يناظرها .. شمر أكمامه .. ودخل الحمام
عشان يتوضئ ..
لاحظت الدكتوره أن وجه دعاء مولع .. أبتسمت .. وقالت بصوت عالي : اللي دخل الحمام أبل شويه قوزك ..؟
دعاء .. سكتت بعدين قالت : أيه ..
الدكتوره وبصوت أعلى : ما شاء الله كلكوا حلوين .. حتقيبوا عيال قنان ..
ألتفتت عليها دعاء بحيا وغيره .. وجعه قاعده تغازله قدامي .. بس أبتسمت وسكتت ..
دعاء : وش أسمك ..؟
الدكتوره : مرفت ..
نزل ياسر .. وكانت على وجهه أبتسامه خبث ..
- أنا بروح أصلي وبجي .. تبغينتي أجيب لك شي وأنا جاي ..؟
أشرت براسها بعلامة لا .. وأهي مستحيه .. وجع ليش يضحك .. كله منها رفعت صوتها ..
سكت .. وناظرها .. بعدين قال ..: تبغيني أساعدك في شي ..؟
دعاء : مشكور ما أبي شي .. مرفت راح تساعدني ..
وألتفتت تشوف مرفت اللي جاسه تناظر ياسر بإبتسامه .. عفست وجهها وقامت تناظرها بقوه .. أستغرب ياسر وشوا اللي عفس وجهها .. رفع راسه لمستوى الدكتوره .. شافها تناظره بإبتسامه .. بغى يضحك .. بس كتم ضحكته وعطاهم ظهره وطلع ..
نزل من الغرفه .. : ههه والله حاله ..
دخل يده في جيبه لما سمع صوت الجوال .. ناظر الشاشه ..
المتصل << وافي ..
- هلا وغلا .. هلا بالنسيب ..
وافي مستغرب .. ألحين دعاء طايحه في المستشفى .. وهذا مروق ..؟
وافي : هلا فيك .. هاه بشر .. صار شي ..؟
ياسر بإبتسامه : أيه .. دعاء صحت ..
وافي بعد ما كان مكشر .. أبتسم بفرح .. : قول والله ..؟
ياسر : وافي وهالسوالف فيها مزح ..؟
وافي : الله يبشرك بالشهاده .. أنا جاي ألحين ..
ياسر : يالله في آمان الله .. أنتبه ل الطريق ..
وافي : إن شاء يالله مع السلامه ..
قفل من الجوال ..
وراح يصلي في المسجد اللي في المستشفى ..
توقعاتكم ل البارت الجاي ..؟

مو كأن البارت قصير
الله يخليك ابغى بارات طويل

بليز كملي