يا بنات افضل طريقة لعجينة الفطائر

هذي عجينتي لجميع الفطائر بيتزا _خليه نحل _فطاير جبن ولا دجاج_سنبون المهم تصلح لطرق فطاير كثيره ماعليك الا تمشين على الطريقه
كاس ماء دافي
ملعقتين حليب ولا ثلاث بودره
ثلاث ملاعق زيت
ملعقه صغيره خميره فوريه انا استعمل الي علبتها زرقاء
نص ملعقه بكنج بودر
نص ملعقه صغيره ملح
ذره سكر
جميع هذي المقادير تخلطينهم مع بعض في وعاء
انا اخلطهم ملعقه مضراب البيض بعد ماتخلطينهم
اضيفي عليهم كوبين دقيق (نفس كوب الماء الي استعملتيه) انا استعملت دقيق كويت
اخلطيهم مع بعض بالملعقه بسرعه بعدين اعجيني بيدك لمى تتماسك تصير لينه طريه
غطيها وخليها تخمر
ملاحظه
اذ تبينها لخليه النحل اعجينها بكاس حليب سعوديه ولا مراعي بدال الماء وحليب البودره بس دفيه اشوي وامشي على نفس المقادير عشان تطلع لك الخليه مره لونها ابيظ زي القطن وبالعافيه على قلبك

انا طريقتي نفس الاخت اللي قبلي بس بالخلاط الكاس احسن خليها عشر دقايق لحد ماتطلع الرغوه وكملي الطريقه والله تطلع كانها جاهزه
والفرن خليه حار علشان على طول تنضج لانه كل ماصارت النار ضعيفه تيبس العجينه وهي ماتحمرت
وهذا اغلب خراب المعجنات يكون من الفرن

الله يجزاكم خير ويفتح لكم ابواب الخير وينولكم اللي في بالكم...امين

واذا تبغيها تخمر بسرعة مستعجلة سوي مثلي حطيها بالمكروويف 30 ثانية بس لا تطول وخليهاعشر دقايق واشتغلي فيها وطريقتي مثل بروق السحايب
والفرن شغليه على العالي قبل ما تحطيها بعشر دقايق عشان يصير حار.............

أنا أقولك على عجينتي اللي كل من شاف فطايري انهبل عليها وماراح تندمين لو طبقتي نفس المقادير
المقادير حطي نفس اللي أقولك عليها بس
2كاس دقيق أبيض طبعا الدقيق الكويتي هذا حطية في الوعاء اللي بتعجنين فية
حطي في الخلاط حق الطماطم مايلي
كاس ماء دافي ولايكون حار انتبهي
2ملعقة خميرة فوريه
5ملاعق نيدو بودرة
3ملاعق سكر
ربع ملعقة ملح+ملعقة باكنج باودر
اخلطيها مع بعض لمدة خمس دقائق
بعدين صبي واعجني وصبي واعجني وصبي واعجني انتبهي لاتصبينها مرة واحدة بعد ماتعجنين صبي عليها فنجال قهوه زيت واعجنيها لمدة 10 دقايق لين تكون العجينه ناعمه مرة وكل ماكثرتي العجن كل ماصارت أحلى واحلى جربيها وشوفي العجينه الحلوة ودك تاكلينها قبل ماتخلص
وياليت تقولي لي على النتائج ترى بانتظرك على أحر من الجمر ولاتنسيني من الدعوات إني أتوظف

مشكورة يا عسل