يا حلوين ساعدوني في هدية ماما بليز

السلام عليكم ورحمة الله وبركاته
كيفكم يا احلى طباخات ف العالم
حبايبي انا البنت الصغيره ف العيله
وقبل مااتزوج كنت الحمدلله اساعد ماما ف كل شيء
يعني ماكانت تحتاج تعمل اي شيء الحمدلله مريحتها وربنا يتقبل يارب
المهم انا دحين اتزوجت من تلات شهور تقريبا
وسافرت لمدينه تانيه غير اللي اهلي فيها
وكل ما اكلم ماما تقوللي قد ايه هيا فاقدتني وقد ايه البيت ما يسوى من دوني ومن دا الكلام
وخصوصا لما يجوها ضيوف تكلمني وتبين لي قد ايه هيا حايسه وفاقده مساعدتي وكده خصوصا انها تعبانه شويا ربنا يشفيها
لانها دحين صارت لوحدها ف البيت مع بابا واخواني _ من دون بنات _
ف دحين رمضان جاي ربنا يبلغنا اياه ويتقبلو مننا يارب
فأنا ابغى اعملها مفرزنات وكده واعطيها اياها قبل رمضان
عشان كل يوم ع الفطور لمساتي تكون موجوده معاهم ع السفره حتى وانا بعيده عنهم
وما في احلى من دعوة الام ع الفطور
وانا ماعندي خبره ف المفرزنات دي ابدا
ولا عمرنا عملناها
غير السمبووسه بس
والسمبوسه ماابغى لانو شغالتها ح تعملها لها
ابغاكم تقوليلي ايش اقدر اعمل مفرزنات وكيف اعملها؟؟
عادة انا اعمللهم ع الفطور الفطاير والساندوتشات والموالح والحلا والبيتزا والحاجات اللي زي كده
وابغاها تكون عندها حتى بعد زواجي
ف بليز ساعدوني وقوللولي كيف اعمل وايش اعمل
حتى لو مو عشان خاطري
عشان خاطر ماما
والله يسعدكم يارب ويحقق لكم امانيكم حبايبي