ياأهل الشام هل من مجيب

ست فراشات قرأن الموضوع ولا واحده تجيب على سؤالي ..
هذه أول مرة أطلب فيها ... خيبتوا أملي فيكم !!!!!!!!!!!
وينكم يا أهل الشام والزيتون ؟؟؟؟؟؟

أختي العزيزة اسلام عليكم , بالنسبة لمعرفة وقت نضوجه فلا أعلم والله بس بسألك أخي لأن عنده مزرعة وبرد عليكي انشالله أما بالنسبة لتحضيره فنحنا منحضره بالبيت كما يلي بس يجي منضفه من أوراق الشجر العالقة فيه ومنجرحه يعني منمسك كل حبة ومنجرحها بالسكين والآن فيه آلات مناخد الزيتون عالمحل الآلة بتجرحه كله بدون تعب وبعدين مننقعه بالمي ومنغير الماء عليه صبح ومسا لحتى يحلا يعني بتدوقي الحبة مابتعود مرة متل الأول فمنغسله ومنعبأه بأوعية زجاجية ونضع عليه زيت زيتون بحيث ينغمر الزيتون بالزيت وبتضيفي في كل وعاء ليمونة مغسولة ومقطعة بتعطيه طعمة طيبة كتير وأنا عن نفسي بكتر ليمون فيه بس هي بترجع للرغبة واذا بتحبي فيكي تضيفي قرون فليفلة خضرة حدة حسب الرغبة وبتتركي الوعاء مغلق كم يوم بعدين بتصيري بتسكبي منه وبتاكلي وألف هنا وشفا

عفوا أختي نسيت قللك أنك لازم تملحيه يعني تحطيله ملح بس مو ملح عادي بحري وانما ملح صخري منشان ما يطرى لأن الملح العادي بينزعه وبعتقد بتلاقي ملح صخري عندكم بس والله مابعرف وين والتمليح بيكون لما بتحطيه بالزيت بتحطي معه ملح وليمون وفليفلة واذا كان نوع الزيتون يلي زارعينه ظريف وحبته كبيرة وطيبة بيطلع روعة وألف صحة شهيتيني رح قوم آكل زيتون سلام

جزاك الله خير يا أختي المسلمة1
ثمار الزيتون لونها أخضر غامق صغيرة يمكن ما نضجت بعد ..
اسألك سؤال واحد .( يمكن ثقلت عليكي ) إذا جرحت الزيتون بالسكين ما يتأكسد ويصبح لون الجرح أسود ؟؟؟؟؟؟
وشكرا جزيلا على المعلومات الرائعة ...

اولا ماني شامية ............لكن عندنا مزرعة في الجنوب (الباحة)وفيها شجرة زيتون واحدة ...ولاسف انها مريضة او عقيم او حاجة زي كذا لان لها اكثر من اربع سنوات وما خلفت يعني مااثمرت مع ان الجو مناسب والمياه متوفرة ....لكن سبحان الله
ما حبيت امر من غير ماكتب شي ......وان شاء الله بتلاقي من يفيدك......ولك تحياتي

أختي الغالية آسفة تأخرت بالرد عليكي بس لوحة المفاتيح تبعي كانت معطلة حبيبتي سألتلك أخي قللي اذا بدك الزيتون يكون أخضر بتقطفوه وهو أخضر واذا بتحبو الزيتون الأسود استنو عليه لحتى يبلش لونه يلوح على أسود وبعدين اقطفوه . بالنسبة لسؤالك عن التجريح اذا نقعتيه فورا بالمي وبعدين بالزيت وما تركتيه فترة طويلة مابيصير أسود وحتى لو صار محل الجرح أسود لأنك أول مرة بيجوز تكوني بطيئة شوي مو مشكلة مابيأثر عالطعمة........ وأي سؤال أنا حاضرة

مشكورة أختي العزيزة مسلمة 1
سوف أعمل بنصيحتك رعاك الله وجزاك خيرا ............أنت وأخوك
مع الشكر للأخت واحة وأقول لها إن أشجار الزيتون عندنا أثمرت بعد أن قلمناها جيدا ( يعني تركنا الجذع الرئيسي من تحت بدون أغصان فرعية )إن شاء الله يكون كلامي مفهوم وإذا تامرين شي أنا حاضرة