ياعروسة ياحلوة ياأمورة تعالي ابيك شوي

ليتني بنت عمك وبالزواج اغصبونا
ويحددون الملكه وبعدها يكلمونا
لاجبرتنا ظروف
ولا مدري اشوف
كل شي مخطط ومرسوم
وامي حولي تحوم
يابنيتي هذا فستانك جربيه
والزواج هذا الخميس ولاتناقشين فيه
والله مادروا اني من الفرحه بطير
واني احلم به قبل مايصير
واني ببقى معه طول الحياه
وبعطيه عيوني لجل رضاه
والله لأعيشه ملك وسلطان
وارفع راسه بكل مكان
وبحاول قد ما اقدر اسعده
وابعد عن الشي اللي ينكده
وان ما اكل زين اغصبه
وان مانام العب بشعره هالحركه تنومه
وهو يدري اني من نظره افهمه
وقبل يتكلم اكمل كلمته
ويبتدي يوم الخميس وتبتدي معه الحكايه
واغراضي جاهزه من الفستان للعبايه
ومستعده لرحلتي وفيني فرحه وخوف
ياترى مشتاق لشوفتي وفيني شغوف ؟
واسمع صوت امه ادخل يايمه العروس داخل
زادت ربكتي ودمعي من الشوق سايل
وتحتضن يديني يدينه
والحيا بيني وبينه
ماقدرت اطالع عيونه ..
فديته وفديت حتى جفونه ..
ابتسم وقال وش بك ؟ قلت مدري
قال الحيا مطول .؟ قلت توه بدري
قال احبك قلت مدري
قال كن الحيا طول .؟
قلت زاد اكثر من اول
قلت ممكن تقرب شوي قال قربت
قلت كمان شوي قال هذاني قريب
قلت ابي بوسه تنسيني دنيتي منك
قال ابشري باللي ينسيك حليب امك
قلت تسمح ارتمي بحضنك !!
واذووب بين كلك وكلك ..؟
قال تدرين .؟ اول مافكرت فيه ضمك
آآآه عساني ما انحرم منك
وباسني وضمني وليته ماضمني
نسيت كل العالم وراي ولاشي همني
وفجأه يدق الباب يلا ترى زفتكم يعلنون
وتدخل اخته تقول امسك ايديها وبشويش تمشون
قلت يوه قلبي زاد نبضه
مسك ايديني وقال فديته وفديت حبه
وبدت مراسم الزفه
والشرعه حولي ملتفه
وطلعنا على اغنية عسى ربي يخليك لعيوني
اهداها لي مره وقال اسمعيها يانور عيوني
وفي الزفه صرنا نغنيها سوا
وه بس يازين دروب الهوى
قالت ندى شوفي شكله ميت عليها
قالت هدى وهي باين تموت عليه شوفيها
وقتها غارت سهى
لانها كانت تبيه لها
واحنا نمشي في الممر
قال ممكن طلب قلت تامر أمر
ابي تعطيني بوسه قدام هالعيون
واقهر فيها العواذل وكل مجنون
قلت اركد حبيبي وش هالجنون
قال حاضر ياغلا هالعيون
وهمس لي وقال احبك قلت ادري
قال والله الحيا راح قلت اوه من بدر
مساء الفل لأحلى عرايس..
وصباح الورد لأجمل عرايس..
صباحكم ورد وكادي..
ومسائكم ريحان..
يارب تكون حياتكم كلها سعادة ..
ويارب تطلعون أحلى عرايس ويتمم فرحكم على خير..
وتكون ليلة فرحكم ليلة حلوة للجميع..
بارك الله لكم..
وبارك عليكم..
وجمع بينكم في خير..
طبعا الموضوع للعرايس اللي على وش قواز
أما الباقيات الصالحات فنرجو منهن الدعوة للعرايس الحلوين وفراشاتنا اللي بيطيرون قريبا
يا هلا وغلا..
اسفرت وانورت..
افرش الارض ورد لاستقبالكم..
ونبخر بأطيب العطور والعود لمقدمكم الكريم..
يامرحبا ترحيبهٍ مالها بيتتفرش فيافي نجد زهر اقحواني
ترحيبهٍ غير التراحيب لاجيتلاهي قصيد ولاكلام واغاني
تجيك مثل العشق مثل التناهيتفي كل درب وكل وقت ومكاني
بيضا مثل قلبك مثل ماتباهيتالله لايحرمك رغد الزماني
كنك غزال الريم لاوالله اخطيتوارجوك تدمح زلتي من لساني
مايشبهك الا القمرلاتخليتعن بعض زينك يارهيف الثماني
والشمس ماهي في جمالك اذاابديتزينتك كنك في السما نور ثاني
لاجيت كنك في عروقي تخطيتاحس بك مثل المطر في كياني
عينك تغير كل من يمه اغظيتوانا من اول رمش طرفك سباني
وخليتني لانيب حي ولا ميتواقفيت مثل الريح مالك مواني
واليوم اشوفك يابعد من تحريتهذي الصدف والاالقد ر لك دعاني
اسرتني بالحسن يالي تعديتكل الوصوف وكل شرح المعاني
العين ماتروى ولو فيك سجيتلروي جميع الي طوته المحاني
عجزت اطالع في عيونك وصديتخايف على هالقلب لاكن عصاني
صلوا على محمد ريح العطر والعود
من ليلة مايقدر يعيد الكون هدبها
هذه الليلة انور نورها زود
والسماء نجومها اضوت في ذهبها
كيف ماتضوي والكل حاضر وموجود
بشوق المحبة نلتقي من سعدها
عروسنافوز ياكل الحسن فيها موجود
يغار منها البدر من طلة هدبها
عروسنا فوز يابنت الاصل يابنت الجود
فيك القصايد ماتوفي سببها
عريسنا عبد الله ياكل الشهامة بلا زود
ولد الرجال والمكارم هو اهلها
والله يجعل ايامكم حب وورود
وسعادة يحكي بها الكون ويعجب بها
الحين الزفة
متشابهه كل الليالي **** اما ليلتنا غير
من فرحنا للحب نغني **** واحساسنا احساس طير
الليله من قدنا في فرحنا وحبنا **** الكل يدعي معانا الله يتمم بخير
اليله ليلتنا غير
من اندعى وقال حاضر **** من كل قلبي ياهلا
مليون مرحب ومرحب **** لكم كل الغلا
سمعونا غطروفة حلوة **** سمعونا للحب غنوة
فلو الشعر يابنات **** وارموا ورود وعبير
الليله ليلتنا غير
اقبلت نور الليالي يازين خطواتها **** يزفها كل الحضور وامها واخواتها
ارموا عليها الزهور **** اشعلوا الدنيا بخور
ولا احد يغار منها**** اميرة واللي اخذها امير
الليله ليلتنا غير
يا هلا وغلا اكيد طولت عليكم..
بس حبيت اشاركم الفرحة واتذكر ايام فرحي قبل سبعة اشهر..
وادري مشاعركم ملخبطة..
ومحتارين كثير..
عشان كذا حبيت ادردش معاكم شوي لاني اعتبركم خواتي..
يعني حتلاقون هنا نصايح..
وافكار..
واشياء حلوة..
وهذي زغروطة عشان تحسون انكم عرايس صدز
كلوش<< ترقص مسوية ام العريس
عاد ياحلوين كل متزوجة ياليت تكتب تجربتها عشان يستفيدوا عرايسنا الحلوين..
واقول لكل عروس مافيه داعي للخوف ترى بعدين بتنقدين على نفسك ..
أحب ذا الفيس
المطلوب كل عروس حلوة امورة تجي تسجل اسمها هنا..
واللي بتتاخر ياويلها..
مابنحضر عرسها..
اذا تجمعتكم راح ندردش سوا
ونفضفض ..
ونحكي ونسولف..
ونترجم مشاعرنا
الله الله بالردود..
لي عودة قريبة بس بعد مايكتمل العدد واشوف الحماس