يجي يوم وامسك الدركسون واسوق

1. قلت:حقيقة لاتعامى عنها!!


2. قال:لاتحاولين مو موافق يعني مو موافق.


3. ويوم انتهى قلت له : مين هذي الي اتسكتها!!


4. قال: مو انتي!!


5. :::::::::::::::::::::::::::::::::::::::::::::::::: :

1 ****** ر جلي (بفتح الراء يحب الزين )
2 ***** زوجي..ولاحتى يحلم بيها
3 ***** زوجي طفل وافشيلتاه
4 **** جارتي مشكلتها انها ( حلوة )
5 **** الناس تصفق لي وزوجي صفقني!!
6 ****** زوجي وتلميحاته الجنسية
7 **** مذكرات سمينة
:::::::::::::::::::::::::::::::::::::::::::::::::: ::::::::::::::::::
القصة الثامنة:
قلت لزوجي: تخيل ان فيه وضع اجبرني اني اكون انا ورجال غريب في صندوق لحالنا حتى انفاسي يسمعها؟
قال:ياساتر!!...
قلت : انا كذا كل يوم؟
قال بفجعه:ايش تقصدين؟
قلت:بالسيارة مع السواق
قال:يازينك ساكته

قلت:حقيقة لاتعامى عنها!!

قال:لاتحاولين مو موافق يعني مو موافق.

قلت :ارجوك ...ارجع اوزن الموضوع بمخك..السواقة للحرمة مهمة واتخليها تقضي حاجاتها بدون ماتكون بحاجة لرجل يشاركها مكان ضيق ويختلي فيها بداخله...لاتقول ان السواقة بتطلع بلاوي الحريم كلها...ليه مافيه انظمة وقوانين..مافيه حلال وحرام..انتوا يالرجال نفسكم لولا الانظمة والقوانين ماكان مشيتوا صح..البلد لسه بخير..وفيها الصالح والطالح..ليه تخافون من سواقة الحرمة بالذات وهي كل مجال دخلته وكل مكان اتواجدت فيه من الطب ,,والبنك...الى الكاشيرات بالسوبرماركت..وبمحلات الملابس ..وبملاهي الاطفال!!
قال:لاتحاوليت تأثرين علي!
قلت: الملك عبدالله يقول للحريم ابشروا اسمح لكم بالسواقة لو وافقوا اولياء اموركم وحطوا توقيعهم قدامي..الله يخليك كون اول ولي امر يبادر بهالمهمة الشجاعه!!
قال:لو مابقي غيري ..ماني موافق!!
قلت : انت انسان متحجر!
قال:افضل........ ولااكون متحرر!
قلت:طيب ..طيب...ابغاك بس تجلسني قدام الدكسون واتعلمني السواقة ..يمكن يحصل ظرف لاسمح الله واحتاجها.........
>>>>واستميرت بالاقناع ..الى ان اوافق يعلمني !!
قلت : مشكورة يازوجي العزيز
قال: بس وين اعلمك؟
قلت : باي مكان المهم امسك الدركسون؟
قال :ويش بينك وبينه هالدركسون؟
قلت:احبه
قال:وهو يحبك!.؟
قلت:خله يجربني اول
>>يلمحون ..مايذكرونكم بقصة ماضية
قال:طيب يالله..مشينا
قلت بفرح : بتخليه يجربني!!...اقصد اجربه....اقصد اسوق...لالا لامو مصدقة نفسي..انا اصلا دايم اقول عنك انسان عصري ...ومتحضر
وماتشوفون غير غباري . .رحت جهزت عبايتي وشنطتي وجوالي (عشان احر صديقاتي وانا اسوق)..
ويوم جيت اطلع..قال زوجي:يامهبوله نعالك !!
قلت:مو لابسه كيف ادعس وامسك فرامل بالكعب!!...ووركضت برى البيت ووقفت جنب سيارتي ..اقصد سيارته ومالقيته!!!
رجعت له قلت : اشفيك؟
قال: نسيتي شي؟
قلت : ايش؟
قال:رخصة السواقة!!
قلت: اقول امش وسحبته بهدومه وركبنا ...انا ركبت مكان السواق وهو جنبي!
قال:مانتي شايفة فيه شي غلط؟
قلت: عادي انا السواق!!
قال:وانتي تعلمتي لسه انتي ووجهك؟
قلت:علمني وانت محلك!!
قال:ماينفع!
قلت:طيب تعال اجلس وانا بحضنك.. المهم انا الي امسك الدكسون >>احبه
قال:وان شاء الله كيف اشوف اذا راسك بيصقع السقف!
قلت :ماهو لازم اتشوف انت بس تكلم وانا انفذ!
قال:يارب انت بليتني وانا صابر ..اكتب لي الاجر يارب!!
قلت : امين...بس ويش رايك؟
قال : اقول اسمعي الكلام ولا ترى بطلت اعلمك !
نزلت بأسف وودعت دركسوني ..وركبت بمكاني الازلي >>اكرهه
وصار يعطيني تعليمات وارشادات ويوريني كل شبر قدام السواق واهميته له
وقال: انتهت الحصة الاولى!
قلت بدهشة : انتهينا والسيارة محلها ماتحركت..ولسى حنا بحوش بيتنا!!
قال:قلت لك هذي الحصة الاولى.
نزلت ورجعت البيت وقلت بنفسي : يمن عليّ ..خلني اسوق بس واذكره علومه هذي كلها
وجا موعد الحصة الثانية ..وهالمرة اختار البر ...( وطلعت بدون نعال بعد )ورحنا وساق شوي ووراني كيف امشي مستقيمه واركز اهتمامي على الخط قدامي وكيف استخدم الفرامل وكيف اهدي السرعه لو شفت ناس قدامي ..والخ
وجا موعد الحصة الثالثة وبرضه بالبر لكن هالمرة لبست نعال حسيت شكلي يفشل !!. ..
قال هالمرة اعلمك كيف تلفين؟!!
قلت : وناسة
وقال لي ركزي عالمرايا بالسيارة وبالذات اليسار ولازم تعطين خبر الي وراك ماهو يطري عليك بس وتلفين...والخ
قلت: طيب انت جايبني بهالطعوس وين السيارات الي اعلمها اني بالف!!
قال:والحل؟
قلت: ودني وسط البلد خلني اطبق؟!!
قال:اوب يالمحترفة...وبعدين انتي تبغيني انسجن بسبتك؟
قلت : طيب لازم مكان مأهول بالناس عشان اخذ خبرة
قال : والله لتعدسينهم كلهم
قلت : عادي كم ضحية المهم اتعلم !!
قال:يارب انت بليتني وانا صابر ..اكتب لي الاجر يارب!!
قلت : امين... خلاص باتخيل ان حولي سيارات وبالف!!
قال : زين
وومشيت ..ولفييت خمسية لفة..قال:خلاص خلاص خلاص ....انتهينا راسي صار يلف من سواقتك!!
قلت : شوف الحصة الجاية ابغاك تعلمني التفحيط!!
قال : يارب انك ...
كملت عنه : بليته وهو صابر اكتب له الاجر يارب امين امين .....
ورجعنا البيت
وسمعته يكلم بالتلفون ويقول : والله بس اسكتها صجتني اختكم!!

ويوم انتهى قلت له : مين هذي الي اتسكتها!!

قال: مو انتي!!

قلت بعصبية : عارفه انك اتكلم واحد من اخواني ..واصلا انت مثلهم ...روح صف معهم ...روح ..كلكم اعداء المرأة ...ماتبونها اتسوق عشان ماتسحب البساط منكم ..لكن انا اوريك ماعاد ابغى منك شي ..والملك عبدالله بروح له..وباخذ معي صاحباتي وصاحبات صاحباتي وبنوقف قدامه ونطلبه وبيوافق!!
قال بسخرية: طيب لاتنسين اتقولين له ان زوجي يبغى زيادة راتب!!
خصرته..ورحت نمت وانا زعلانه
وقام بيروح للدوام وانا لسه نايمه!!
قال: هيه اتاخرتي عالدوام؟!!
قلت له: ماني رايحه عندي موعد!
قال : الله ..لحقتي تاخذين من ابونا عبدالله موعد!!
قلت : ايه
قال : وين باحلامك!
قلت : بكيفك لاتصدق ..............>>>>وانتوا بعد لاتصدقون
قال: طيب لاتنسين الي وصيتك..قولي له زوجي يبي زيادة راتب ..وترقية بعد!!
قلت : ايه هين باقوله اني مو متزوجة اصلا!!
قال : اخص عالنذالة ..هذا وانا معلمك السواقة ..وكل يوم تفرين بي بالطعوس قلبتي راسي!!
قلت : طيب ..طيب ..لاتبكي علي ..باقوله زيادة راتب بس بشرط نصها لي!!
قال : موافق
وراح لدوامه وهو مبسوط >>مصدق
:::::::::::
وجا من الداوم الساعه واحدة الظهر..لقاني لسه نايمه!!
قال: خير وين موعدنا؟!
قلت : دقوا علي وقالوا الملك ينتظركم ... وقلت اني مصدعه اجلوها السنة الجاية... ووافقوا!!
قال : يعني راحت الزيادة !!
قلت باحباط : وراحت السواقة
قال: يحيا العدل
قلت : اقول شف ترى انا من امس معطيتك وجه...قلت لك الملك عبدالله مايبغانا ..يبغاكم انتوا..روح وقول له انك موافق..وشوف كم رجال بيصف معك ويقول وانا موافق بعد...
قال : بس انا مو موافق!!
قلت : ياربي ..انا كيف اقنعك..معقولة بيشيب راسي وانا لسه مامسكت الدركسون ورزيت نفسي قدامه!
قال : بس هذا الي تبين ..ابشري ..... كل يوم افتح لك باب السيارة ورزي نفسك قدامه وارجعي!!
قلت : تنكت انت ووجهك..هين ..هين..يجي اليوم الي انسوق وربك يفرجها

:::::::::::::::::::::::::::::::::::::::::::::::::: :

عاد ها يافراشات..سمعتوا ...........انا السنة الجاية عندي موعد انا وصاحباتي في البلاط الملكي..باكلمه يسمح لكم انتوا بعد اتسوقون >>واسطه
بس لاتخيبون ظني ..ولاتسودون وجهي...خلكم بنات عاقلات..والحشمة الحشمة...ماهو اتقولون العباية اتضايقنا ..والا الغطا يكتمنا..وترى ممنوع سواقة اخر الليل ..وماتسوقون لين تاكدون ان فيه ورش نسائية فتحت..وبوظفكم فيها بعد وممنوع زبرقة السيارة واختيار الالوان الفاضحة حتى هي لازم اتكون محتشمة ..او ترى باسحب منكم الرخص واخليكم تدقون مشواريكم كعابي .......ههه
end
:::::::::::::::::::::::::::::::::::::::::::::::::: ::::::::::::::::::::::::::
>>>>يارب اسوق ............قبل اصير عجوز