يمه بنتك صارت عروس تحقق حلمك وراح تلبس فستان ابيض

1. في العصر الجاهلي :


2. ايام العزوبيه وماقبل العرس = ايام الخوالي


3. في البدايه ما اخبي عليكم كانت عندي محاولات فاشله جدا جدا


4. بس الحمدلله ربي لطف وماصار تسمم

كيفكم صديقاتي الفراشات العازبات و المتقوزات عساكم مناح
اليوم جايبه لكم تقرير كامل فيه دلع وسنع ورفاله وقصه حياتي شويه وكل شي << من زمان مانزلت موضوع
بسم الله اربطوا احزمه الامان لانه جاري الانطلاق

في العصر الجاهلي :

ايام العزوبيه وماقبل العرس = ايام الخوالي

كنت ما ادخل المطبخ لبدا لبدا وما افكر بتات البته اني اطبخ والي يبي يطلع عنوني يقول لي روحي اطبخي ولا اغسلي صحن ولا ساعدي احد حدي اقول وش الغدا وليه مسوين رز اليوم وماني متغديه << ياصبرك يا يمه علي الجنه ان شاء الله
في العصر الحديث :
وبعد ماربي تمم لي على خير ورزقني نصفي الثاني قررت اني اطبخ لاني مليت قدا قدا من اكل المطاعم الي كله دهون ويجيب المغص و الغثيان

في البدايه ما اخبي عليكم كانت عندي محاولات فاشله جدا جدا

بس الحمدلله ربي لطف وماصار تسمم

بعد الفشل في عده محاولات .. صارت بيني وبين نفسي مناوشات في احد الايام وانا اغسل صحوني وانظف مطبخي وقلت لازم اكلم خبيره الطبخ الاستاذه الفاضله امي وسويت اسرع اتصال في العالم كنت اخليها تساعدني هاتفيا في بعض الوصفات
والحمدلله بدا النجاح يهل يهل والفرحه تكبر والبطن ينتفخ والجسم ينتفش من الاكل الزين
زبده الموضوع < هع امزح ..
مافي احد يطلع من بطن امه عالم ولا فاهم بس مع المحاوله ومرا عن مرا الواحد يصير فنان
ويبدع بس لما يستسلم عز الله انه بيجوع وماراح ياكل الا كورن فليكس و توست بالجبن
خلوني ادخل في صلب الموضوع واريكم تجاربي الناجحه .. لايخف عليكم ان عندي ملف في لاب توبي كله اكلات وحركات ساعدتني كثير في حياتي الطبخيه
برب