يمه مريولي توسخ

السلام عليكم ورحمة الله وبركاته
كيفكم يالغاليات
اليوم لطشت لكم هالخاطره المحزنه اللي والله إنها ذرفت دموعي وأنا أقرأها(وحده حساسه) وهي للأخت درب الأمل من إحدى المنتديات فجزاها الله كل خير ونفع بها المسلمين تقول فيها درب الأمل
صورة تتكلم عن نفسها
هذه خاطرة انقلها لكم بعد ماتأثرت فيها كثير من الصورة ومن التعبير والاحساس
القوي فيها ..
خاطرة لفتاة ماتت امها ..
احس انها تتكلم عني بعد
يمه ..
تكفين اسمعيني ...
يمه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يمه ...
أسمع أنا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريولي توسخ ..
ماكان قصدي اوسخه ...
بس تذكرت انك تقولي ..بعد شهرين..
بشتري لك لبس ثاني ..
يمه تعالي اشتري ...
يمه عرفتي مها ..؟؟؟
صديقتي اللي معي ..
زاعلتني ..
تقول ماصرت انا اضحّكها
راحت تدور غيري
عشان تلقى احد يونسها
يمه
يالله خلاص لاتمزحي
يالله قومي
تعالي معي للبيت ارجعي
يمه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟؟؟
وين خالتي ..
اللي كانت تجينا ...
يمه
.. قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نايمه ..
أو اقولك ..
خلاص..
اذا راحوا من هنا الناس ..
تكفين يمه بكرى خلاص ..
انا بجيك بكرى اصحي ..
تكفين يمه بكرى ارجعي ..