ابي اطبخ الغدا وابي مساعدتكم تكفون

شوفي ياقلبي انا طريقتي في الربيان على اني ماحبه بس الكل ينهبل معه سويته عند اهلي وسويته لزوجي وحمولتي وانهبلو معه مالك بالطويله
ادق ثوم واقطع بصل شرايح واقطع جزر شرايح واقطع ملفوف شرايح وبث
بعدين بعد ماغسل الربيان اجيب الثوم المدقوق واحطه في المقلى اولقدر الي بسوي فيها بس اسوي في مقلى غويطه
واحط عليه زيت واولع عليه النار ولاتخلينه يتحمر وحطي الربيان وحركي شوي طبعا الربيان مايطول عشان كذا
حطي عليه على طول كتشب وصلصة الصويا وحطي بهارتك وملحك وماجي ابيض وخليها تتسبك شوي بس
بعدين حطي الخظار المقطعه وخليه على نار واطيهترى الخظار نص استوا واذا تبغي تحطي كزبره انتي حره
وحطي معها رز ابيض وبس اتمنى تعجبك ياقلبي والله يسخرلك زوجك
ادعي لي تكفين ربي يشفيني ويخليني لبنتي ويخليها لي

يسلموو ياقلبي والله يشفيك ويخليك
لبنتك ولااهلك يارب وبيعد عنك كل شر

بالتوفيق

شوفي ياقلبي بعطيك طريقتي اخذتها من مطعم روعه
اول شي تغسلي الربيان في مويه وليمون بعدين اصفيه من المويه واشوحه على النار اليين يستوي تقريبا وتروح مويته...
واشيله من الطاوه واحط مكانه بصل وفلفل حار وثوم شرايح واشوحهم بزيت زيتون وعليهم شرايح رفيعه من الجزر والبطاطس والكوسا واقلبها مع بعض<<خليها اصابع رفيعه مره عشان تستوي بسرعه
بعدين ارجع اضيف الربيان وقطع بروكلي صغار واقلبهم زين وابهرهم ببهارات الكاري وملح واحط شوي مويه واغطي عليهم على نار هاديه وشيكي عليه كل شوي الين تخف المويه وتستوي الخضار ...
وآآآآآخر شي قبل لاتقدميه حطي عليه شرايح خس امريكي وبقدونس مفروم ويمي على قلبكم بالعافيه
انا ماحب الربيان بس ذقت هالطريقه في مطعم وصرت اسويها وحبيته