اكله وايد وايد لذيذه

sprightly_grl

08-09-2022 - 11:31 am

اول شي انا كاعرف شسم الاكله بس وايد وايد حلوه
المقادير:
4 صدور دجاج مطبوخه بعدين تنتفينهم
قلاص جبن كرافت متوسط
قيمر او قشطه
شده شبنت
مشرووم (فطر مقطع)
بهارات(كاري , فلفل اسود , ملح, مكعب و نص ماجي)
ساور توست ابيض(اهو توست بس يكون دائري يعني مدور لول تحطين فوقه الخلطه عشان تصير نفس البيتزا)
جبن موزاريلا
بصل مفروم
الطريقه:
نحمس البصل و المشروم و الشبنت مع معكب و نص ماجي لما يذوب
تيبين الدياي و تحطينه مع المشروم و تحركين بعدين تضيفين البهارات كلها .. انا مادري جم قفشه احط بهارات بس حسب الشوف لول
المهم..
على ما تحمسين الدياي تحضرين الخلطه هذي
تخلطين القيمر مع ثلاث ارباع قلاص الجبن عدل لما تحسينه تجانس
تالي تحطين الخلطه فوق الدياي و تحركين لما تثقل
تييبين الساور توست و تصفينه في صينيه و تحطين عليه الخلطه و تحطين فوقه جبن الموزاريلا للتزيين ... تدخلينه الفرن لما يحمر الجبن الي فوق و تطلعينه
و بالعافيه

التعليقات (2)

miss moon

08-09-2022 - 01:50 pm

يمى يمى تسلمين حبيبتى
على هالاكله وايد حلوه
الله لا يحرمنا من جديدج
لج منى كل المحبة والتقدير
اختج مس مون

الجـنـوبيـة

08-09-2022 - 02:51 pm

تسلم أيدك يالغالية تجنن وباين عليها طعمة بالمرة .

شلو كباب←
صينية ال مو بس روعة جنان→