القبولي العماني وبالصورة

1. أتمنى انه يعجبكن وتشتهوا فيه...تفضضلن حياكن الله...


2. ويكون الأرز بكذا جااهز وهاي صورته..


3. والآن دور الخضار ..

صباح الخير يا أحلى فراشات...
اليوم جبت لكم طريقة القبولي العماني بالصورة من مطبخي.. وعلى فكرة احنا بالسلطنة كل منطقة لها طريقة خاصة فيها بصنع القبولي .. وهاي طريقة وحدة منهن وان شاء الله بحاول أحط لكن مرة ثانية عدة طرق له ..

أتمنى انه يعجبكن وتشتهوا فيه...تفضضلن حياكن الله...

أولا: أنا عملته بالدجاج الطازج.. تاخذين كمية الدجاج اللي تبيها ومقطعة .. تغسلينها جيدا .. تحطيها باناء الطبخ مع شوية ماء وثوم ..وتضيفي لها بهارات الدجاج وشوي قرفة وفلفل أسود وملح.. خليها تثور وتغلي فيه الى أن يبقى نسبة قليلة جدا من الماء ويكون الدجاج تشرب بالبهارات ونضج تقريبا..
تاخذين الدجاج وتقلينه بزيت خفيف الى أن يتحمر ..ويكون الدجاج قد جهز.. وهاي صورته ..
نجي الحين للأرز..
تاخذي الماء اللي بقى من الدجاج وتزيدي عليه ماء بنسبة بسيطة كافية لنضج الأرز وتزيدي عليه شوي هيل وماجي حبتين.. اتركيه حتى يثور ثم أضيفي عليه الأرز المنقوع مسبقا واتركيه حتى ينضج على نار هادئة..

ويكون الأرز بكذا جااهز وهاي صورته..

والآن دور الخضار ..

تشرحي بصل وفلفل رومي وجزر وباذنجان وبطاط وكوسة وأنا اضفت عليهم مكسرات (كازو وفستق).. واقليهم بشوية زيت (بصراحة أستخدم يا السمن العماني الطازج أو زيت زيتون لقيمته الغذائية) ..اتركيهم لغاية ما يتحمرون ثم أضيفي عليهم طماطم مقطعة قطع صغييرة والصلصل وشوية من بهارات الدجاج وملح.. ويبقى الخضار جاهز.. وهاي كمان صورته..
وأخيرا.. تحطي الأرز وتخلي عليه الدجاج وتنثري عليه الخضرة الجاهزة.. ويكون بكذا القبولي جاهز وبالهنا والعافية..
وهاي الصور النهائية للقبولي .. وبعدها راح أخبركم بشي كمان....
طبعا هالأكلة ممكن تزينيها بالبيض المغلي.. شراائح بس انا حطيتلكم اياها سادة عشان تشوفون قبولينا نحنا العمانيات..
وبعد احنا نقطع طماطم ونخلطه بالخلاط مع الليمون والملح والفلفل وناكل بيه القبولي.. وحلوو كثثير بعد مع سلطة الزباادي والخيار أو الجزر.. وأكيد لا تنسوا المخللات وخصوصا عندنا بالسلطنة مخلل روعة مرة..
واتمنى الأكلة عجبتكم ..
وبحفظ الله ..
أم طيف وبيان...