كل وحده تكتب كيف تسوي السليق بطريقتها

هلا فيكم
طريقتي في السليق <<<< طبعاً أنا من عشاق السليق
المهم
أحمس البصل والثوم في الزيت بعدين احط عليه الدجاج والماء وأخليه يطبخ واحط عليه الملح ولما يستوي أشيل الدجاج أصفي المرقة ,احط علي المرقة الرز المصري المنقوع سابقاً وأخلي الرز يستوي وآخر شئ اضيف الحليب والسمن والملح والماجي وأحركه زين والدجاج أدخله الفرن بعد ماحطيت عليه الصلصه معها البهارات والليمون (( صوص ))
وآخر شئ السلطة اللي هي طماطم مطحون ومعه فلفل والليمون والثوم
وبس يطلع شئ روعه

انامااعرف ان شاء الله خواتي يفيدونا

رز مصري منقوع في ماء من الليل أوالفجر
دجاجه تقطعينها نصفين وتنظفينها من غير ماتشيلين الجلد وبعدين تغسلينها وتحطينها بالقدر(أنا أستخدم قدر الضغط أسرع)وتحطين شوي زيت وملح وتقلبين الدجاجه في الزيت شوي ثم تضيفين الماء وتتذوقين الملح وتضغطينه لمدة 10دقايق على نار عاليه أوربع ساعه على نار وسط بعد كذا تشيلين الدجاجه وتحطينها بصينيه وتشوينها بالفرن وتصفين الماء وترجعينه للقدر وتضيفين الرز وتضغطينه لمدة ربع ساعه على نار هاديه مره ثم تضيفين الحليب وتحركينه لحد مايذوب وتقدمينه مع الطماطم المطحون والسلطه الخضراء
وعليكم بالعافيه.......

طريقتي جدا سهله ولذيذه حليب 3لتر في قدر مع ملح وماجي ابيض وماء ثم السليق اذا طبخ شوي اقصر عليه واخليه ساعه ثم احمس بصل مع زبده واحطه عليه واحركه اذا احتاج ما ءاضيفله بعدين اسوي سلطه الطماطمالحاره
وباالهنا والشفاء

انا مااعرف بس جارتي ترسلي اذا صلحته روعه

ياعمري ماقصرتو
ووين اخواتي الباقين؟؟؟

والله حبيبتي انا ماقد سويته
بس امي الله يحفظها تسوي سليق خطير
بالدجاج والرز العادي وسمنة الشوكه والملعقه وحليب لونا
بس ايش سليق
العظم نفسه تونه بس روعه ما تشبعين منه
بسألها الطريقه وأقولك عليها
..........

يسلموو ياعمري

انا طريقتي في طبخ السليق سهله ولذيذه وهي..
-اول شئ اسلق الدجاج مع كم حبه هيل والملح احطه بعد مايستوي الدجاج
-بعدين اصفي المرق واحط الدجاج في صينيه وادهنه بزبده وارش عليه كمون وفلفل اسود (شوي موكثير)واحطه في الفرن ليتحمر
_واحط مقدار الرزويكون نصه رز مصري والنص الاخر رز امريكي(والامريكي يكون منقوع من قبل)
-وارخي النار عليه الى ان يستوي ثم احط الحليب او القشطه ثم الزبده ولا تنسوا تشيكو على الملح
وهذه طريقتي ان شاء الله تعجبكم ....