بشاميل الاوقات الحرجه

السلام عليكم جميعا....
اليوم حبيت احط لكم طريقة باشاميل للاوقات الحرجه
وهو سريع جدا وما ياخذ وقت وبنفس الوقت يعطي المكرونه او الخضار
لذاذه يعني تصير لذيذه مره
المقادير والطريقه:
3 كاسات حليب سائل او اذا ما توفر عندتس حطي حليب بودره بماء ما فيه مشكله
تحطين الحليب بقدر على النار وتخلينه الين يغلي بعدين تضيفين عليه اذا غلى سكري النار وجهزي
3 ملاعق نشا + رشة ملح + ماجي ابيض او بهارات بيضاء علشان ما يتغير لونه
وبعدين روحي للحليب واضيفي عليه النشا والملح والبهارات وافتحي النار وخليها هديه وحركي زين
علشان ما يتكتل النشا واستمري بالتحريك الى ان تحصلي على السماكه المطلوبه لانه كل ما طول تحت النار
ازدادت سماكته
وبعدين على طول حطيه على صينية الخضار بالفرن او صينية المكرونه اوحتى لو سويتي مكرونه
عاديه وبغيتي تغيرين طعمه اغرفي لتس مكرونه بصحن وحطي عليه بشميل واخلطيها وكوليها بالهناء والعافيه
ملاحظه: لو حركتي البشاميل على النار وطول ما صار غليظ اضيفي عليه كم ملعقة طحين.