ترتيباتي لعزيمة زوجي تطبيقي لحلى حرم فهد باشا

1. السلام عليكم ورحمة الله وبركاته


2. وهذي صورة حلى القهوه ..اللي سويته..


3. حلى العشا ....


4. حبتين بسكوت تحطينها ف الصحن ..


5. ورق العنب ....

السلام عليكم ورحمة الله وبركاته

في البدايه احترت وين احط موضوعي في اي قسم قلت يالله في الاطباق الرئيسيه .. ويخوفي ينحذف وانا تعبانه عليه ....
في البدايه ... حطيت مع القهوه حلى حرم فهد باشا المميز مع القهوه مع معمول و سمبوسه صغار محشيه جبن ...للأسف نسيت اصورها .... والقهوه والشاهي والزنجيبل والنعناع صلحتها امي الله يعطيها العافيه وارسلتها ,,

وهذي صورة حلى القهوه ..اللي سويته..

وبعد كذا رتبت السفره حقت العشا وسويت حلى عشا وورق عنب ونوعين سلطه .... سلطه امريكييه ,, والثانيه سلطة البطاطس بالثوم ...وكل وحده الذ من الثانيه .. والله مسحو الصحون ...ماشاءالله ... الطريقه في نهاية الموضوع ...
هذا حلى العشا...
وهذي السلطه الامريكييه..
ورق العنب بالخلطه السريه بالبرتقال والرمان والليمون
سلطة البطاطس بالثوم
وهذا ترتيبي للسفره ........
واللحين نجي لصورة العشا كاملا.....
طبعا الببسي والاكل زوجي اللي حطه ماعطاني فرصه ارتبه ... قال بيبرد الاكل بسرعه صوري ...
وهذي علوك حطيتها ع جنب لبعد العشا ,,,,,على ان زوجي يوم شافها قال مالها داعي هذولا رجال وهذي الحركات للحريم ... بس انبسطو عليها .
.
تم بحمدالله ........
والله هلكت مرتين احوس ويروح شغلي خساره والله يستر من الثالثه ........
نجي لطريقة ...

حلى العشا ....

حبتين بسكوت تحطينها ف الصحن ..

ثم ف الخلاط علبتين قشطة .. حبتين كريم كرميل ...كيس مارشملو >>>خدود البنات...علبة نسله ..بسكوت شاهي لين تثقل الخلطه ... ثم تصبينها ع البسكوت .. الطبقه الاخيره دريم ويب تصلحينه وتصبينه ثم تزينين الطبق بحبات الهيرشي ...
السلطه الامريكيه ....
جزر ...كوسه ...بطاطس ...بذنجان ..تقطعينهم مربعات ثم تقلينهم ... ثم تقطعين خيار وطمام وتخلطينهم مع المقلي ..ثم تفتحين عليهم علبة ذرا وعلة حمص حب .. وتملحينهم حسب الرغبه ...
سلطة الثوم والبطاطس..
بطاطس يقطع مربعات ويقلى ثم يساقى بثوم مخلوط ف الخلاط مع ليمونه اوليمونتين حسب الكميه ثم تفرمين بقدونس وتخلطينه معاهم ......

ورق العنب ....

تفرمين بصل وثوم وتحمسينهم بزبده ثم تحمسين الرز معاهم مع قشر ليمون وبرتقال مجفف,, مع ملعقتين كبار دبس رمان .. ثم تضيفين البهارات والماجي وملح الليمون ..((دجاج ولحم مفروم حسب الرغبه )) ثم تحطين عليه ا كاس مويه وتخلينه لين تجف الخلطه وتحشين به ورق العنب ...
وصلى الله على نبينا محمد ..........