تطبيقي لمكرونة توفي المنتوفي شكرا لتوفي

السلام عليكم ورحمة الله وبركاته
اخباركم
اقولكم قصتي<<<هههع
امس الساعه 2 ونص بداات اسمع صوت مو غريب مؤلوف نوعا ما بس قمت ادور في البيت وشو هالصوتومن وين جاي الا الصوت مايبتعد ولا يقترب مع خطواتي هالصوت ملازمني خطوه بخطوه ياربيه الا افكر وش يكون ياربي
وطلعت الفاجعه وعرفت الصوت وشو ومن وين طالع
من بطني وكان ذابحني الجوع << هههع اعرف اسوي اكشن صوح
ومثل ماقالت الاخت توفي المنتوفي الجوع كافر<<<هههع يازين هالادميه
وقمت افرفر بالمنتدى ادور لي طبخه سهله وحلوه تشبع
بس الاهم انها تخلص بسرعه لاني بموت من الجوع
ولا اطيح على احد مواضيع توفي المنتوفي واقوم واتمغط وافرقع اصابعي
واناظر الا تقول مااخذت منها هالطبخه الا نص ساعه وانا هنا قلت هذا المطلوب
الا زوجي صحي من النوم قال جوعان سوي شريحةبالجبنه وكوب حليب بالهيل<<<الشريحه للي مايعرفوا يعني تست بالجبنه
ولا تجي السنعه الي هوه انا واقول افا يالعلم انا حيه وراسي يشم الهواء وااسوي لك شريحه وكوب حليب افا يالعلم
الحين اخترع لك احلى واسرع طبخه على وجه الارض
وااقوم وافتح صفحة توفي المنتوفي اللي مسويه فيها مكرونه بالنقانق
وااسوي الطبخه ولا سمعت صوت خطوات زوجي متجهه لي اقوم اخبي الجوال وهكذا على هالحال الين خلصت الطبخه وقدمتها له وقال ماشاء الله وش هالسرعه قلت انا بنت ابوي اذا قلت شي يصير واكون قدها وقدود
الا ياكل ويمسح الصحن من غير مايعطيني رايه واناظر فيه نظرة غضب وفهما الرجال وقال صراحه طبخك روعه قلتله شكرا<<على طول رضيت ههع
قلت هذا من اختراعي قال ماشاء الله عليك طول عمرك سنعه <<<هههع افتريت في توفي اعذريني يااختي لان هذا في سبيل رضاء زوجي وكسب قلبه فلن اخبره بان النت والمنتدى هما سر سنعي وطبخي هههع
المهم اوريكم الصوره
وقبل لاتشوفوها احب اشكر توفي على طباخها الرائع واقولكم جربوها وصدقوني ماتندمون بجد روعه ومشبعه
وبرضوا كيكة توفي بالكريم كراميل جربتها قبل كم يوم روعه بجد روعه
الله يعطيك العافيه ياتوفي اخليكم مع الصور
اعذروني على صغر الصور
والله قبل لانزل الموضوع اني كنت احاول اكبرها بالحجم المعقول ببرنامج الرسام لكن ماقدرت وتعبت فااعذروني وان شاء الله اتعلم واطبق في مواضيعي القادمه
من يدخل موضوعي ويقراء يجرب الطبخه يدعي لي ويدعي لتوفي المنتوفي بصالح الدعاء وشكرا