تعالوا أقول لكم ايش سر تميزنا بطهي البشاور

بما اننا يالسعوديين معروفين بحبنا للرز
وبما انه مو كل أحد يظبطه
وبما اننا ولله الحمد معروفات بتميزنا بطهيه(انا والماما وخالاتي)
ماشاء الله علينا
حبيت افيدكم فبسم الله نبدأ:
راح ابدأبالطريقه لأن المقادير راح تظهر من خلالها
1):نظفي اللحم زين وأزيلي كل الشحم الموجود عليه لأنه له مضار فضيعه على الجسم
ويفضل غسله بماء حار
واٍذا دجاج أزيلي الجلد والشحم الزائد وأغليه لمدة 5 دقائق بشوية ماء وكم حبة هيل وقرنفل(مسمار)
2):حطي القدر على الناروحطي 1ملعقة زيت وضعي عليه بصله مقطعه صغير وحبتين فلفل أخضر مع اللحم أو الدجاج
قلبيهم شوي وبعدين حطي نصف ليمونه مقشره
خليهم خمس دقايق بعدين صبي ماء حار اللي يغطي اللحم أو الدجاج
3):حطي ملعقة كمون صغيره وانتبهي لا تكثرين+ملح+10 حبات هيل+10 حبات قرنفل+حبة طماطم وسط ويفضل تكون ماأستوت يعني مو حمراء
وخليهم على النار
ممكن تضيفي الكوسه والبيدجان والبطاطس بعد نصف ساعه هذا اذا الغدا لكم
اما اذا فيه ضيوف يعني الكميه اكبر افضل طهيهم لحالهم
4)قبل يستوي اللحم بنصف ساعه
هاتي قدر ثاني للرز وصبي من مرق اللحم عليه طبعا تشخلينه
واذا يحتاج مويا زياده عادي اضيفي عليه بس لا تكثرين علشان ما يصير الرز لين
حطي في قدر الرز بصل جديد وزيدي الملح اذا يحتاج مع ملعقه كبيره ماجي ابيض مو مكعبات
خليه على النار لين يغلي
5)كبي الرز بعد ما يكون مغسول ولنتبهي لا يتكسر وقت الغسل===عامليه بلطافهكنه بيبي
المهم:
اذا بتعرفين المقياس الصحيح للماء علشان ما يصير الرز لين او حب بزياده
أغرسي بوسط القدر ملعقه بحيث يكون راسها للأسفل
اذا طاحت بسرعه فيعني الماء زايد مره شيلي منه شوي
واذا ثبتت وماتحركت فهذا يعني ان الرز يحتاج مويا زياده
أم اذا مالت شوي وما طاحت فأن المقياس مظبوط
6)ارفعي النار لين ما يبدأ الرز بالغليان واذا بدا يتحرك قصري عليه بس مو مره خلي النار وسط
7)بهالوقت هاتي بصاه كبيره وقطعيها واقسميهي قسمين
القسم الأول حطي عليه ملعقه صغيره مليانه هيل مطحون وقلبيها وخليها على جنب
والجزء الثاني حطيه على النار مع كاسه ونصف زيت ولما تبدأ ريحة التحمير أضيفي الزبده علشان ما تحترق
8)أرجعي التفتي على الرز اذا قلت مويته وصارت تحت الرز هالتي قرنين فلفل أخضر حار وقصيها مع النصف وأغرسيها في الرز
وكمان هاتي البصل مع الهيل وحطيه على الرز وغطيه
9)بعد ما يتشرب الرز كل المويه حقته هاتي الكشنه اللي هي الزيت والبصل وصبي الزيت على الرز وحاولي تحتفظين بالبصل داخل القلايه
0-بعد كذا تكونين منظفه شوية زبيب وناقعته أو صنوبر حطيه في القلايه اللي بها البصل
وحمريه على النار
أضيفي عليه نصف ملعقه صغيره معجون طماطم+نصف م ص هيل مطحون
وقلبيهم شوي لين يتحمرون وخليهم على جنب
1-اتركي الرز لمدة ثلث ساعه ولا تتأخرين عليه علشان ما تتكسر الحبه
لما تجين تقدمينه شيلي كل البصل اللي على الوجه
ملاحظه اذا الكميه كثيره حركي الرز بسكين طويله وبحركات خفيفه
كذا ماراح يتكسر ويجيك نثري على الكيف
وقدميه لأحبابك وعليكم بالعافيه
لاتنسوني بدعوه حلوه