حلى ولا احلى ادخلي وشوفي وقولي ما قلته

1. السلام عليكم ورحمة الله وبركاته..


2. الطبقة الاولى كيكة الزبادي).


3. الطبقة الرابعة :


4. علبة بيبسي - ظرف كريما.

السلام عليكم ورحمة الله وبركاته..

اليوم جايبه لكم حلا اتمنى ان ينال اعجابكن واستحسانكن وترى هذا الحلى اكثر من رائع ويواجه ويمكن جعله حلى قهوه او حلى عشا ينفع في كلا الحالتين واتمنى انكم تجربونه وتعطوني رأيكم فيه واي استفسار انا حاضره لاتحسبونه صعب علشان الكتابة طويله بالعكس تراه سهل وبسيط...
المقادير والطريقة:

الطبقة الاولى كيكة الزبادي).

علبة زبادي - نفس العلبة تملينه دقيق - وبرضه نفس العلبة تملينه سكر - و3\4العلبة زيت - 3 بيضات - ملعقة ونصفPB(الملعقة صغيره).
تخلطين جميع هذي المقادير ما عدا الدقيق اذا خلطتي المقادير كويس اضيفي الدقيق شوي شوي وخلي كل المقادير تنخلط كويس بعدين جيبي صينيه قزاز(بايركس) ويكون حجمه كبير وعريضه شوي وصبي الخليط فيها ودخليها الفرن من تحت(طبعا الفرن تشغلينه قبل لا تبدين) واذا احمرت من تحت افتحي عليه من فوق وخليه تتحمر تحمير بسيط وطلعيه من الفرن وغطيها بفوطه.
الطبقة الثانية:
حليب نستله المركز كبير - 8 أو 12 حبة جبن (كيري او البقرة الضاحكة).
تخلطين الجبن و النستله بالخلاط زين بحيث ما يكون فيه كتل جبن بعدين تصبينه فوق الكيكة وتدخلينها الفرن وخليه تتماسك على حرارة الفرن بس لا تولعين النار.
شوفي اذا تماسكت هذي الطبقة حطيها بالفرزر شوي يكون افضل وتأكيد انه تماسكت زين.
الطبقة الثالثة:
بسكوت السمسم الحلقات .
بعدما تتماسك الطبقة الثانية حطي عليه بسكوت السمسم وخليه في صفوف متساويه بحيث يكون فيه مسافة بين كل بسكوته والثانية علشان يسهل عليتس التقطيع.

الطبقة الرابعة :

علبة بيبسي - ظرف كريما.

حطي الكريما والبيبسي بقدر واخلطيهن وحطيهن على الفرن وحركي الين يغلي وبعدين ابعديه عن النار وبرديه بالتحريك بعدين حطيه على البسكوت وبعدين حطيه بالثلاجة (اذا جيتي تصبين هذي الطبقه حاولي انتس تصبينه شوي شوي ووزعيها على الوجه).
طريقة التقطيع والتقديم:
قطعيه مربعات بحيث كل قطعة يكون فيها دائرة بسكوت وهكذا الين تقطعين كل الصينية .
بعدين شيلي كل قطعة حلى في صحن التقديم مع ملعقة صغيرة وبالهناء والعافية.
وان شاء الله يعجبكم وتراه سهل جدا ويواجه قدام الناس بس اهم شي طبقيه زي ما قلت لتس ويزبط على طول
وانا بانتضار ردودكم لاتبخلون علي بها