دجاج في الفرن على طريقه المطاعم

الله يسلمكم ويخليكم من كم يوم قررت اسوي طريقه دجاج بس على شكل اللى في المطعم اخواني يوم تذوقوها قالولي تعالي من اي مطعم جايبه الدجاج قتلهم وبكل فخر من مطبخي يعني انا اللى مسويته ....وقلت لازم اعطيكم الطريقه وانتوا احكموا فيها .....
المقادير :
1- دجاجه كامله بدون تقطيع .
2-بصل ابيض مفروم ناعم .
3- ليمونه حامضه وليمون اسود .وزنجبيل مبشور وقرفه وهال
4-بهارات مختلفه اللى تعجبج .
الطريقه :
تاخذين الدجاجه وتنظفينها من غير ماتقطيعنها خليها كامله وخذيلج ليمون وطحين وفركيها به وعقب ربع ساعه احشيها بالبصل المفروم وابشري عليها شوي ليمون اسود وضيفي الزنجبيل والهال والقرفه وسكريها وخليها في قصديربعد ماتبهرينها بهاراتج وبملح وكل اللى تحبينه من بهارات ...سكريها وعلى طول في الفرن لحد ماتنظج وتقدرين تحطين لج في صنيه الفرن خضار مشكله من اللى يحبها قلبج وتقدمينها مع الدجاجه ....وبالعافيه وارجو انها تعجبكم الطريقه .........