سجل دخوله بالغلا في حياتي قلبي ظلام من العادات وجيتك تبعث النور بقلم ك ل الغلآ

1. أم خالد ( حصه )

كلمة الكاتبه/
روايتي الأولى أطرحهاا هناا
للسمعه الطيبه اللتي سمعتها عنكم
وارجو نقلها ولكن نسبها الى الكاتبه نفسها اللي هي انا
ك ل الغلآ
بسم الله /
"عائلة بو متعب (عبد الله)"
أم متعب (نورة)
متعب 27 سنة / طويل وخشمه دقيق مره طبعاا البنات من يشوفونه يخقوون
تو متزوج من بنت عمه عريب وهذا اليوم الاول من زواجهم شعره طويل لحد رقبته وكثيف عيونه ذباحه متخرج ادارة أعمال وطبعا يشتغل بشركتهم
سلطان 15 سنه / بالصف الثالث متوسط ام فيه جمال يهبل لكنه رجه نوعا ما في بيتهم كلوو هواش مع البنات
ساره 18 سنه / عذااب هالبنت لابالشكل ولا بالاسلوب كل شي فيها حلوو مرحه رجه وعدوها سلطان حبوبه وطيوبه مره .. ثالث ثانوي /ع
نوف 20 سنه / ملآآآك العايله الكل يحبها حييل حنونه وبسرعه ينكذب عليها من طيبتها وعدوها عدو اختها ساره .. بالجامعه تخصص ( طب ) تلقب بالبيت دكتورة المستقبل
..
" عائلة بو خالد ( فيصل ) "

أم خالد ( حصه )

خالد 26 سنه / متخرج كمان ادراة اعماال ويشتغل معهم بالشركه .. بإختصار كل اولاد العايله متخرجين ادارة اعمال عشان شركتهم .. انييق مره وكيووب ويحب خواته واخوانه كثير جميل بما فيه الكفايه
عريب 23 سنه / أول بنت بالعايله جمال واخلاق والجمال يطيح الطير من السمااء جمال هندي أصيل تهبل ومثل ماتعرفون زوجها متعب طبعا جدهم مسميهم لبعض من كذاا هم ... خلوها بالقصه افضل هع .. تدرس بالجامعه تخصص ( هندسه )
سعد 21سنه / هذاا الخوقاق وخواته يموتون فيه اكثر من خالد هذا اللي يطيع خواته بكل شي وطلباتهم عنده اوامر حنون مره شبيهة عريب بس الفرق بينهم انه هو ولد وهي بنت .. يدرس بالجامعه تخصص ( طب )
سحر 19 سنه / هذه نسخة عريب .. طيووبه وحبوبه تمووت في اخوها خالد وسعد تدرس بالكليه عكس اخوانها وخواتها تخصص ( جغرافيا )
مها 18 سنه/ صاحبة بنت عمهاا ساارونه الروح بالرووح بنت تهبل خوقاق .. بالصف ثالث ثانوي / ع
مااجد الصغيرون 3 سنوات / طفولي مره
..
" عائلة بو بندر ( سعود) "
ام بندر ( ليلى )
بندر 26 سنه / ولد مثاالي بالعيله .. صديق خالد الروح بالروح جسمه رياضي
ام بإختصار هو خوقااق حاله حالهم متخرج ادارة اعمال وكمان يشتغل بالشركه
الهنوف 20 سنه / بنت ولا كل البنات هنديه اصلييه اللي يشوفها يطيح
تدرس بالكليه م بنت عمها سحر تخصص ( جغرافيا )
مضاوي 19 سنه / نسخة من الهنوف كمان تدرس بالجامعه تخصص ( رياضيات )
هند 23 سنه / شبيهة بندر .. لها الأسلوب والذوق .. بعض الاحيان تقلب الى فلسفة ودها تهدم بيتهم وتبنيه من جديد تدرس بالجامعه زميله لعريب تخصص ( هندسه )
فيصل 25 سنه / يمووت بهند اخته للمصالح فقط عشاان وحده من بنات عمو راح تعرفونها بالقصه
يشبه ولد عمته فهد راح نعرفه الآن
..
عائلة أم فهد ( عنود )
فهد 23 سنه / شبيه فيصل وصديق عمره على انه فيه فرق بسيط بالعمر
متخرج بتخصص ( برمجة حاسب آلي ) وراح يكمل دراسته بعد شهر
جميل بالمره وقلبه كبير واللي يشووفه يخوق
جود 18 سنه / صاحبة ساره ومهاا بالصف ثالث ثانوي /ع جمييله
وفهد يموت عليها عيونها عسلي مايسميها الا العصلا
خوقااق درجه اولى هذه البنت وفهد يخاف عليها
الجده / عاليه
.. وبكذا خلصنا من الشخصيات ..
الجزء . الأول
} بعض العوآآيل عاداتهم شديده
ياتطبق العادات ولاا أعتبر نفسك ضحيه {
..
صبآآح جميل مشرق .. تهب فيه نسمات جميله .. لأجمل عروسين
ولكنهم ..

• اليوم . الأول |

عريب بخاطرهآ : هذا اليوم الأول من زواجنا والله يعين على اليوم الثاني والأسبوع والشهر
الله ياخذ ابو العادات اللي كذاا كيف راح اعيش طول عمري معه وانا حتى الجلسه والنوم معه مااطيقها وهذا بدايتها ياعريب فكيف لتاليها وانتي من اليوم الأول نايمه بالصاله ..
..
جلس من النوم يناظر الساعه 11:30 ويناظر الغرفه وتذكر انه اول يوم زواج له من عريب
متعب : آآه ياجدي الله يرحمك لييه كذا سويت ليه ماخليتني اشوف حياتي واختار البنت اللي تناسبني آآه بس انا حتى البارح بالزواج مو قادر اناظرها احس العبره تخنقني ع هالعادات والمشكله ماصارت الا علي انا والبنت اللي ظلموها بي ..
قام متعب من السرير ودخل دورة المياه وانتو بكرامه ياخذ شاور لان اليوم طيارتهم لباريس
بعد ربع ساعه طلع من دورة المياه ولبس وكشخ والآآن الصاعقه ..
متعب يكلم نفسه : الحين هذه كيف اناديها ولا كيف اكلمها انا اصلا امس حدي فتحت باب الشقه الا وهي هاربه مني .. ام يلاا نسلم نفسنا للأمر الواقع
طلع متعب من غرفته الا وعريب طالعه من الصاله رفع راسه .. معقووله كل هالجمال لي انا لوحدي
معقوله عريب تكون بكل هالجمال وانا عمي وتوني اشوف جمالها
انبهر انصقع وكأن احد كات عليه سطل مويه باارده
عريب مستغربه من نظراته لها / أأأ وش فيك تناظرني كذاا شايف جني
متعب وهو يعدل نفسه ويقول بخاطره أي جني وانتي ملكة جمال / احم .. لا سلامتك تدرين يعني هذه اول مره اشوفك .. بس حبيت اقولك ترا اليوم طيارتنا الساعه 3 العصر جهزي نفسك وشوفي اللي تحتاجينه ..
عريب تبقى تخلص منه بأي طريقه ردت بإختصار / طيب .. عن أذنك .. ودخلت الغرفه عشان اغراضها فيها
أما متعب ففي عالم ثاني
/ يمه يايمه شوفيها أزعجتني
أم متعب / وش فيكم أنتي معها اذني راحت فيها من صراخكم من صباح ربي
نوف / يمه وربي اني ماسويت شي هذه بنتك ازعجتني من رجعنا من الزواج وهي تهرج فوق راسي الا تبي تروح السووق وحنا تونا مقضيين لزواج الأخ متعب ومتكسره رجيلاتي << عجوز
سارة / يمه بجد عندي اغراض ناقصه ومافي حد يروح معي الا هي شسوي يعني
أم متعب / ياليل ماطولك مع ذا البنات .. وأنتي ياسوير أقول اجلسي مكانك بس
ماتدرين انه اليوم اول يوم زواج اخوك واللي بيجونا كثار
سارة / بس يمه
أم متعب / أدري بتقولين اليوم طيارة متعب كيف بيجون بس تعرفين انتي ابوك اصدقائه ماشاء الله لااله الا الله ياكثرهم لازم يجون ثاني يوم
.. وضل النقااش بينهم الى أن اقتنعت ساره بالموقف ..
..
بالكوفي
خالد / يالله يابندر قد أيش امس تعبت مع متعب أتعبني بجد ياأخي قلق هالرجال ..
بندر/ والله من حقه بصراحه احسه مسكين كذاا وش هالعادات البايخه والله احمد ربي اني يوم انولدت جدي متوفي ولا كان سماني لبنت فلان وعلان هذا اللي ناقص يلاا ان شاء الله يكون مرتاح
خالد وهو ناقع ضحك / ههه استح ع وجهك هذا جدك ترحم عليه مايجوز ع الميت الا الرحمه
بندر / آآه الله يرحمك ياجدي ويسامحك على اللي بليته بمتعب
خالد / أقول اسكت لابكوب الشاي هالحين
بندر يضرب جبهته / اووه اووه نسيت انها اختك
خالد / لولا انك مو ولد عمي ولا كان كسرت اسنانك
بندر / ههه ع كيفك هو يعني
واستمرو الين كل واحد اتجهه لبيته
..
الساعه 3 العصر
كانوا بالطياره متجهين الى مدينة الانوار × باريس ×
متعب اللي خلاص من شاف عريب وهو خاآق ورايح فيها / عريب
عريب كانت متلثمه بس .. ومستغربه من متعب / هلآآ
متعب وهو متردد باللي بيقوله بس التفت لها وتوتر زياده قوا نفسه وحط عينه بعينها / حد قالك من قبل أنك تخطفين القلب من أول نظره
عريب دوروهاا ماتلقونها ممسكينه ذابت .. لفت عريب عن عيونه تتهرب عنه / ام أنا فيني النوم تمسي ع خير .. وغمضت عريب يعني انها نامت وهي المسكينه جالسه تفكر شنو بيصير هناك اذا بالطياره كذا
متعب بخاطره وهو مبتسم ويطالعها / فديت خطافة القلوب أنا
وبحي آخر وبعيد عن عريب ومتعب
بيت بو خالد
خالد / تراك اقلقتيني انتي .. هذا وأنتي تبين الفكه منها وكل مره تقولين لها متى تتزوجين
ويوم تزوجت .. وهو يقلد صوتها .. ولهت عليها فقدتها ومدري ايش اقول اطلعي براا بس
سحر وهي ماده بووزها / هذاا جزاي ياأخوي الغاالي ..
خالد وعيونه طالعه / غالي غريبه اكيد عندك شيء .. وبذا الوقت انفتح الباب عليهم
/ هاآآآي اخواني واخواتي الاعزاء
خالد وسحر / هايآت
سحر / شدعوه ترى بس انا وخالد هنا الا اذا كنتي تشوفين اشخاص ثانيين غيرنا
خالد / أي والله صدقتي الظاهر تشوفني ثنين وانتي ثنين << حوله
مهاا/ أقول بلاا قلق أنت معهاا و .. راحت لخالد
مها / خلودي تكفى طلبتك طلبتك .. وجلست تناظر بسحر عشان تساعدها
سحر وهي فاهمه عليها / أي تكفى خاالد بنطلبك طلب بس ماتردنا
خالد وعرف وش يبون قام قالهم / ودنا بيت عمي بو بندر
سحر ومها وهم منبسطين لانو فهم عليهم / أي أي تكفى أخوي طلبناك
خالد / أقول بلااملقف انتي معهاا ويلاا برى
وقاام يرمي عليهم المخدات ألين طلعو
خالد / قلق هالخوات بس اموت فيهم
بمكاان ثاني وتحديدا
(( مدينة الأنوار )) _ باريس _
متعب وهو يحط الاغراض / آآآآآآه ياطول هالسفره ..
عريب وهي لسا متوتره / أي والله صدقت
متعب وهو خاق / جوعانه ؟
عريب وهي تتهرب من نظراته / أم شوي .. عن اذنك
متعب يوقف ويمسكها / على وين ..
عريب وقلبها شوي وتوقف دقاته / أم بروح دورة المياه
متعب آآه ياقلبي بس / طيب لاتتأخرين عشان وصيت العشاء وبيوصل شوي
عريب وهي مستحيه / طيب .. دخلت عريب دورة المياه وانتو بكرامه .. وقلبها يطلع وينزل ( عريب) / ياربي وش فيه متعب كذا صاير لايكون بدا يحبني أنا ادري جمالي مايخلي الواحد بحاله
بس كيف يحبني لاا ياربي لا ياربي ماابيه يحبني لساا ماتعودت عليه
.. بعد عشر دقايق ..
طلعت عريب من دورة المياه الا بوصول العشاء
متعب بخاطره .. صحيح ان احنا مجبورين بس البنت ملكة قلبي من أول نظره هذا مايسمى بحب من اول نظره
عريب بخاطرها .. الحين هذا بلاه يطالعني كذاا .. بجد ماألومه مو احنا ملكنا وبعد أسبوعين الزواج وماخلوه يشوفني ..
متعب يقطع الصمت / أقول عريب ..
عريب / قول
متعب / وش هي هواياتك
عريب وهي مبسووطه من سؤاله بس الحياء له دور / أم كثيره
متعب / منها ؟
عريب / ليه أختك ساره ماقالت لك اني احب السباحه ؟
متعب واندمج معها / لاا ماقالت ليه تعرفين تسبحين
عريب / أيه اعرف ليه تبيني اعلمك
متعب وهو ناقع ضحك / ههه ولا يهمك فيه بركه نسبح بعد شوي
عريب وهي خاقه على ضحكته ومستحيه بنفس الوقت / ها !
متعب / وش فيك قلت لك بنسبح بعد شوي
عريب / لا ماابغى
متعب / على راحتك
بالسعوديه
وبالتحديد ببيت الجده عاليه وهي تكلم ولدها بو متعب ..
عاليه / أيه ياولدي عبد الله ماقلت لي يمه ولدك راح مع مريته
بو متعب / أيه يمه وان شاء الله تبلقين بالعيال كلهم وتعرسينهم
عاليه وهي تضحك / ههه وين ياولدي مابقى بالعمر كثر مامضى
بو متعب / بعد عمر طويل يمه
عاليه / أقول ياولدي بقيتك بكلمة راس
بو متعب / سمي يمه
عاليه / سم الله عدوينك .. مرني بكره انت واخوانك بقيتكم اذا ماعليكم كلافه
بو متعب / أبشري يمه نمرك تامرين أمر انتي
عاليه / تسلم لي يمه .. يالله ياولدي تصبح على خير
بو متعب / وانتي من هله يمه
عاليه / مع السلامه ياولدي
بو متعب / بحفظه
سكر بو متعب من أمه
أم متعب / وش فيها عمتي
بو متعب / مدري والله تبيني امرها بكره مع بو بندر وبو خالد
أم متعب / أيه الله يعين
بو متعب / آمين
أنتهى اليوم الأول بسعاده لكل العوايل
عداا عريب ومتعب اللي لسا مو متعودين ولساا مايعرفون بعض كثير
..
في يوم ثاني وفي صبااح جديد تتعلق به الطيور وتحلق بأراضي وسماء السعوديه
ببيت بو بندر
أم بندر / يابندر ياولدي خلني اخطبلك .. شوف متعب تزوج وبيكون أسرة
بندر / يايمه ماابقى الآن ماابقى ولا تفتحين السيره معي .. وانا ماعلي من متعب
أم بندر / ياولدي بس والله بزواج متعب تفطر قلبي .. وأبي افرح فيك مو انت ولدي الكبير
بندر / يمه ببكي أنا خلاص يمه أنا تأخرت ع الشغل لبعدين نتفاهم
اخذ شماغه وطلع
نزلت تدندن ..... / بعدت ليه خلتني أخسر أغلى حاقه بدنيتي .. ليه لما أقابل حد غيرك لساا حاسس غربتي .. ليه أنت بس اللي فعينيه مهما أشوف ديماا..
قاطعتها أم بندر / يالله صبااح خيير
هند وهي تبوس راس امها / هلا بالغاليه
ام بندر / هلا فيك اجلسي افطري
هند / لا يمه ماابقى
هند وهي ملاحظه على امها وجهها متضايق / يمه وش فيك
ام بندر / اخوك بندر مو راضي لي أخطب له
هند / ههه الله يهداك يمه هذا انتي مع بندر كل يوم ههه
ام بندر / آآه بس والله اني حاطه عيني على وحده واخاف تطير من يدنا
هند وهي متحمسه / من هي يمه من هي ؟
ام بندر توها تحس باللي قالته / مالك شغل ويلا اشووف وين خواتك
هند / لاتضيعين السالفه يمه
ام بندر / اقول اسكتي ويلا روحي جلسي خواتك يفطرون عشان ع قولتك بنات عمك بو خالد بيجون
هند وهي قايمه / طيب يمه حالا راح اجلسهم
صعدت فوق
واول غرفه راحت لها غرفة فيصل
هند تطق الباب / طق طق طق
فيصل / نعم خير عرفتك من طقتك للباب
هند / ههه طيب افتح الباب ترى وراي شعب بجلسهم
فيصل وهو يفتح الباب / أنا بشوف اخرتها معك
واول مافتح الباب دخلت هند
هند / تكفى طلبتك
فيصل سكر وجهه بيديه عرف وش تبي/ نعم وش تبين
هند / أبيك توديني انا وخواتي اللي هم خواتك نبقى نشتري اغراض عشان بنات عمي بو خالد بيجون اليوم
فيصل ومن سمع بنات عمه بو خالد وهو تايه / هاا بنات عمي بو خالد
هند وعرفت له / أيه شفيك مستغرب
فيصل دخل هند وسكر الباب << وراه سالفه / ام هنودتي انتي
هند وهي مبسووطه / عيون هنودتك
فيصل / سحر بتجي ؟
هند وهي مكتفه يدها ومسويه نفسها تفكر/ ام
فيصل يترجاها / تكفيين اذا هي بتجي اوديك كل مكاان تبينه انتي وخواتك
هند وهي مبسوطه من داخل / توديني السوبر ماركت وكل مكان حتى باسكن
فيصل / كل مكاان بس انتي آمري
هند / اي سحر بتجي
فيصل / آآه ياقلبي يلا روحي لبسي
هند وهي مفتحه عيونها وتناظر الساعه / كل هذاا حب
فيصل ناظر الساعه وضحك / ههه آآه ياهند عشان سحر الواحد كل شي ينساه
هند / ايي خلاص انا 4 العصر جاهزه اوك ؟
فيصل / اوك
..
طلعت هند من فيصل وتوجهت لغرف خواتها واخوها مشعل وجلستهم كلهم
ونزلوو يفطروون
..
بباريس وعند العرساان
متعب وعريب جالسين يشوفون فلم جايبينه معهم من السعوديه لان اللي بباريس اللغه فرنسيه يعني ماراح يفهمون
كانو جالسين ع الكنب عريب طايره بطرفه ومتعب يتمنى تقرب شوي
وصاارت لقطه بالفلم شوي محرجه
استحت عريب ومتعب مستانس وجالس يطالعها من طرف عينه
فجأة وبدون مقدمات انسدح متعب بحضن عريب
عريب وهي ميته حيا / تراني مو سريرك اللي تنام عليه
متعب ولا كأنه يسمعها مسك يدها وباسها وحطها على قلبه
متعب / عريب تسمعين تراك سرقتيه .. عريب مهما كنا مجبورين ع بعض بس بنتم طول الحياة مع بعض
عريب وهي شوي وتبكي لان ماخلوها اهلها تختار زوجها ولا خلو متعب يختار الزوجه اللي يبيها .. متعب يكمل / عريب والله وربي اللي خلقني اني من شفتك ذاك اليوم وانتي سارقه قلبي كذا خطفتيه فجأة
عريب بدت تبكي وتشاهق .. متعب قاام من حضنها ومسك وجهها وبدا يمسح دموعها / لاياقلبي لا ياعريب ماابي اشوف هالدموع مره ثانيه ترى دموعك غاليه علي
حضنها متعب لصدره ونامت وهي تبكي
شالها وحطها فوق السرير ولحفها وانسدح جنبها
وجلس يمسح ع شعرها وبخاطره / هذه اولها ياعريب وسرقتي قلبي فكيف تاليها
ببيت الجده عاليه
عاليه / اييه ياعيالي قررت ابيع البيت
بو متعب / ايي يمه بيعيه وسكني عندنا
بو بندر / لا امي بتسكن عندي
بو خالد / لا انت ولا هو
عاليه تقاطعهم وهي تضحك / ههه ياعيالي بسكم تتخانقون علي
كلهم مع بعض / هذا من غلاك يمه
عاليه / ههه لا ياعيالي .. انا ابجلس كل شهر عند واحد وبحط بكل بيت ملابس لي عشان مااتعب نفسي
الرجاجيل / على أمرك يمه البيت بيتك والمكان مكانك
..
بالليل وببيت بو بندر
جااو بنات بو خالد سحر .. مها
والبنات فاليينها للآخر
سحر / الهنوف عطيشينه قومي جيبي لي مويه
الهنوف / اقوول بلا هرج العصير قدامك واشربيه
سحر / اقول في فرق بين العصير والمويه
هند وتبي تقتنم الفرصه لان فيصل موصيها / اوكي سحوور قومي المطبخ قريب مافي احد البيت
سحر / اكيد مافي احد
مضااوي وهي داخله / اي مافي احد تو اخوي فيصل طالع ومابقى احد امي وابوي بالصاله ماحد بيشوفك
سحر / اوكي
طلعت سحر من المجلس .. وبنفس الوقت فيصل كان ناسي مفتاح سيارته
رجع فيصل ودخل البيت وبهالوقت كانت سحر بالمطبخ
صعد فيصل غرفته واخذ المفتاح
وهو نازل حس بحركه بالمطبخ قال اكيد هذه هنوود خل اشووف اخر اخبار سحر
وهو داخل المطبخ الا ... طرقخ بووم
سحر / آآآي رااسي حسبي عليك يامضيوو حشى مو جسم
فيصل وهو مو مصدق انه شافها / بسم الله على راسك يابعد كل راسي
سحر وتوها تستوعب وتفتح عيونها / هههئ فيصل
فيصل وهو خلاص ذاب / عيون وقلب فيصل
سحر انحاششت ماتشوفون الا غبارها . كانت لابسه تنوره قصيره حمراء وبلوزه تي شرت بيضاء وروج صاارخ أحمر جريء وكاانت مره مره تهبل
سحر وهي واصله للمجلس بخاطرهآ / يمه فديته ولد عمي
اما بمكان ثااني
فيصل ولساا واقف بمكانه مسبهه أم بندر / فيصل وعمى
فيصل / ها يمه
أم بندر / الحين انت ماطلعت
فيصل / الا يمه .. بس نسيت المفتاح ورجعت اخذه
أم بندر / وطيب وش موقفك هنا
فيصل ومفهي / الملاك اللي وقفني هنا
ام بندر / وش هو
فيصل / ولا شي يمه .. يلا سلاامو
وطلع وتفكيره منشغل بالملاك اللي شافها
اما سحر فدخلت المجلس وشكت فيها هند واستلمتها تحقيق
صار نص الليل ورجع كل واحد لبيته
وبيوم نهاار مشرق جميل
ببيت أم فهد
كانت جالسه تكلم بالتلفون / ههه الله يقطع سوالفك يأم بندر
أم بندر / والله ياخويتي كلمي هالولد مجنني
أم فهد / وانتي على ايش مستعجله خليه يفكر شوي الله يهداك بس
أم بندر / والله خايفه اني اموت ومااشوف عياله
أم فهد / الله يهداك بس أصبري عليه شوي .. الا بدخلت فهد .. اخليك الآن ام بندر اكلمك بعدين
أم بندر / بالسلامه ياخويتي
ام فهد / الله يسلمك
سكرت ام فهد ونادت فهد ولدها / تعاال ياعين امك انت
فهد وهو يبوس راس أمه / هلاا بالغاليه كل هذا مشتاقه لدرجة انك سكرتي من مرت خالي
أم فهد والدمعه بمحجرها / شسوي ياولدي كلها شهر وبتروح عني
فهد / يايمه ياقلبي انتي انا مابضل طول عمري هناك بس دراسه وبرجع
وبعدين كل 5 شهور بنزل لكم وبتشوفيني وبتشبعين من وجهي
أم فهد / وين اشبع من وجهك ياحبيبي وأنت ولدي
وبذا الوقت كانت جود بغرفتها تسمع أغنية راشد وتدندن معه /
ويلآآه
ويلآآه ضاق الصدر وماذكر يسأل علي ويلآآه
نسآه طول الهجر ولا الصبر من قسوته قساه
..
ماصاآآآر مني خطا غير العطا والتضحيه ماصار
جبآآر ياهالزمن ماتنضمن فيك البشر جبار
ويلآآآه
ويلآآه ضاق الصدر وماذكر يسال علي ويلآه
نسآه طول الهجر ولا الصبر من قسوته قساه
..
حنيت لأحساسنا بوصالنا من كثر ماحنيت
حسيت ان الوصل يمكن حصل لكني ماحسيت
يالله ياربهم اهديتهم فهديه يالله
ربآآه رب البشر رب القدر كان القدر فرقاه
ويلآآه
ويلآآه ضاق الصدر وماذكر يسأل علي ويلآآه
نساه طول الهجر ولا الصبر من قسوته قساه
انتهت الاغنيه الا بدخلت فهد عليها / جوود مجنونه انتي
جود / شسوي يااخوي طفشاانه وانت طالع
فهد / مالت عليك تعالي بس ادري مالك غيري
جود رافعه حاجب / اقوول بس شايف نفسك علينا انك بتسافر
فهد مكشر / افاا وانا اخووك كذا تقولين لي طيب زعلت
جوود تناقز / لاافهود حبيبي انت مالي غيرك والله بفقدك عارفه
فهد يرفع وينزل بحواجبه / اييه الحين صرت حبيبك وأخوك
جوود / افاا عليك يافهوود وبعدين ماكسرت خاطرك تسافر عني وانا وامي لحالنا بالبيت .. وبدت عيونها تدمع .. وابوي متوفي وماعندي اخ او اخت غيرك وحضنته
فهد وهو يمسح ع شعرها / يابعدهم انتي انا كل 5 شهوور هناا لاتبكين وبضل عندكم 1شهر وبعدين انا مو طول عمري هناك
جود / ولو ولو ... وجلس فهد يهدي في جود الين آخر شي خلاها تفرح وينسيها شوي
إلى هنا البارت الأول
اقتراحاتكم ؟
توقعاتكم
بإنتظاركم .. واللي راح ينقل ينقل مسموح لكن بأسمي
..
ت ح ياتي / ك ل الغلآ
منقوول بواسطتي / ورد الفراشة
اتمنى التفاعل