سوالف الطبخ والمطبخ دخلوا وشوفوا

1. المهم تغدوا وخلاص على بالي مرت السالفة وخلصت .

السلام عليكم اخواتي الفراشات
انا احب المطبخ كثير وأحب اطلع طبخات
بس انا ما راح احط لكم طبخة ودي احط لكم سالفة صارت لي في المطبخ لو تعرفونها بتضحكون علي
سالفة صارت لي وكنت انا بطلتها مع سمكتي المسكينه نزلوا واقرؤا ماذا حصل لي معاها
أنا اكل السمك وهو شنظفه وشزينه واذا بطبخه خلاص اطلعه من الفريزر نظيف واطبخه على طول
مرت الايام وسافرت مع ابوي واهلي لبلاد بره واذا بأبوي يجيب ذاك السمك ويالله قومي طبخيه أنا على اللي متعوده على بالي بشوفه ذاك النظيف واذا بي اراه حراشيف واحشاء ودم بعد احترت شسوي فيه قلت يالله مغامرة انظفه قمت الله يسلمكن انظفه واطلع الاحشاء اللي بداخله ولا اشوف الا ينسحب العمود الفقري عندي بعد ههه صارت سمكة لحم بدون عظم .
طبختها وقدمتها على الغداء واهلي قاموا ياكلونها ويدورون عظامتها وينهم قلت لهم نظفتها من كل شي انسحب العمود الفقري شسوي بعد ؟

المهم تغدوا وخلاص على بالي مرت السالفة وخلصت .

السنه اللي بعدها الله كتب وسافرنا بعد لنفس البلد بس هالمرة جاب لي دجاج ويالله قومي طبخيه قعدت انظفه ولا اتفاجأ الا يقول لي لا تنظفينه مثل السمك اللي العام وتشيلين كل شي فيه . اثاريه ابوي بعده يذكر السالفة .
صراحة مت من الضحك وقلت له الدجاج غير السمك والتكرار يعلم الشطار .
وتحياتي .