الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
*العابده*
12-12-2022 - 09:53 pm
والسلام عليكم ورحمة الله وبركاته ...
اليوم يا فراشات بعطيكم طريقة الشورمه بالضبط كيفج إذا تبينها بلحم أو دجاج
الطريقه....
أول شي طلعي إلحمج أو دجاجج إمبجر وبعدين قطعيه إصغار إصغار مو حيل عاد يعني نفس
شورمه المطاعم وبعدين قصي لج 3 حبات ثوم أو إطحنيهم ناعم وزنجبيل طري _أخضر_طازج
هم ناعم وبعدين بعد ماتغسلين إ لحمج أو دجاجج حطي الثوم والزنجبيل وبهاراتج (بهارات مدارس الهندي -كركم ناعم -كزبر ناعم -بهارات سعوديه--حبتين هيل حب -وعوددارسين ) وخل أبيض إستكانتين وصلصة الصويه إستكانتين والملح لا تنسين وخليه يتبل ساعتين على الاقل بعدين شغلي الفرن من فوق بس وبعدين إرفعي شبك الفرن قربيه من النار وحركيه كل اشوي كل اشوي عشان لا يحترق
وبعد نص ساعه ذوقيه ترا ما يطول وبهذه الاثناء جهزي الطحينه والسلطه .
طريقة الطحينيه طاست روب و4 ملاعق هرده (الطحينيه)وعصير ليمون إشويه رشة كزبر ناعم رشة ملح ورشة كمون ناعم وخلطيهم مع بعض عدل وخليها على صوب.
طريقة السلطه ..
قصي خس وطماط وكزبر أخضر وفلفل بارد الاخضروإذا حبيتي بصل حسب رغبتج وخلطيهم مع بعض وحطي عليها اشويت خل تفاح وزيت زيتون وفلفل أسود .
تبين أتحشين الشورمه بالخبز بالصمون بالخبز الصاج على راحتج أول شي فجي الصمون وإدهنيها بالطحينه وبعدين حشيها بالشورمه وبعدين بالسلطه وبالهناء والشفاء
إذا تحبين قلي وياها بطاط شبس وعليكم بالعافيه.
لآتنسوني من دعائكم
اليوم يا فراشات بعطيكم طريقة الشورمه بالضبط كيفج إذا تبينها بلحم أو دجاج
الطريقه....
أول شي طلعي إلحمج أو دجاجج إمبجر وبعدين قطعيه إصغار إصغار مو حيل عاد يعني نفس
شورمه المطاعم وبعدين قصي لج 3 حبات ثوم أو إطحنيهم ناعم وزنجبيل طري _أخضر_طازج
هم ناعم وبعدين بعد ماتغسلين إ لحمج أو دجاجج حطي الثوم والزنجبيل وبهاراتج (بهارات مدارس الهندي -كركم ناعم -كزبر ناعم -بهارات سعوديه--حبتين هيل حب -وعوددارسين ) وخل أبيض إستكانتين وصلصة الصويه إستكانتين والملح لا تنسين وخليه يتبل ساعتين على الاقل بعدين شغلي الفرن من فوق بس وبعدين إرفعي شبك الفرن قربيه من النار وحركيه كل اشوي كل اشوي عشان لا يحترق
وبعد نص ساعه ذوقيه ترا ما يطول وبهذه الاثناء جهزي الطحينه والسلطه .
طريقة الطحينيه طاست روب و4 ملاعق هرده (الطحينيه)وعصير ليمون إشويه رشة كزبر ناعم رشة ملح ورشة كمون ناعم وخلطيهم مع بعض عدل وخليها على صوب.
طريقة السلطه ..
قصي خس وطماط وكزبر أخضر وفلفل بارد الاخضروإذا حبيتي بصل حسب رغبتج وخلطيهم مع بعض وحطي عليها اشويت خل تفاح وزيت زيتون وفلفل أسود .
تبين أتحشين الشورمه بالخبز بالصمون بالخبز الصاج على راحتج أول شي فجي الصمون وإدهنيها بالطحينه وبعدين حشيها بالشورمه وبعدين بالسلطه وبالهناء والشفاء
إذا تحبين قلي وياها بطاط شبس وعليكم بالعافيه.
لآتنسوني من دعائكم
التعليقات (1)
اعشاش الشعيريه بخلطةالدجاج والموزريلا→