صينية الشعيريه بالتونه

روع ــة الـ خ ــالــق

25-07-2022 - 09:23 am

ونجي ونكشن التونه

السلام عليكم ورحمة الله وبركاته
كيفكم ياحلوين وكيف اخباركم واخبار جيرانكم عساكم طيبين
عااد الله يسلمكم حبيت اقولكم تراني خلصت اختبارات وطول هالفتره وانا بس اخطط واخطط طبعا التطبيق بعد الاختبار وللأفس كل هالتخاطيط طارت بعد اول دقيقه من خلصت اختبار <<تخاطيط << افشل وحده بالنحو
بس من جد فيه احد مثلي دايم اخطط اخطط وتطير بس اليوم قلت يابنت خلي الكسل وسوي الاكله اللي يحبها ابوك واستحيت على وجهي وقمت دخلت المطبخ وسويت ذيك الصينيه انما ايه لذيذه اوي اوي لا تفوتكم
المهم تراني كتبت موضوع وضبطته تضبيط قلت اكيد راح يعطوني طبق مميز مو عشان الطبق لا عشان التضبيط بالموضوع وابشركم جيت انزله جاني لم يتم العثور والموضوع وينه
طبعا الى هذي الدقيقه مدري وينه
وعنااد في الموضوع اللي طار وطبعا هو اللي خسران حلفت الا انزل الموضوع <<
طبعا نجي للمقادير والطريقه سواا
اول شيء كرتون شعيريه نسلقه بمويه وشوي زيت وملح وكمون ومكعب ماجي وبهارات حسب رغبتك
ونخليها لمدة 10 الى 15 دقيقه وبعدها نطلعها ونصفيها من المويه ونرشها بمويه بارده ونحطها على جنب

ونجي ونكشن التونه

نشوح البصله مع ثوم مع زيت طبعا حتى تتحمر وبعدها نحط طماطم مفرومه مع شوي صلصة طماطم وبهارات وكمون وماحطيت ملح لان الخلطه الاخيره مالحه فأستغنيت عن الملح هنا المهم نخلي الطماطم تتسبك شوي ونحط التونه 5 دقائق كفايه والصوره مارضت تتحمل وكمان هي الخسرانه <<
في هالاثناء نجهز الخلطه وهي عباره عن
3 ملاعق جبن سايل <<استخدمت كرافت عشان كذا مالحه
3 ملاعق مايونيز
علبة قشطه
مكعب ماجي
وشوي فلفل اسود وكمون وبهارات
ونخلطها بالخلاط ونتركها على جنب
الحين نرجع للشعيريه ونحط نصف المقدار بالصينيه مع شوي من الخلطه
ونحركها مع بعض وبعدها نحط التونه كلها
وبالاخير نحط الشعيريه كلها والخلطه كامله ونرش على الوجه بالاخير جبنه مبشوره
ندخلها الفرن من تحت لمده 15 دقيقه وبعدها نولع عليها من فوق لين تتحمر ونطلعها ونخليها تبرد وبعدها قطعيها وقدميها
وبالهنا وبالعافيه
صح نسيت اقولكم لا تنسوا اذا خلصتو من الموضوع انسخوه عشان مايصيبكم صرع اذا طار مثل اللي صابني

التعليقات (6)