صينية مكرونة تاكلي اصابعك وراها

كيفكم بنات اليوم جايبة لكم اكلة تجنن مستحيل يمر اسبوع ما اسويها كم مره
الأكلة سهلة ولذيذة
المقادير:
علبة مكرونة ويفضل المكرونة الي شكلها حلزوني
لحم مفروم
بصله
طماطة
فلفل رومي
قشطة
ملعقتين مايونيز
ملعقه جبنة سائلة
الطريقة:
اول شي نسوي الصلصة وطريقتها اكيد معروفه للجميع والطريقة الي اسويها هي اني احط في القدر شوي زيت بعدين احط البصل واحمسه شوي لين يبدا يحمر بعدين احط اللحم المفروم واخليه يطبخ شوي بعدين احط الطماطم المفروم وصلصة الطماطم وبهارات وملح واخليه يطبخ شوي وقبل ماطفي عنه النار اضيف شرائح الفلفل الرومي .
المكرونة نسلقها في مويه وملح , وأثناء طبخ المكرونة نحط في الخلاط القشطة والمايونيز والجبنة السائلة ونخلطهم مع بعض , ولمن تنجح المكرونة اصب الخلطه عليها واخلطهم مع بعض واحط المكرونة في صينية بايركس وسط بعدين اصب فوقها الصلصة واساويها على المكرونة بعدين احطها في الفرن واولع عليها النار من فوق وتحت بس الين تتماسك واطفي عنها
وبالعافية
كنت اتمنى اعرف انزل صور على النت عشان تشوفوها بس للاسف ما اعرف
ابي اعرف رايكم فيها