طبق المشخول كل من يذوقه بيقولك تسلم الايادي

السلام عليكم فراشات مساء /صباح الورد هاذي اول مشاركه لي حبيت
اقولكم على طبق المشخول بطريقتي شي غير ولذيذ جدا
واتمنى تجربونه وتردون علي.....انا بقول الطريقه مختصره ماراح اكتب المقادير ثم الطريقه لانه بتلخبطكم شوي تفضلوا...
اولا: نضع في زبديه دجاجه مقطعه تقطيع متوسطه الحجم بدون
جلد نفرم بصله كبيره شوي و2 ثوم فرم ناعم ونضيفه للدجاج
ونضيف علبه زبادي <اي نوع والافضل المراعي>او يمكن
اسبداله ب 4ملاعق ما يونيز ونضيف علبه معجون طماطم ونقدر نستبدلها ب 4 او 5 ملاعق كاتشب.. نقطع حبه فلفل اخضر حار ويحمر تحمير بسيط جدا في ملعقه زبده او سمن او زيت اللي
متوفر ونضيف له ماجي حبه مذوبه في فنجان شاي ماء حار
نضيف الملح والفلفل الاسود والكمون ونغطيها ونتركها لمده ساعه
بعدين نجيب صينيه نغلف ارضيتها بقصدير ونترك من القصدير
شوي زياده عشان نغطي من فوق نصب الخليط في الصينيه
ونغطيها من فوق بالقصدير وندخلها لفرن حار وتترك لمده ساعه
الاربع...او حتى يستوي الدجاج..
ثانيا:نقوم باحضار رز الوليمه او ابو كاس لازم يكون رز حبته
طويله والا خربت الطبخه ونضع عليه الماء الساخن والملح وشويه
زيت ومكعب ماجي ونتركه حتى يستوي...
في ذا الوقت نكون قد سوينا الاتي:
نبشر حبه جزر + نفرم شويه بقدونس فرم خشن شوي وبعدين لما
يستوي الدجاج نحطه على الدجاج مع ملعقه من الارز
الابيض..طبعا قبل التقديم نخلطها مع بعض..
وبعدين نقطع اي نوع من انواع الخضار اللي متوفره عندك مثلا:
بطاطس .كوسه .باذنجان .فلفل بارد.نقطعه شرايح بالطول ونقليها ونخليه على جنب .
طريقه التقديم:
نضع الارز الابيض على اطراف الصحن بعدين نجيب خلطه
الدجاج والجزر والبقدونس ونحطها بالوسط ثم نجيب الخضار
المقليه ونوزعها على الارز الابيض وتقدرون تزينون بصنوبر
وزبيب تحمرونه وتحطون على الوجه .
والسلطه مع ذا الطيق سلطه حاره اي نوع.
وعوافي وان شاء الله يعجبكم وانا متأكده انه بيعجبكم لانه روعه..
تقبلوني فراشه جديده بينكم ودمتم