طريقه سهله بسيطة جديده لعمل لفائف القرفه للمبتدئات

لفائف السينامون ---- للمبتدئات
كنت اتصفح كتاب طبخ وطحت على طريقه لعمل " لفائف القرفه" وكانت الطريقه سهله وبسيطة وتسوينها بدقايق
ما اطول عليكم الكلام .. واخليكم مع المقادير والطريقة
المقادير:
صمون ( بالكويت عندنا ممكن نستخدم صمون الهوت دوج الحجم الكبير) ... ضروري يكون طازج
الحشوة:
زبدة
سكر
قرفه مطحونة
الخلطة:
6 حبات جبن كيري
نص علبة حليب نستله مكثف محلى
ربع كوب كريمة او قشطة
3 ملعقة سكر ( يفضل الاستغناء عنه لان بالحشوة فيه سكر)
الطريقة:
سهله وبسيطه
نقطع الصمون الى شرائح طوليه عريضة
ندهن كل شريحة بطبقة خفيفة من الزبدة ونرش عليها السكر والقرفه
نلفها على شكر رول
نصفها بشكل متراص في طبق الفرن المدهون بالزبدة
نخلط مقادير الخلطة ونصبها على طبقة الصمون المصفوفة
ندخلها الفرن مدة 5 - 8 دقائق حتى تتشرب وتحمر
نقدر نزينها بصوص شوكولاته او كراميل وتزين بالمكسرات
ها شرايكم ؟؟؟؟؟؟؟؟؟؟ انطر تعليقاتكم وردودكم
.