أبي طريقه الرز الحساوي

طريقة الرز..
اولاً رز حساوي..ويمكن بعض المناطق مايعرفونه وكثير ناس من معاريفنا وقرايبنا خارج الشرقية مايعرفونه ابد ..ويمكن البعض يسمية الرز الأحمر
لكن هو معروف بالرز الحساوي
كيلو لحمة ويفضل من جهة الظهر اطعم:$
ندخل في التفاصيل
اولاً تأخذين البصل قطع صغيرة مره ويحمس على النار إلى مايقلب ذهبي
بعد كذا نأخذ اللحمة بعد مانغسلها وننظفها ونحطها مع البصل ونقلبها على النار بعد كذا نضيف الطماطم له ..ويفضل أنه الطماطم يصير مره صغير او اعصرية بالخلااط افضل..
بعد كذا نقصر عليهم النار..وينخليهم بالبخار ((ربع س)) او(( 10 د))
بعدين نصب نصب على اللحمة مويه وتقريباً المقدار نصف القدر المستخدم لطبخ
المهم
بعد كذا نضيف الصلصل ويفضل السعودية العصار
والبهارات والملح وفلفل اسود والليمون الأسود الجاف
نخليهم على النار تقريباً ساعة ((إلى وقت ماتنضج اللحمة وتستوي)
إذا حبيتي تضيفين الياقطين يصير احلى تقطعينه قطع صغيرة وتضيفينه على الماء
وفي خضار يسمى سلق لونه اخضر اعواد ومع تحت كأنه بصل لونه احمر مثل الفجل شكلة وبرضو يضاف حسب الرغبة ..وطبعاً بس تضيفين اوراقة
طبعاً في هذا الوقت نأخذ الرز الحساوي ونخلية بمويه منقوع تقريباًَ ساعة او اكثر.
وبعد مانخلي اللحمة تطبخ ساعة على النار نضيف الرز عليها ونغطي القدر
بعد كذا إذا شفنا إن الرز بداء يشرب المويه وشفنا مويه بسطة فية نقصر علية النار مره ونخلية يستوي على البخار
والف صحة على قلوبكم
............
شووفو المقادير اللي نستخدمها عشان حنا بيت عيله وفية اخواني الكبار
كيلو لحمة
مكيال الرز الحساوي ..تقريباً 4 كاسات كبيرة ..كاسات الجبن بوك
بصلتين..
طماطتين.
.صلصل السعودية العصار حبة ونص
3 ملاعق بهارات صغيرة
الملح مدري بالضبط كم لأني اعرف بالنظر
الفلفل الاسود ملعقة صغيرة
وإن شاء الله الطريقة واضحة
برضو في ميزة لرز الحساوي مايصير نفس الرز العادي .. يصير مثل السليق تقريباً فهمتو يعني ماتبان حبته كانه معجون^a4^<<<اقسم بالله تشبيها رايح فيها
ويالله إن شاء الله الف صحة على قلوبكم
ويارب يعجبكم

الله يجزاك خير أختي فرفوشه و يوفقك دنيا و آخره
و إن شاء الله راح أجربه و أدعي لك

طريقة الاخت فرفوشه مئه بالمئه نفس طريقتي بس انا اضيف عليه جزر وبطاطس
اقطعهم صغار والافضل في الرز الحساوي انه يكون ليين لانه الحب النثري موحلوه طعمه بيكون وهذي نصيحتي

الرز الحساوي ما يستوي نثري يكون معجون ..واهم شي نضيف الحلبة +الحبة السوداء + الكزبرة الخضراء ..