أبي منكم مساعده

المكونات:
2 صدر دجاج مخلي من العظم و مقطع الى مربعات
1 بصله متوسطه
1 فليفله خضراء حلوه
4 حبات ذره صغار ((نقطعهم دوائر))
2/1 م/ص زنجبيل مفروم
2/1 م/ص معجون طماطم
4/1 كوب عصير اناناس ((من علبه الأناناس المحفوظ))
4/1 كوب حليب
1 م/ص خل ابيض
1 م/ك سكر
رشة ملح (( بس رشه لأنه الأكله مب مالحه... لتبين الطعم))
رشة فلفل اسود
2/1 م/ك صويا صوص ماجي
1 م/ك صويا صوص الثاني
اناناس مقطع
بياض بيض
نشاء
زيت
الطريقه:
نغمس صدور الدجاج في بياض البيض و بعدين في النشا و نقليه في زيت عميق لين ما يحمر شوي..(( دقيقتين))
نحمر البصل في شوية زيت لين يذبل ((بس يذبل ما نبا لونه يتغير))
نضيف عليه فلفل اخضر,ذره,زنجبيل,ملح,فلفل اسود,سكر,معجون طماطم,خل
بعدين نضيف الدجاج اللي سبق و قليناه على الخليط و نضيف عليه نوعين من الصويا صوص مثل ماوضحت في المكونات..
نحرك الخليط و بعدين نضيف قطع الأناناس..
و بعده عصير الأناناس و الحليب.. و نخلطهم.. نعلي عليهم النار لمدة 10 ثواني
وبعدين نوطي النار و نغطيه و نخليه عالنار 5 دقايق..
و خلصت الأكله

أشكرج يا أختي مايسة بس اذا ممكن بأسئلك ضروري الأناس يكون موجود؟؟

ايوة لازم علشان النكهة