إلهي مآ بدأت به من فضلك فتممه معاك ياحلمي للأخير يارب تمم

طيبةحيل

26-02-2022 - 12:29 am

السلام عليكم ورحمه الله وبركاته
مساء/ صباح الورد
صراحه هالموضوع راح يكون ملجئ لي
او موضووع افرغ فييه عن نفسي...
يعني راح يكون أعبر فيه عن يوميآآآتي
وعن اللي راح يكون فيهاا
وطلع معي بدون تفكير كذا...
أحس مآودي اوقف همتي أبد
ودي اتشجع للأخير ودي اكمل هدفي لنهآآآيه
صحيح اللي وصلت له نعمه وفضل من الله كبير
واشكره وحده ولله المنه
ولكن ودي اشوف ثمره جهدي للأخير...
وسبحان الله
مع انه مابقى شي
الا على الأخيير لابد من المصاعب
ولازم أكون قد قد التحدي وأجتهد للنهايه
بأذن الله ان قدي التحديي لنفسي
ولازم اوصل لهدفي
نهايه الشهر هذا
راح اقيس ولازم اكون موصله هدفي...
طبعاً
انا فتحت هالموضوع متنفس لي
وعشاان يكون تحدي ودافع لي
وطبعاً
راح اكون متحديه نفسي هنا
ومع بنات قرووبي هنآآآك

ياحلووات ترا هالموضوع جاء فجاه
بس ماابي اووقف همتي
أبي جد اسسعى ولا اسمح لأي ضعف بنفسي
وانا اعلن قدأم الجمييع هنا
راح يكون
المشي بأذن الله وعد راح يكون كل يووم
الأ اذ حصل ظرف ماقدرت امشي فيه وحتى لو حصل ظرف
راح اعوض المشي باليوم الثاني
الحمدالله هو انا من بديت رجيم ماوقفت مشي
بس هنآآ لازم اتقييد بالحلف
والله مايقل المشي عن ساعه هالشهر هذا وراح ازيد طبعاً اكثر من ساعه ان شاء الله
وبنسبه للأكل
انا صايره طاايحه
بوجبتين بيوومي...
والوجبه الاولى تكون ياا شويه رز مع دجاج وسلطه
او فاصوليا او فوول مع نص خبزه
ويا يكون معاه شاهي او عصير
او بكت اندوومي مع سلطه
المهم هذا عآدي عاجبني
أماا الوجبه الثانيه
صايره اغلبهاا
كله لازم اكل كرسون زعتر و ربيان زوروو
بس احلف أبتدااء من الجمعه
اغير نظام هالوجبه الثانيه
لازم اخليها يانص خبزه مع اي شي
او أكتفي بصاموولي مع كوب شااهي
وحالفه ما أدخل معااه ربيان زورو
احس لازم اقلل نشوويات من يوومي
عشان يتحرك وزني بسررعه
صايره من اشوف عندي ريالين على طوول اشتري فيها 2 كرسون زعتر
والله ماعاد اشترري لنهايه هالشهر
وشوفووني لازم ادفع كفاره لو سويتها الا عاد اذ ناسيه ههه
>>>بتأدب نفسهآآآآ
لان صار لي شهرين وانا ع هالحاال
لمتىى ياطيبه مابقى شي على حلمك وانتي جالسه تتهاونين
لازم أجتهد
بأذن الله نهايه هالشهر
ابشركم اني وااصله
لحلمي
اوعد نفسسي قدامكم
وعد اتلزم واتقيد
الا أذن الله ما كتب وزني مايتحرك هذا قدر الله
بس لا ثقتي بالله كبيره
والله عند حسن ظن عبده فيه
أن ظن فيه خير عطآآآه
وانا لازم اكون كذآآآآ
و مارح اخربط بأذن الله
الا اذ جانا احد فجاه او طلعت واضطريت اجامل
بس
اذ حسيت خربتها بعقاب نفسي بأي شي
اوعدكم...
وهالجمعه بخلييه مفتووح لي للأخير
لاني من زمان عن اليوم المفتووح وعشان اخذ طااقه لشهر هذا
احس ودي احكي احكي
بس مو عارفه وش اقوول
ولكن اسئل الله رب العرش العظيم
ان يعيني ويتمم علي ولا يحرمني من فضله
صبايا
اللي تدخل هالموضوع
لاتحرمني من دعوه صادقه ان الله يسعدني ويتمم علي
ويبعد عني كل خووف
وان ربي يتمم على بنات قرووبي ويصلحهم ويخليهم يسعوون لهدفهم لنهآيه
ياجعلني افرح فيهم
ياسميع ياقدير
والله يعيني عليهم وعلى دلعهم ههه
ولكن راح اسوي معاهم للي اقدر عليه للأخير...
وآخير
اللهم لك الحمد كما ينبغي لجلال وجهك وعظيم سلطانك
اللهم أغفر للمؤمنين والمؤمنات الأحياء منهم والأمواات
الوعد بأذن الله
بأخر العشرينات من شهر /5

التعليقات (9)

لــيــنــا

26-02-2022 - 03:25 am

روحي ياشيخه ربي ينولك مرادك ويبلغك مبتغاكي عاجلا غير اجلا بصحه وسلامه
والله يزيد فيك العزيمه والاصرار ويكفيكي شر عيون الانس والجن يارب
وان شاءالله حيكون لكي نصيب من دعواتي وربي ينولك مرادك انتي وانا وكل بنت نفسها تنحف ربي يشد فينا القوه والعزيمه
والله محد احسن مننا الحمدلله بنقدر وحنصول الشي سهل بس احنا مصعبينو
وان شالله ربي يجعله بعيننا اسهل من شرب المويا قادر ياكريم ..
طيبوبه بغيت اسالك كم المده الكامله لرجيمك ونظامك بالرياضه وكم خسرتي فيها
عشان نتشجع كلنا لاني انا لمن اقرا تجارب البنات اتشجع مرا واقول اكيد اقدر
وربي ينولنا مرادنا يارب ويجعلنا من عباده الصالحين امن يارب العالمين..
بدخل دايمن هنا اشارك صفحتك تيب : $

(( لـوجـي ))

26-02-2022 - 04:26 am

الله ينولك إلا ببآلك يآآرب وتوصلي للوزن إلا تتمنيه والجميع يآآرب
وإن شآءالله كل قرووب ينجح يآآرب بدوون مرض ولا تعب
والله يوفقك ويوفق الجميع
..

سكــون

26-02-2022 - 05:27 am

ياحبيبتي ياطيوبه ربي يحفظك ويحميك من عيوون الناس ومن كل شر يااآرب
ويبلغك مرآدك بتمام الصحه والعافية ياقلبي
ولايفقدك همتك وإرادتك دووم
وان شالله ماتلاقي اي ضعف او مانع عن تحقيق هدفك وغايتك يارب ويعينك ولايحرمك من فضله وينولك مرادك ياقلبي
ربي يوفقك بحياتك ياقلبي
يارب بس تقيسي هالمره الا تحصلي نفسك واصله للي تبين وتررتاحين وتطمني كل أحباابك عليك ~_*
مدري شقولك بس زي ماعرفتك دوم عنيده يادووبا ‏
ههه ربي يحفظك حياتي
وحلوو حبيبتي ماشالله انك تسوين كذا وتشجعي نفسك وتحطي لك دافع وتوعدين نفسك بمشيك أو بغيره دووم
غلاي انا بعد اول من بيشارك صفحاتك وكل شي ولابحرمك من نصايحي ودعواتي دووم:$
يلا انتبهي ع نفسك حبيبتي^_^

لين الورد2007

26-02-2022 - 06:28 am

الله يوفقك ويسعدك يارب
ويقويك ويحقق لك اللي ببالك
وحلو انك توعدي نفسك وماشاء الله عليك رحت ورجعت على الدايت وانتي مستمره
الله لايضرك ماشاء الله عليك
وحلو تمشي ساعه ماشاء الله
ويارب توصلي لوزنك الهدف عاجلا غير اجل يارب العالمين بصحه وعافيه يارب
وتكوني ملتزمه هالشهر وماتخبصي وتستمري بالمشي ان شاء الله
موفقه يارب

طيبةحيل

26-02-2022 - 07:29 am

السلام عليكم ورحمه الله وبركاته
صبآآح الورد
البارح ماقدرت أدخل
لاني كنت مشغوله
وقلت الحين أكتب يوومي
الحمدالله أمس عدى ع خيير,,
الوجبه الاولى
كانت كشنه تونه + سلطه+كووب شاهي ومع شويه خبزز,,
وكلت شويه يوسف فندي
أما وجبتي الثانيه كلتها متاخر
ع اساس بصووم
وسويت لأهلي معاي فوول+بيض مسلووق
وكلت شوويه منهم وطبعاً مع حدود نص خبزه
الحمدالله ماخربطت
وشربت شاهي اخضر
واما المشي الحمدالله مشيت
سااعه وزيااده
والحمدالله عدى ع خيير يوومي كذا...
وتسلمون كل اللي من طل ورد
بأذن الله برد عليكم
وحيااكم الله

طيبةحيل

26-02-2022 - 08:30 am

السلام عليكم ورحمه الله وبركاته
مساء الأمطار
>>>جآها هوااس
صراحه يجنن اليوم خيالي
الله يكتب لنا الخير ياارب
الحمدالله اليوم مبسوطه من نفسي
لان مر يووم بسلاآآم
والحلف جاب نتيجه
انا الحمدالله من يوم بديت رجيم احاول ما اخربط ابدا
بس احس لي فتره طايحه في الربيان او نسمه او زوروو
يعني اكل مثل ساندوبش وهو معاها
وهو عادي مايضر لان سعراتي بيوومي مو كثيره
بس انا حلفت عشان ودي انزل بسسرعه هالشهر ودي احقق اللي ابي
وابي اخفف نشوياات
المهم
يومي..
الوجبه الاولى
كانت كشنه تونه +خس + كووب شاهي..
وكلت يووسف فندي..
والوجبه الثانيه
ساندوويش + كووب شاهي...
الحمدالله كذا الاكل اليووم حلو
والمشي الحمدالله روعه
مشيت تمام
وياارب تمم علي كذا.....
وبكره ان شاء الله يوومي المفتوح
لاني من زماان ماخليته مفتووح
لان خلاص هالشهر هذا ماعاد فيه مفتوح الا وانا مخلصه يارب
الله ييسر لي
ويارب رحمتك

طيبةحيل

26-02-2022 - 09:31 am

لينا
يالبييه والله
أمين ربي يسمع منك يالغلا
يالبى قلبك تسلمين
هذا من طيب اصلك الله يسعدك ولكِ بالمثل ولا يحرمك من أمانيك ياسميع ياعليم يارب
اي والله صادقه
وربي الواحد يقدرر
واذ عزم واتكل على ربه
مافي شي صعب
بس الشيطان اعوذ بالله يوسوس
والنفس ضعيفه وتحب الملذات
وربي لو الانسان يشد ع نفسه ويعرف ان الاكل مارح يطيير
وانه بيتعب بوقتها وبيرتااح كان افلح..
الله ييسر الجميع يالغاليه
ونورتِ جد بطلتك
ام
لما بنسبه لي
يالغلا الحمدالله
صار لي فتره من سنه وانا انزل بووزني
وبسنه نزلت مشاء الله اكثر من كيلوو
والحين مكمله وان شاء الله مابقىالا كم كيلو ع المثاالي لي
وبيصير لي سنه وكم شهر
والحمدالله نظامي اللي عملته
وخصوصا المشي كاان روعه
وحررق الدهوون
وسري بعد الله ودعاائي له
المشي خيالي
والله هذا اللي ودي النااس او ودي اقنع النااس فييه
وخسران اللي يمر يوومه بدوون مشي *_^
وحيآآآآك بأي وقت

طيبةحيل

26-02-2022 - 10:32 am

لين الورد2007
اللهم أمين وياك.. ويوفقك ويسعدك يارب ويحقق لك مرادك..
اي والله انا قلت لازم اوعد نفسي عشآن جد اكون قدها
ايه ياليين والله للحين مستمره لاني بجد قلت لمتى وانا كذا وكنت الحمدالله صادقه وابي اتغيير
وربي كريم اللي خلاني اتشجع
وبفضل الله وثم فضل بناات قرووبي الله يسعدهم ويوصلون لأهدافهم ياارب
وكنا ولازلنا نساعد بعض
وانا ان شاء الله بعون من الله
مستمره لهدفي
وانتي كيفك ان شاء الله رجعتي مره ثانيه ومستمره
ولاتفقدين اليأس استمري وراح توصلين بأذن الله
ربي يسعدكِ
ومشكوره ع هالطله

طيبةحيل

26-02-2022 - 11:33 am

سكون
ههه
تعرفين ان وش اللي فآآآد معي غير العناد
ولا كان رحت فيها
وظليت ع حاالي..
والحمدالله ياقلبي اللي تمم علي
وان شاء الله يتمم علي للأخير يارب
تسلمين والله ويجززيك ربي كل خير ياذووق على الدعوات
وطول عمرك ماتقصرين يالغاليه
ومنوره الصفحه فديتك
والله يسعدك ويحقق مرادك
والله لايحرمني من دعواتكم
مودتي لك..

كل وحده جربت جهاز الاوربتراك والسير او المشي الحر تجي تقلنا تجربتها عشان نتحمس←
احتكاك الركب والسير الكهربائي→