ابي طريقه المطبق

هلا والله وانا كمان اموت فيه
انا اسويه بطريقتين
الاولى نفس المطاعم
والثانيه دايت مره خفيف
الاولى تسوين عجينه ماء +ملح شووي +دقيق
وتتركينها ترتاح نص ساعه با الكثير
وترقينها على صينيه مدهونه بزيت وبعد كذا تشدينها بيدك حتى تكون رقيقه جداا
وفي النص تحطين عجينه المطبق الجاهزه >>>مثل السنبوسه بس تجي مربعه كبيره
وعلى رقاق المربع حطي الحشوه بعدين ابدي بتسكيرها ,,,كيف؟؟
بتطبيق الزوائد من العجين على بعض وقص الزوائد حتى يتكون عندك مربع نفس مقاس الرقاق الي حطيتيه
با النص وتكونين محميه زيت وخذي المطبق ونزليه بشويش في الزيت واقليه
وبا العافيه
لذيذ جدا بس دسم شويتين
الطريقه الثانيه اسهل واخف بكثير
وهي انو تجيبين الرقاق المربع الكبير فقط وتدهنينه با الحشوه
وتسكرينه بطبقه ثانيه ومايحتاج تسكرين الاطراف
لان البيض بيسكرها وخذيها شوي شوي >>>انا الفها على بعض مثل الرول بعدين افلها في الصاج
وتكونين محميه صاج كبير وادهنيه بشوي زيت واتركيها حتى تتحمرر
مره حلوه وخفيفه قصيها مربعات صغيره وبا العافيه مع الفلفل والليمون
طريقه الحشوه ,,,,,,,,,,,,,
بصل مقطع صغير جدا في صاجه قلبيه بشوي زيت
بعدين اضيفي لحم مفروم وقلبيهم حتى ينشف اللحم
وسكري النار
واضيفي طماطم مكعبات صغيره,,كزبره ,,بقدونس,,كراث,,بصل اخضر
بها وملح
وبيض صازج >>>>>>>>لاتكثرين البيض حتى مايبهذلك في تحميرها
شوي يمكن بيضه الى بيضتين على حسب حشوتك بس بحيث تكون الحشوه مبلوله في البض
وبا العافيه على قلوبكم

شوفي حبيبتي إذا صرتي تبين تسوين المطبق من عجين زي اللي ذكرته الاخت رغد عمري لازم تشرين التيفاله حقت المطبق إطلبيها من محل الاوني وعلى طول يعطونك إياها لانه مخصصخ للمطبق اما إذا كان بورق السمبوسه عادي بصينيه تفال عاديه
اما الطريقه رغد كفت ووفت

اولا :المقادير
رقاق (ويفضل ابو الكيلو )
طماطم مقطع صغير
كرااث مقطع صغير
مفرومه
بيض
شوية ملح حسب الطلب
كل المقادير حسب الالعدد
الطريقة:
اولا نخلط المفرومه +الكرااث +الطماطم+والبيض+الملح
نقلبهم بالملعق لمن ينخلطو كلهم مع بعض
بعدين نجيب ورقه من الرقاق ونخليها بالطول ونجيب وحده تانيه فوقها بس بالعرض
يعني بتصير على شكل +
في النص بنحط شوي من الخلطه يعني مقدار ملعقه ونص
نقوم ناخذ الطرف الاول نغطيه وبعدين الطرف التاني الين ما تتقفل
وتسير شكلها مربعه
ونقفل الاطراف بالغرى والغرى عباره عن (مويه ودقيق )
ونعمل الباقي
ولمن نغلق نجيب طاوه ( قلايه) ونحط عليها شوية زيت ولمن يسخن نحط الطبق عليها الين مايتحمر الوجهيين
وبعدين نرصو ونزين الطبق وبالعافيه
ملاحظه:
ممكن نستبدل المفرومه بالجبن الشيدر او الدجاج او حتى الموز
وكل الباقي ينحط
الا الجبن الابيض والموز نحط معاه البيض والسكر فقط
وبالعافيه على قلوبكم

مشكورة والله يعطيكم العافيهانسه نمله وفرفوشه
انا اخلط الابيض مع الدجاج او الحم بس يطلع لما احطه على النار ومرة سويته وغمست العجينه بالبيض بس ماضبط معي وطلع مو حلو مرة زوجي جاب مطبق من بيت اهله وكانو معطينه على قده عشان مااكل معاه بس هو قالي خذي قطعه واكلتهاكان طعمها جنان والله احسن من الي برا لان عندهم طباخه بس ماامون عليهم عشان اطلبها متهاوشه معاهم

يا أختي جربي طريقة المطبق بالبطاطس أم خطير وسهل بنفس الوقت
المقادير : رقائق سمبوسه _ 4 حبات بطاطس مسلوقه _ نصف حزمة بصل أخضر _ 2بيضه _ ملح _ بهارات _ فلفل أسود
تفرد الرقائق بالطول ثم نضع فوقه بالعرض قطعه أخرى وبعد ما نهرس البطاطس مع المقادير كلها نأخذ ملعقه
من الخلطه ونضعه في وسط الرقائق ونلفها ...وبالعافيه

مطبق بالفرن
تاخذي صينية وتدهنيها وتحطي طبقتين من شرائح السمبوسة وفوقها الحشوة(اي حشوة من اللي ذكروها الاخوات
وبعدين تحطي فوق الحشوق طبقتين من الشرائح
وفوق كل هذا تخلطين بيض مع جبن سائل وبهارات وتصبيه فوق الشرائح وبعدين جبن مبشور وتغطيها بالقصدير وتدخليها الفرن
لذيذة