ابي فزعتكم يا بنات

ان شاء الله الفراشات يساعونك ماعندي خلفيه
افتحي قسم المطبخ في المنتدى

اختي بما ان الجو برد احسن مشروب>>>>>>>>>>>؛؛؛؛؛؛؛؛؛؛حليب بالزنجبيل والسندوتشات التورتيلا طعمه ام المنتدى مليان اكلات للفطور بالتوفيق

افاء والله ما توقعتكم كذا ساعدوني

شوفي حبيتي انا اعرف مدرساات يسوون هالحركات طيب المهم اشتري سندوتشاات اللي تصير وسط حقت لوزيين وسوي دجاج مع صلصله الصويا وكشنيه وبس احشي كل وحده ولا تنسيين تحطيين شوي مايونيز وغليفها والله بتطلع حلووه مع الساندوتش وسووي قهووه وسووي صينيه حلى ولا شيز كييك اللي ف قسم الحلويات شكله حلوو وان كان تعرفيين طريقه القشد سويها لهم في حافظه وحطي معاهم صحوون بلاستيك صغييره وكل واحد يغرف على قده ولو تبيين بعد تسووين بان كيك ترى الخليط حلو اللي ف بنده مدري السيف وي وهاتي العسل اللي يجي معااه ومدري انا قلت لك كذا فكره ف راسي وانتي اللي يعجبك سوويه ماحبيت ادخل ومااعطييك افكاار واي شئ ف بالي برجع اكتب لك ايااه

احب قطوتي الف شكر على الافكار

الفكره الاوله
انا اقولك خلي اخوك يشتري فلافل واتني سوي الخلطه وهي ما يونيز وطحينيه وخيار مبشور وطماط صغير مره وحشيه باالخبز الصغير او قصصي البريد دوائر وافردي ثنتين مع بعض واقليها بزيت
وقصيه بنص وحشيه مره جنان
والفكره الثانيه
سويه خبزه اهل الجنوب الي با الفرن مع السمن والعسل
والفكره الثالثه
سوي قرصان اغلب الرجال يحبون الاكلات الشعبيه مع البرد طبعآ لاتنسين الحليب مع الزنجبيل
وسلامتك

اقولك سوي كلوب ساندويتش بالمارتديلا والجبنه والخس والطماطم وسوي سندويتشات التوست بالتونه والمايونيز وكشني الدجاج وحطي عليه فلفل رومي وصويا صوص واحشيه في الخبز الصامولي مع دهنه بالمايونيز شويه خس صدقيني بيشوفوه شي غريب عشان الرجال متعودين على الفول والبيض والجبنه خ
باالهنا والعافيه

الله يعطيكم العافيه على الافكار طيب ايش اسوي
حلا

سويلهم السينابون خفيفه وتكون كل حبه لحالها عشان اكيد مايعرفوا يقطعوا مع دله قهوه ويعطيك العافيه مقدما