طلب جدا سريع يابنات ابغي طريقة اللازنيا

طريقتي في عمل الازانيا
اسلقها بصينيه الفرن المستطيله الواسعه واحط زيت عشان ماتلتصق ببعضها
اجيب لحم مفروم واحمسه مع البصل والثوم واحط بهارات وقطع فلفل اخضر وصلصه الطماطم وشوي مويه واخليها لين تتسبك
اسوي الباشميل
اذا استوت الازانيا احط بالصينيه طبقه منها بعدين طبقه من اللحم بعدين اغطيها بالازانيا بعدين احط طبقه من الباشميل وهكذا لين تصير عندي طبقات
بعدين اخر شي ارش جبنه مزرولا عليها وادخله الفرن من تحت ثلث ساعه واحمرها من فوق بس وتطلع خيال ماتشبعين منها

هلا يالغاليه
انا طريقتي اجيب اللازانيا اللي مكتوب عليها (لاتحتاج الى سلق او مايكون مكتوب في طريقة التحضير اسلقيها)
واسوي صلصة اللحم المفروم او الربيان او صدور دجاج مقطعة .... احمس ثوم مع شوي زبده واحط اللحم واحركه بدعين احط طماطم مفروم و صلصة طماطم واحط كاتشاب (اهم شي الكاتشب والخل)
وبعدين احط بازلاء والبهارات وشوي خل ولاتنسين الملح
بعدين سوي الباشاميل
وادهني الصينية بالزيت وكثريه شوية عشان ماتلتصق الطبقة الاولى من اللازانيا وتسود بعدين حطي طبقة لازانيا وحطي طبقة لحم وطبقة باشاميل بعدين لازانيا بعدبن لحم وباشاميل بعدين لازانيا ثم باشاميل ثم جبنة موزاريلا ودخليها الفرن ثلث الى نص ساعة بعدين حمريها
وبالهناء
وبليز اذا سويتيها واعجبتك علميني على الخاص لأني اول مرة اكتب وصفة على النت بس لأني شفتك تسألين عن طبختي المفضلة

الاخت دمعة كفت و وفت
موفقه

يسلمو ياغالين
الله يعطيكم العافيه تعبتكم

ممكن تعطوني طريقة الباشمل

الباشمل
طريقتها
كاسه الاربع دقيق
3 ملاعق حليب نيدو
وقليل زيت
وملح وفلفل
و2 ونص كاس ماء
تحطيها مع بعض وتخفقيها باليد
وتحطيها علي النار وتستمري بالتقليب الين ماتشوفيها ثقلت الثقل الاتبغيه
وبعدين تبعديها علي النار وتتركيها تبرد شويه وتحطي عليها 2 بيض وتقلبيها وتستخدميها بالا تبغيه

شكرا((سيدة الجوري)) الله يعطيك العافية