احلى سليق

ام هاله 22

13-04-2022 - 05:04 pm

اول شي نقعت كوبين رز مصري وممكن تقللين الكمية
وبعدين قطعت حبة بطاطس متوسطة الحجم مكعبات.. نقليها بالزيت
سلقت نصف دجاجة مع البهارات الصحيحة (دارسين هيل مسمار ورق غار) والملح وراس ثوم
لاتستغربون شوهت جناح الدجاجة لاني اكرهه ههه
بعد مانضجت الدجاجة نصفي المرق من البهارات ونصبه على الرز المنقوع
نضيف حوالي 8 ملاعق من حليب نيدو الى المرق
وهالكمية الصغيرة من الزبدة
وطبعا نزيد المرق بالبداية كوبين موية لانه بعدين راح يتشبع الرز من الموية
نحرك الخليط ونضيف فلفل ابيض فقط وملح
وبعد مايغلي نغطي القدر بقصدير ونخليه على نار هادئه لين تنفش حبة الرز وتصير لينه زي اللي في الصورة
وبين 10 دقائق والثانية حركي الخليط وضيفي له موية اذا حسيتيه يحتاج وحاولي تهرسين حبة الرز
وخليه على النار لين تحسين وصلتي للقوام المطلوب
بعد كذا اقطع بصله كبيرة تقطيع ناعم او بالاله واحطها مع الزيت على النار
ونفس الشي بالنسبة للطماط استخدمت حبة كبيرة وشوية كزبرة وبقدونس
اضيفهم على البصل
اضيف البهارات (فلفل اسود . قرفة . ليمون اسود . بهارات مشكلة ) ومعجون طماط
ونخليها شوية على النار لين تذبل المكونات
شيلي هالكشنة على جنب وجيبي الدجاج وحطيه بصينية فرن
حطي عليه شوية من الخلطه السابقه بالاضافة الى شوية زبدة على الوجه يعطي طعم حلو
ودخليها الفرن لين تتحمر
وهذا الشكل النهائي للطبق
زينته بالبطاطس المقلية وشوية من الكشة والكزبرة
واذا بغيتي حطي زبدة ..
وهناك شي اساسي لازم يتقدم مع الطبق
الدقوس
وصورة اخيرة
مايحتاج اقول لكم عن الطعم لانه بالفعل رائع وجربوها على ضمانتي ..
بانتظار آرائكم ..
منقول لعيونكم

التعليقات (8)