اخيرا كتبت قصتي تعالوا شوي

1. دعاء الزواج ..


2. الدعاء

السلام عليكم ورحمة الله وبركاته ....
حابه اقولكم قصتي وافيد البنات اللي يأسو من الحياه وان الابواب تقفلت بوجههم ..وغيرها من الكلمات
قبل لا اقول القصه الحمدلله الحمدلله الحمدلله حمدا كثيرا طيبا مباركا فيه كما ينبغي لجلال وجهك وعظيم
سلطانك ...
قبل ثلاث سنوات كنت زي اي بنت تتمنى تتزوج ويكون لها زوج وبيت واطفال ...
ولما تشوفي البنات من حولك اللي مخطوبه واللي عرسها بعد كم شهر تزيد عندك ....
تمنيت قريب لي يكون زوجي لاخلاقه وسمعته الطيبه عند الناس وحبيته ومع الايام والسنين كلمتني اخته
وقالت انه يبغاك ويبغى يخطبك
مع العلم انه ماكان يفكر فيني ولا واحد بالميه ..بس من زمان كنت ادعي ربي يميل قلبه علي ويخطبني
يارب لك الحمد والشكر ...
امه كلمت امي وامي قالت انشوف ابوها ونرد لكم...
امي كلمت ابوي وقالتله ورفض ابوي..رفض قاطع مو لشي بس مافي سبب معين
بدت المواجع وكان الرفض تام ومابعده رجوع ....
امي قالت خلاص يابنتي اش تسوي لا عاد تفكري بالموضوع ...وانا ياربي فجأه كذا اللي تمنيته
خلاص يروح .....
وبدأت مرحلة التحدي مع نفسي ..وجاني خطاب كثير وانا ارفض ماادري ليه لدرجة جاني وابوي وقام
يصارخ علي لي رفضت واحد مهندس وابوه دكتور وامه مدرسه بالجامعه وناس معروفين
وجلست ادعي وخايفه بنفس الوقت من ابوي انه يغصبني ....بس يارب لك الحمد
كنت اقوم من النوم من غير شعور وادعي وارجع انام وكنت بهم مايعلم فيه الا ربي ومع الايام وانا نفس الشي مستمره
بالتحدي مع نفسي بالدعاء وكنت بنفس اقول كلهم راج يشوفون بعيونهم اني راح آخذه ومالي غير ربي
معاي ..الموضوع صار له سنتين
كنت دايم احلم احلام زينه وافسرها ويقولون زواج وغيره وادري ان ربي قاعد معاي ومن احلامي انه راح يتحقق
جاء يوم وكلم ابوه ابوي ...وانا كنت بغرفتي جت وحده من اخواتي وقالتلي والله العظيم اني نشفت
وقاعده ادعي وما وقفت وانا بمكاني وقلبي كان يدق بسرعه
لان الموضوع وصل للرجال رفض من ابوي ابوه ماعاد يكلم وتتعقد السالفه ....
بس يارب لك الحمد ربي معاي وسبحانه الي خلى ابوي يقول يصير خير
ارتحت شوي صار ابوي يجيني يقول انتي الى الحين مصره اقوله انا مرتاحه وربي معي واستخرت كثير
مرتاحه ..
سبحان اللي خلى ابوي يجي ويسألني ...صدق القلوب بين يدين الرحمن يقلبها كيف يشاء
اتخرجت الحمدلله
وبرمضان دق ابوه وقال هاه وش قلتو قال ابوي الله يكتب اللي فيه الخير
قال بنجي
بعيد رمضان ...
ابوي قال احسن بعيد الاضحى ابوي جالس يبعد الوقت
لان احنا بمنطقه وهم بمنطقه ....
فال ابوه خلاص على خير
عملت التحليل واتسهلت يارب لك الحمد والشكر
وجى يوم 7-12-
يوم ملكتي الحمد لله الحمدلله الحمدلله
جلست سنه ونص مملكه وتصعبت امور كثيره قبل العرس بس مع الدعاء الدعاء الدعاء وقيام الليل
وقراءة سورة البقره سبحان الله شي عجيب بس اهم شئ تستمري عليها ماتتركيها
انا استمريت عليها اكثر من اربعين يوم واكتشفت كان فيني عين والحمدلله لاني داومت عليها
راحت وتسهلت الامور بشكل عجيب ماشاء الله لاقوة الابالله ولاتردري كيف جت او صارت
والحمدلله انا الحين متزوجه من الشخص اللي تمنيته رغم رفض اللي حولي كلهم واتوقع لو وحده ثانيه مكاني كان يئست
بس يارب لك الحمد والشكر ((ولاتقنطوا من رحمة الله )) يابنات لاتستعجلين الاجابه ابدا ابدا ابدا بس اتأكدي
انها راح تصير بس اي وقت اي يوم ماندري عند ربي علمها ..
وانا الحين بأختبار من ربي
ادعولي ربي يرزقني انا وزوجي بالوظيفه اللي نتمناها ويرزق المحتاجين يارب
بنات بنزل لكم الدعاء اللي كنت ادعي فيه واتحرى اوقات الاجابه ..
عند المطر -بين الاذان والاقامه -اخر الليل-اخر ساعه بالجمعه عند السجود ...

دعاء الزواج ..

يقول الشيخ فرحات المنجي احد علماء الازهر الشريف انني لاقول ان هذا الدعاء يفعل فعل السحر ولكن بعد اسبوع واحد من قراتي لهذا الدعاء في التلفزيون دعاني بعض النساء والرجال لحضور حفلات زواجهم وقالوا لي اننا قرانا هذا الدعاء فاكرمنا الله بالزواج ويضيف : اخبرتهم ان هذه قد تكون مصادفة ، فردوا اننا كنا نتوضا ونقرا هذا الدعاء اثناء الوضوء ،وموقنون بالاجابة والحمدلله
سهل لنا الزواج بعد ان واجهنا صعوبات كبيرة طوال السنوات الماضية .
وان نفع فانة لايضر وانه في النهاية دعاء واتمني ان تقروه علي اساس انه دعاء والله سبحانة وتعالى يحقق لكم امنياتكم

الدعاء

اللهم اني اسالك باني اشهد انك انت الذي لااله الاانت...الاحد الصمد الذي لم يلد ولم يولد ولم يكن له كفوا احد اقضي حاجتي ... انسي وحدتي ... فرج كربتي...اجعل لي رفيقا صالحا كي نسبحك كثيراونذكرك كثيرافانت بي بصير ... يامجيب المضطر اذا دعاك...احلل عقدتي ...امن روعتي ... ياالهي من لي الجا اليه اذا لم الجا الي الركن الشديد الذي اذا دعا اجاب ...هب لي من لدنك زوجا صالحا...اجعل بيننا المودة والرحمة والسكن... فانت علي كل شي قدير...يامن قلت لشي كن فيكون...ربنا اتنا في الدنيا حسنة وفي الاخرة حسنة ... وقنا عذاب النا وصلي اللهم علي سيدنا محمد وعلي اله وصحبه وسلم
لاتنسوني من دعواتكم ....
(((الملائكه ترد ولك بالمثل )))