اكلات عالسريع مع ام ابراهيم نسختى السريعه من صنيه الفراخ بالبطاطس بالصور

اهلا ومرحبا بكم اخوتى فى الله
معايا اكلات عالسريع مع ام ابراهيم
نسختى من صنيه الفراخ بالبطاطس السريعه
يلا نبدا المقادير وبالصور كمان
فراخ
بطاطس
بصل وثوم
ملح وفلفل وبهارات
صلصه
زيت وزبده حسب الرغبه
ورق الومنيوم
يلا نشوف الطريقه
الاول لازم نعمل شويه حجات كدا ونسيبها على جمب
البصل يتقطع
البطاطس تتقطع
والثوم يتقطع
حلقات
ثانيا نتبل الفراخ بالملح والفلفل والبصل
ونتبلها كويس وتحت الجلد نحط البصل كمان
بيبقى طعمه جميل قوى
ثالثا نحضر الصلصه معلقتين او تلاته صلصه فى كوبايه كدا ونحط عليهم شويه زيت ونقلبهم كويس
رابعا طريقه الاعداد
نفرش ورق الالومنيوم ونحط طبقه من البصل الحلقات والثوم الحلقات
ونتبلهم بقليل من الملح والفلفل
وبعدين نرص البطاطس وبردوا نتبلها
وبعدين نحط الفراخ
وعليهم بقى فوق الوش نحط الصلصه
ونحاول نوزعها كويس
وفوق الفراخ بحط قليل من السمن
وبس
نقفل بقى وكله يبقى تمام
قبل ما اوريكم النتيجه حبيت ااقلكم
انى بعمل البطاطس بالفراخ كدا دايما وقت مااكون فاضيه بالليل
لما ابراهيم ينام
واحطها فى التلاجه للصبح
اول مااصحى احطها بالفرن على درجه حراره متوسطه عابال ماتستوى اكون سويت ارز بالشعريه
وشويه سلطه وكله يبقى تمام
وسعات بعمل بزياده والف ورق الومنيوم تانى واحطه فى الفريزر
وقت الزنقه بقى مع ابراهيم
اطلعها من الفريزر وكله يبقى تمام
يلا بلاش اكتر عليكم فى الكلام
تعالو نشوف بقى شكلها ازاى
يارب اكون افدتكم
فى انتظار ارائكم ودعائكم
تحياتى للجميع
ام ابراهيم