اكياس الطبخ

اي اكياس تقصدين بالضبط ؟؟ اذا كنتي تقصدين اكياس الفرن فاستخدامها للفرن للطبخ
واعطيك الطريقه اللي دايم نسويها بالبيت وراح تعجبك لان الاكل يكون ذايب
الطريقة:
تقطعين اللحم او الدجاج قطع صغيرة وتحطين عليها شوية زيت وبهار
تقطعين الخضرة اللي تحبين ( كوسا - بطاطا - بصل - جزر - ثوم - ........ )
شوية خل
شوية صلصة دبس الرمان او اي صلصة انتي تستخدمينها
بهارات او مكعب ماجي
تحطين كل المقادير داخل الكيس وتصبين عليها شوية ماء ( لا تكثرين لان اثناء الطبخ الخضره واللحم راح يطلع ماي)
تخلينها بالفرن مدة ساعه او اكثر حسب حجم قطع اللحم
بعدها تفتحين الكيس من فوق وتخلينها يتحمر شويه قبل التقديم
طريقة ثانية في انك تسوين سوتيه الخضار داخل هذا الكيس بالفرن
اتمنى انك تقصدين النوع هذا من الاكياس واذا كان لا ما عليك الا انك توضحين وانا حاضره للمساعده اذا قدرت
.

يا عمري يارهام هي اللي اقصدها
مشكورة حبيبتي
بس باسألك اقدر استخدمها للرز وكيف اذا ماراح اتعبك
جزاك الله خيراً

العفو حبوبه
الرز ؟؟ ما اعتقد لان ماراح يكون في منفذ للماء انه يتبخر وفي الحاله هذي راح يستوي الرز زياده ويكون مثل العجين
ما ادري اذا ممكن انك تطبخين الرز نص طبخه وبعدها تنقلينه للكيس مع اللحم او الخضره يمكن تصير النتيجه احسن ... جربي

تسلمين يا رهام
ما قصرتي

العفو حبوبه