الدجاج المشوي بالفرن

ام وليدويوسف

23-01-2022 - 03:36 pm

حبيت اليوم اكتب لكم طريقة الدجاج المشوي بالفرن سهل ومريح
المقادير
حبة دجاجه مغسوله ومنظفه 1000جرام
تدلكينها من الداخل بملح مع خل وشوية خردل وكمون
وتحشيها فلفل حار وبصل
وممكن تحشيها باي شيء انتي وشطارتك
من الخارج تملحيها بملعقة ملح وتبهريها بكمون وفلفل اسود وقرفه مطحونه مع اي نوع اخر من البهار المشكل اهم شيء لاتبالغي بكمية البهار
تدخليها الفرن ويكون الفرن مشغلته على نار عاليه من فوق ومن تحت
تتركيها بالفرن 12 دقيقه او الى ان تتحمر من الاعلى والاسفل
تطفي النار العلويه
وتخفضي النار السفليه وتحطين مع الدجاجه حبة طماطم مقطعه ارباع
وترشي الدجاجه بقليل من زيت الزيتون او زيت السمسم لانه تعطي نكهه لذيذه
وكمان زيوت صحيه
وترجعيها الفرن مدة 40دقيقه وتكون دجاجتك جاهزه
وتكوني بهذا الوقت سلقتي بطاطس مع جزر
وتكوم مقطعه شرائح تضيفيها على الصوص اللي نزل من الدجاجه
وتحطيه على النار العلويه تاخذ النكهه
وحظريها مع الرز او اي شيئ انتي تحبيه انتي وعائلتك
على فكره حيكون مثل دجاج الشوايه اللي يجي من برا
واللي تقدر بنات تصورها وتنزلها للباقين وتذكر اسمي بليز
وصحتين وعافيه

التعليقات (5)