الدجاج بصلصة الباربكيو مع صوص الجبنة الزرقاء

مرحبا احلى فراشات ..
قبل فترة رحت مطعم ابل بيز وكلت من عندهم هالدجاج اللي فيه صلصة الباربكيو وجنيت عليه..المهم شلت شلايلي ورحت الجمعية وحصلت الخلطات مالته في الجمعية ..اللي هي صلصة الباربكيو الجاهزة بتحصلونها ماركة العلالي او اي ماركة .. وصلصة الجبنة الزرقاء في جهة المايونيز ووالكاتشب..
وهاكم الصورة ...وبعدها المقادير..
طبعا هالطبق انا مسويته ..>>يعطيني الف عافية ..
المقادير:
صدور دجاج
صلصة الباربكيو الجاهزة
صلصة الجبنة الزرقاء او البلو تشيز
زيت للقلي
الطريقة :
تقطعون صدور الدجاج لقطع متوسطة وتنقعونها بكمية من صلصة الباربكيو..وتخلونها شويتين علشان تتشرب الصلصة ..
بعدين تقلونها بالزيت لغاية ماتستوي..بعدين تردون تحطون عليها الصلصة مالت الباربكيو..
وبعدين في صحن صغير حطي صلصة الجبنة الزرقاء وممكن تحطين عيدان كرفس للتزيين ..وتحطين الدجاج في طبق التقديم وتقدمينه وهو حار ..وبالهنا والشفا