الزعتر يابنات

الخبز المفرود بالزعتر
تجيبين خبز مفرود وتقطعين اطرافه وتقطعينه مربعات أي حجم تبين وتدهنينه بالجبن كثري الجبن مش مجرد دهن
وتسكرين المربع على شكل مثلث وتحطينه في البيض ثم الزعتر وتقلينه وبالعافيه
الجبن كيري او مثلث
التشكيل حسب رغبتك
الدجاج بالزعتر الأخضر وبنكهة الشواء
--------------------------------------------------------------------------------
المقادير:
دجاج حجم متوسط -
زعتر اخضر حسب الرغبة -
ملعقتان ملح - وملعقة صغير فلفل ابيض -
عودان من القرفة او الدارسين -
ثلاث ليمونات -
ملعقتان زيت .
الطريقة:
نظفي الدجاجة وقطعيها الى اربعة اجزاء مع عدم الاحتفاظ بالجلد وانقعيها لمدة ثلاث ساعات مع عصير الليمون وملعقة الملح ، عند تحضيرها للفرن اجعلي بقطع الدجاح ثقوبا عميقة وضعي كمية من الزعتر الاخضرالمفروم ، والملح والفلفل الابيض، ثم ضعيها في كيس الشواء الحراري، في الفرن على نار هادئة وراقبيها، حتى تتحمر وتبقى طرية ، ضعيها في طبق التقديم مع تقليب بعض الخضراوات او المشروم .
حلى بالزعتر والجبن >>
--------------------------------------------------------------------------------
1 - اول شي تجيبين المضرب الكهربائي حق الكيك وتخفين فيه 3 بيضات الى ان تصير مثل الرغوه
2 - بعدين تحطين عليه بياله سكر وتخفقين
3 - وبعدها ربع بياله زيت وتخفقين
4 - وبعدها بياله حليب نيدو او اي حليب جاف وتخفقين
5 - بعدها بياله طحين وتخفقين
6 - وبعدها ملعقه بيكنج بودر وبعد تخفقين
بعدين تصبينها بصينيه بايركس
وتجيبين 3 حبات جبن كيري وتقطعينها صغار وتحطينها فوق العجينه بس لاتخلطينها
وبعدها رشي فوقها الزعتر
وحطيها بالفرن الى ان تستوي
فطيرة الطبقات بالزعتر
المقادير
العجينة:
3 اكواب طحين ابيض
كوب + ثلاثة ارباع ماي دافي
ملعقة كبيرة خميرة فورية
فنجان سكر
نص كوب زيت
6 ملاعق طعام حليب مجفف
ذرة ملح
1 ملعقة كبيره بيكنغ باودر
الحشو:
زعتر وبس
وراح نحتاج بعد للتزيين
نص كوب حليب + بيضة مخفوقين تمام
سمسم
حبة سوداء
الطريقة:
1. في وعاء واسع للعجن نضع الماي + الحليب المجفف + السكر ونخلطهم زين لين يذوب الحليب والسكر
2. نضيف عليهم الخميره ونخلطهم على الخفيف ونضيف بعدها الزيت ونخلطهم شوي بعد ونترك الخليط على جنب
3. ننخل الطحين + البيكنغ باودر + الملح وبعدها نضيف الطحين على دفعات على الخليط السائل السابق ونستمر فالعجن لين تصير عندنا عجينة لينة متماسكة وطريه.
4. نتركها تتخمر في مكان دافي ((وهذا شرط التخمر الناجح)) واذا ما توفر عندج المكان الدافي ممكن بعد ما تغطينها بالبلاستيك تحطينها بمكان فيه شوية شمس علشان تتخمر بسرعه وخلال ساعه راح يتضاعف عندج الحجم بالشكل المطلوب وممكن تخلينها شوي زياده اذا احتاج الامر.
5. وبعد ما انتهت فتره التخمير ناخذ كورة من العجين ونفردها بالنشابة لين يصير لنا شكل بيضاوي او دائري او مربع على حسب الشكل الي نريده ويكون بحجم اكبر من الكف بشوي وبعدها نفردها في صينية الخبز وبعدها نرش عليها شوية من الزعتر في الوسط ونفرده بس لا نقرب من الحواف علشان ما يطلع لبرا
6. نكرر عمليه فرد كوره يديده من العجين ونفردها على الطبقة الاولى فوق الزعتر وهكذا نستمر في العمليه لين تصير عندنا فطيرة تتكون من اربع او خمس طبقات وتنتهي بطبقة ما عليها زعتر
7. طبعا الحركة هذي ممكن تسوينها وممكن لا وهذا راجع لج ولذوقج وهي انج تاخذين خطوط طوليه رقيقة من العجين وتحطينها على الفطيرة حتى يصير عندج شكل اكسات عليها
8. ندهن الفطاير بالبيض مع الحليب المخفوقين مع بعض ونرش عليهم السمسم او الحبة السوداء وهذا بعد راجع لذوقج عزيزتي
9. الحين نخلي الفطاير تتخمر لمدة ساعه على الاقل ولين يتضاعف حجمها وبعدها نخبزها في فرن معتدل الحراره لين ما تحمر

تاخرت بالرداعذريني مشكورة اللة يعطيك الف عافية