ساندويتشات الدجاج اللذيذة

المقادير
دجاجة بدون عظم مقطعة مكعبات (ممكن استخدام صدور فقط)
فليفل، طماطم، بصلة (كلهم مقطعين مربعات)
بهارات، ملح، ثوم (أني أحط بودر)، صلصة الصويا.
مايونيز، بقدونس مفروم، روب "زبادي" خل.
جبن (أني استخدم كيري).
صمون
الطريقة
نسخن زيت ونحط فيه البصل حتى يذبل، نضيف الدجاج ونخليه لين قريب ينضج وبعدين نحط عليه الفليفل والطماطم والصويا والبهار (والأعشاب اللذيذة اللا هي الريحان والاوريغانو) و الملح والثوم.. طبعا نقلبهم.
إذا نضج خليه على نار هادئة وغطيه، عشان ياخذ رطوبة الطماطم.
نسوي الصلصة بخلط ملعقتين مايونيز وملعقة روب وملعقة خل وشوي بقدونس (ممكن نضيف كاتشاب وخردل.. لكن أني ماجربتها بهم، وفي ناس يضيفوا خس مقطع)
نشق الصمونات، ونحط فيها الجبن (شيدر أو كيري) وفوقه شوي من الصلصة ونحشيها بخلطة الدجاج وبعدين نحط شوي صلصة من فوق.
نصفهم في صينية ونغطيها بقصدير ونحطهم في الفرن عشان تسخن ويذوب الجبن.
وممكن تقديمه بطريقة ثانية، ان نحط خلطة الدجاج في صحن ونقطع فوقها جبن ونصب عليها من الصلصة.. ثم تسخن (في الفرن أو في المايكروويف
وشكرا