الفزعه ابي طريقه المثلوثه ولكم دعوه من كل قلبي

والله ياختي الي اعرفه ان المثلوثه مايبي لها شي
بس اهم شي تضبطين حبة الرز ويكون لونه ابيض
وتسوين قرصان وجريش وكلهم ع جنب
تقومين تغرفين الجريش اول في طبق التقديم ومن ثم القرصان ومن ثم الرز ولواحقه من دجاج وبزار
انا احط في السطح بصل مقلي شرائح بس ولك الجريه اختي ويعينك ربي ان شالله
وانا بالخدمه لو حبيتي الاستفسار عن القرصان او الجريش او الرز بعد

حبيبتي ريانه العود ابي المقادير بالتفصيل لاني ولا مره ذقتها ولا شفتها

هي في الاساس تتكون من ثلاث وصفات ..
تعمل كل وصفه لوحدها
وعند التقديم تكون طبقات فوق بعض ..
طبعا بما أننا شعب جدا متطور وحابين نواكب
عصر السرعة قلنا نجمع ثلاث أكلات في وحده
ونجلس ثلاث أيام بدون غدى تطور من نوع نادر جدا
الجريش ..
وطريقة عمله في المثلوثه انه يكون باللبن
المقادير :
لكل كوب جريش لتر لبن
بصل مفروم
ملح وكمون ..
ملعقتين سمن بلدي ..
كيلو لحم غنم ..
تحمي السمن على النار وتضعي اللحمه
تتحمر قليلا حتى يكتسب السمن
نكهة من اللحمه ثم انتشلي اللحمه
من السمن حتى نطبخها مع الرز ..
بعد ماتشيلي اللحمه ضعي البصل المفروم
والكمون وقلبي باستمرار حتى يذبل البصل
لا ان يتحمر ثم اضيفي اللبن وحركي باستمرار
حتى لا يتكتل الى ان يصل اللبن للغليان
ثم اضيفي لهم الجريش المغسول جيدا
واستمري في التقليب حتى الغليان مره ثانيه
اتركيهم على النار وعندما تلاحظين ان اللبن
بدأ يجف غطي القدر باحكام
وضعيه على نار هادئه جدا ويستحب أن
يكون هناك عازل بين النار والقدر
بوضع بلاطه أو حديده المهم يكون القدر
بعيد عن النار فقط تصله الحراره البسيطه
لأن الجريش هنا يطبخ بالبخار المكتوم في القدر
ويترك من ساعه الى أكثر حسب الكميه
بعد ان ينضج الجريش افتحي القدر
وحركيه بقوه بالملعقه حتى ينرهس الجريش جيدا..
والان الطبقه الاولى وهي الجريش جاهزه
القرصان تشتريه جاهز من السوبر ماركت
وبامكانك تجهيزه في البيت كعجينة السمبوسه
ولكن من الدقيق الأسمر والملح والماء
وتفرديها فرد رقيق جدا جدا وتضعيها
على الصاج على نار هادئه حتى تنضج وتجف
تعملي ايدام بالخضار واللحمه وتبلي
القرصان فيه وتنتبهي لاتتعجن القرصان
حتى ماتخرب عليك وهذي هي
المرحله الحرجه في المثلوثه وتحتاج لخبره
بعد ماتسلقي اللحمه مع البهارات الصحيحه
من هيل وقرنفل وقرفه وفلفل وكمون ...
تضعيها في صينية الفرن وترشي عليها
ملعقه سمن وتحمريها ..
في مرقة سلق اللحمه تسلقي الرز
وتتمي طبخه عادي ..
وتحمري قليل من المكسرات في الزيت
والزبيب وتنثريها على وجه الرز ..
الجريش ...ثم القرصان .. ثم الرز والمكسرات ..
وفوقهم اللحمه ..
وأخيرا زيني الطبق بشرايح الليمون والطماطم
وصحتين على قلوبكم
م ن ق و ل

بارك الله فيك اختي محبه كفيتي ووفيتي
اختي ام صلوحي اذا فهمتي من اختي الي شرحت زين ولو مافهمتي امريني اسويها لك بالمقادير والصور
انتي تامريني امر ودي وربي اساعدك ابيك ترفعين راس ابو عيالك وتراني وربي ماعمري سويت وصورت لاحد
بس هالمره تحمست لعيونك وربي
وع فكره تراني احبك الاكل الشعبي زي ماتقولين
طولت عليك تراني في الخدمه

وربي شهيتونا وبالتنوزفيق

الف الف شكر حبيبتي محبه الوطن كفيتي ووفيتي حبيبتي انشالله تضبط معاي
حبيبتي ريانه العود اسعدني اهتمامج بالموضوع وحبج للمساعده الله يوفقج حبيبتي بحياتج وينولج الي ببالج
وانا مابي اتعبج بس اذا بتسوينها وتصورينها هم زين الكل بيستفيد اكيد وعندي سؤال المثلوثه باللحم الذ ولا بالدجاج
حبيبتي دلوعه اذا سويها بدزلج نقصه
وسوال اخير القرصان اهو خبز رقاق صح

هلا بك اختي ام صلوحي
القرصان لاتصلحيه ولا شي اشريه جاهز لان مو كلن يضبطه وهو من دقيق البر الاسمر ويجي جاف مره ومكسر
كبار
ع العموم ابسويه لك يالغاليه بمقادير دقيقه...وانا عن نفسي وزوجي نحبه بالدجاج والناس اذواق ياعيوني
انتظريني باذن واحد احد

هلا حبيبتي ريانه العود ومشكوره للتفاعل واكيد راح انتضرج بفارق الصبر
وانا اكيد ماراح اسوي القرصان بالبيت لانه يبيله صاج وماعندي صاج
الف الف الف الف الف الف الف شكر لج حبيبتي

ريانه العود حبيبتي وين الطريقه بالدجاج باجر رمضان ومابي اتعبج كتبيها بدون تصوير راح افهم عدل الله يخليج ترى اعتمادي غلى الله ثم عليج واسفه لاني طولتها معاج