المرقوق

انا ماعرف للمرقوق ولا الجريش ولا كل الاكلات الشعبيه
بس اذا اشتهيت المرقوق استبدله ب مطازيز قودي
بصراحه لذيذه وخفيفه بس خليها تطول تطبخ ع النار

إنشاء الله تكون هذي الطريقة إلي تبيها لأن كل منطقه لهم طريقه عالعموم هذي الطريقة إلي أعرفها وراح أقولها دش يعني ا لمقادير والطريقة سوا أولا تاخذي زبدية كبيرة وتسوي العجين وهي عباره عن 2 وب دقيق وذرة ملح وإذاتبغي ضيفي بودرة الثوم تخلي طعمها روعة وأعجنيها بشوية مويه لحد ماتصير متماسة وتتركيها ترتاح وبعد ربع ساعة اعجنيها مرة ثانية عشان يمتزج ويتماس العجين زين هذا أول شيء تسوينه ,وبعدين خذي قدر وحطي شوية زيت ونص بصلة مفرومة وحركيها لحد مايصير لون البصل ذهبي وبعدين أضيفي اللحم أو دجاج إلي تفضليه ويكون مقطع على الحجم إلي تبينة بس الأفضل يون بالعضم عشان يطلع فيه مرق ونكهه , وتشوحينه مع البصل وتضيفي الملح والبهارات وبعدين حطي عليه الطماطم وتكون معصوره أو مفرومة ناعم ,ومعجون طماطم وحركيها لين ماتتكثف المكونات وحطي عليها الموية المغلية وغطي عليها وخليها لين قبل ماتستوي شوي وأضيفي الخضار اللي عند ك (( كوسا وجزر وبطاطس والفلفل الرومي )) وغطي مره ثانيه والحين تفردي العجين بالفرادة وتقطعيها على شكل مربعات أو دوائر وضيفيها عالمرق قطعة قطعة عشان ماتلزق وحريها وغطي عليها في كل مره حتى تنتهي الكمية اللي تبيها وأتركيها نص ساعة على نار هادئه مع التحريك باراحة عشان ماتتمزق قطع المرقوق وبالهنا والعافية هي تاخذ وقت بس لذيذة تستحق التعب

شكرآ الله يعافيكم..

سلام خيتو
انا عندي طريقه اسهل جربيها وان شالله تعجبك بس انه بدون الخضره مثل الكوسى والفلفل الرومي لانه ما يعجبني
اول شي اعجني العجينه وخليها شويه طريه يعني زي عجينه اللقيمات او اثقل شويه دقيق وملح ومويه بس
وخليها ترتاح
وبعدين قطعي بصل وقطعي الدجاج او اللحم وقطعي طماطم حبتين او ثلاثه على حسب كميه وكل شي قطعيها وخليها جاهزه
سوي كشنه عاديه ولمن يحمر البصل حطي طماطم ومعجون طماطم مقدار ملعقه او ملعقتين وفلفل اسود مطحون ومرقه ماجي وبعدين حطي الدجاج او اللحم وخليه يتسبك شوي وحطي مويه لحد يغطي الحم وخلي النار مو عالي مرره وسط وخليه ربع ساعه اذا كان دجاج او لحم نص ساعه او اكثر
ولمن تتاكدي انه استوى اللحم اما الدجاج بس ربع ساعه
حطي العجين سويها زي اللقيمات دائره مو كبيره مرره ولا صغيره وسقطيها على المرق وخلي النار واطي مره وهكذا لغايه ما تخلصي العجين راح تحسي انه كميه كبيره مرره لاتخافي راح يكفيكي ويزيد شويه والمرقه لاتكون قليله
ولمن تخلصي حطي غطاء القدر عليه وخليها عشر دقايق او اكثر خلي النار وسط مو عالي ولا واطي
لمن تشوفي المرق صار ثقيل شوي قفلي عليها النار واذا المويه خف زيدي مويه عليه

اب

مرحبا اختي عندي لك طريقه سهله وبسيطه جدا وطعمها خيال
اولا ..تقطعين الدجاج صغير تحمسين بصل مفروم وتضعين الجاج والخضار مقطع (كوسا باذنجان وفليفله وجزر) يقلب على النار وتضعين صلصه وتقلبين ثم البهارات وهي مكعب ماجي وبهارات مشكله
وفلفل اسود وكمون وملح وتقلبين على نار هادئه ..
ثانيا..تضعن الماء المغلى عليه وتطولين على النار وتغطين القدر ولمدة 45دقيقه ..
ثالثا ..تجيبين خبز جاهز من الخباز خبز صاج (المطحن ) وتقطعينه اقل من المتوسط وتضعينه على مرقة الدجاج وتصغرين على النار وتقلبين الخبز وتتركينه لمده من7-10 دقايق...
وبس اتمنى تدعين لي ان الله يوفقني ويوفق زوجي ويصلح عيالي ...........

***ملوكتي
الله يوفقك ويسعدك ويوفق زوجك ويصلح عيالك يارب..
شكرآ جزيلآ لك..